ಸಣಾಪುರದಲ್ಲಿ ಅಖಂಡ ಭಜನೆ ಸಂಪನ್ನ

ಲೋಕ ಕಲ್ಯಾಣ, ಸಮೃದ್ಧ ಮಳೆ, ಬೆಳೆಗಾಗಿ ಪ್ರಾರ್ಥಿಸಿ ಸಣಾಪುರದ ಶ್ರೀ ಉದ್ಭವ ವೀರಭದ್ರೇಶ್ವರ ದೇವಸ್ಥಾನದಲ್ಲಿ ನಡೆದ ಅಖಂಡ ಭಜನೆ ಸೋಮವಾರ ಮಂಗಳಗೊಂಡಿತು. ಸಣಾಪುರದ ಮಹಿಳಾ ಭಜನಾ ತಂಡ ಅಖಂಡ ಭಜನೆಯಲ್ಲಿ ಪಾಲ್ಗೊಂಡಿತ್ತು. ಸಣಾಪುರ, ಮುಷ್ಟೂರು, ಗುತ್ತಿಗೆನೂರು ಗ್ರಾಮಗಳ ಭಜನಾ ತಂಡಗಳು ಭಾನುವಾರ ಬೆಳಗ್ಗೆಯಿಂದ ಸೋಮವಾರ ಬೆಳಗ್ಗೆತನಕ ಅಖಂಡ ಭಜನೆ ನಡೆಸಿಕೊಟ್ಟರು.

ಕಲ್ಯಾಣಚೌಕಿಮಠದ ಬಸವರಾಜಶಾಸ್ತ್ರಿ ಪೌರೋಹಿತ್ಯದಲ್ಲಿ 11 ವಟುಗಳಿಂದ ಏಕದಶ ರುದ್ರಾಭಿಷೇಕ, ನಾನಾ ಧಾರ್ಮಿಕ, ಆಧ್ಯಾತ್ಮಿಕ ಕಾರ್ಯಕ್ರಮಗಳು ನೆರವೇರಿದವು.