ಕ್ರೀಡಾಕೂಟ ಉದ್ಘಾಟನೆಗೆ ಬೈರತಿ ಸುರೇಶ್​ಗೆ ಅಹ್ವಾನ

ಕೋಲಾರ: ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ ಮತ್ತು ಕ್ರೀಡಾ ಇಲಾಖೆ ಹಾಗೂ ರಾಜ್ಯ ಸರ್ಕಾರಿ ನೌಕರರ ಸಂಘದ ಜಿಲ್ಲಾ ಶಾಖೆಯಿಂದ ಏ.5 ಮತ್ತು 6ರಂದು ನಡೆಯಲಿರುವ ಸರ್ಕಾರಿ ನೌಕರರ ಜಿಲ್ಲಾಮಟ್ಟದ ಕ್ರೀಡಾಕೂಟ ಹಾಗೂ ಸಾಂಸತಿಕ ಕಾರ್ಯಕ್ರಮದ ಉದ್ಘಾಟನೆಗೆ ಜಿಲ್ಲಾ ಉಸ್ತುವಾರಿ ಸಚಿವ ಬೈರತಿ ಸುರೇಶ್​ ಅವರನ್ನು ಶನಿವಾರ ಅವರ ನಿವಾಸದಲ್ಲಿ ಜಿಲ್ಲಾ ಶಾಖೆಯಿಂದ ಔಪಚಾರಿಕವಾಗಿ ಆಹ್ವಾನ ನೀಡಲಾಯಿತು.

ಸರ್ಕಾರಿ ನೌಕರರ ಸಂಘದ ಜಿಲ್ಲಾ ಅಧ್ಯಕ್ಷ ಎ.ಅಜಯ್​ ಕುಮಾರ್​ ಮಾತನಾಡಿ, ಸರ್ಕಾರಿ ನೌಕರರು ದೈನಂದಿನ ಕ್ರಿಯಾಶೀಲತೆ ಮತ್ತು ಉತ್ಸಾಹದಿಂದ ಕಾರ್ಯನಿರ್ವಹಿಸಲು ಹಾಗೂ ಮಾನಸಿಕ ಸದೃಢತೆ ಕಾಪಾಡಿಕೊಳ್ಳಲು ಕ್ರೀಡೆ ಸಹಕಾರಿ. ಈ ಕ್ರೀಡಾಕೂಟವನ್ನು ಉದ್ಘಾಟಿಸಿ ಮಾರ್ಗದರ್ಶನ ಮಾಡುವಂತೆ ಉಸ್ತುವಾರಿ ಸಚಿವರಿಗೆ ಮನವಿ ಮಾಡಲಾಗಿದೆ ಎಂದರು.

ಸರ್ಕಾರಿ ನೌಕರರ ಸಂಘದ ಖಜಾಂಚಿ ಮುರಳಿ ಮೋಹನ್​, ಉಪಾಧ್ಯಕ್ಷ ಅನಿಲ್​ಕುಮಾರ್​, ಪದಾಧಿಕಾರಿಗಳಾದ ರಾಜಾರೆಡ್ಡಿ, ಗೌತಮ್​, ಶ್ರೀಪತಿ, ರಮೇಶ್​, ನಾರಾಯಣಸ್ವಾಮಿ, ರಿಯಾಜ್​ ಅಹ್ಮದ್​, ರಾಜೇಂದ್ರಪ್ರಸಾದ್​, ಶ್ರೀರಾಮ್​, ಇಂಚಾರ ನಾರಾಯಣಸ್ವಾಮಿ, ನಾಗರಾಜ್​, ಮುನಿರಾಜು ಇದ್ದರು.