ಬೈರಕೂರಿನ ಕಸ ಕೆರೆ ಅಂಗಳದ ಪಾಲು!

ಮುಳಬಾಗಿಲು; ತಾಲೂಕಿನ ಬೈರಕೂರು ಗ್ರಾಮ ಪಂಚಾಯಿತಿಯಿಂದ ಗ್ರಾಮದಲ್ಲಿ ಸ್ವಚ್ಛತೆ ಕಾರ್ಯ ಕೈಗೊಂಡಿದ್ದು, ಸಂಗ್ರಹಗೊಂಡ ಕಸವನ್ನು ಗ್ರಾಮದ ಕೆರೆ ಅಂಗಳಕ್ಕೆ ಸುರಿಯಲಾಗುತ್ತಿದೆ.

ಸ್ವಚ್ಛತೆಯ ನೆಪದಲ್ಲಿ ಗ್ರಾಮವನ್ನು ಶುಚಿಗೊಳಿಸಿದರಾದರೂ ಗ್ರಾಮದ ಕೆರೆ ಅಂಗಳವನ್ನು ಮಲೀನಗೊಳಿಸಲಾಗುತ್ತಿದೆ. ಈ ಬಗ್ಗೆ ಕ್ರಮ ವಹಿಸಬೇಕು. ಕಸ ಸಾಗಣೆ ಮಾಡುತ್ತಿರುವ ಬಗ್ಗೆ ಸಣ್ಣ ನೀರಾವರಿ ಇಲಾಖೆಗೆ ದೂರು ಸಲ್ಲಿಸಿದ್ದಾರೆ.

ಕೆರೆಗಳು ಜಲಮೂಲಗಳ ಜೀವ ಸೆಲೆಗಳಾಗಿದ್ದು, ಇವುಗಳನ್ನು ರಕ್ಷಿಸಬೇಕಾದ ಸ್ಥಳಿಯ ಸಂಸ್ಥೆಗಳೇ ಈ ರೀತಿ ನಡೆದುಕೊಂಡರೆ ಹೇಗೆ ಎಂದು ಪ್ರಶ್ನಿಸಿದ್ದಾರೆ.

ಬೈರಕೂರು ಹೋಬಳಿ ಕೇಂದ್ರವಾಗಿದೆ. ದೊಡ್ಡ ಗ್ರಾಮವಾಗಿರುವ ಕಾರಣ ರಸ್ತೆಬದಿ ಬೆಳೆದಿರುವ ಗಿಡ&ಗಂಟಿಗಳು, ಹುಲ್ಲು ಮತ್ತಿತರ ಕಸ ಕಡ್ಡಿಗಳನ್ನು ಸ್ವಚ್ಛ ಮಾಡಿ ತಕ್ಷಣಕ್ಕೆ ಕೆರೆಯಲ್ಲಿ ಹಾಕಲಾಗಿದೆ. ದೂರದ ಗುಡಿಪಲ್ಲಿ ರಸ್ತೆಯಲ್ಲಿರುವ ಡಂಪಿಂಗ್​ ಯಾರ್ಡ್​ಗೆ ಸಾಗಿಸಲು ಸೂಚನೆ ನೀಡಲಾಗಿತ್ತು. ವಿರೋಧ ವ್ಯಕ್ತವಾಗುತ್ತಿದಂತೆ ಅಲ್ಲಿಗೆ ಸಾಗಿಸಲಾಗಿದೆ. ಕೆರೆಯಲ್ಲಿರುವ ಎರಡು ಲೋಡ್​ ಕಸವನ್ನು ನಾಳೆ ಡಂಪಿಂಗ್​ ಯಾರ್ಡ್​ಗೆ ಸಾಗಿಸಲಾಗುವುದು ಎಂದು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕಾಡೇನಹಳ್ಳಿ ಅಶೋಕ್​ ಮತ್ತು ಪಿಡಿಒ ಚಂದ್ರಶೇಖರ್​ ಸ್ಪಷ್ಟಪಡಿಸಿದರು.