ವಿಧಾನಸಭೆಯಲ್ಲಿ ನಡೆಯುತ್ತಿರುವ ಅಧಿವೇಶನದಲ್ಲಿ ಬೈಲಹೊಂಗಲ ವಿಧಾನಸಭಾ ಸದಸ್ಯ ಮಹಾಂತೇಶ ಶಿವಾನಂದ ಕೌಜಲಗಿ ಅವರ ಲಿಖಿತ ಪ್ರಶ್ನೆಗೆ ಉತ್ತರಿಸಿದ್ದಾರೆ. ‘ಬೈಲಹೊಂಗಲ ವಿಧಾನಸಭಾ ಮತಕ್ಷೇತ್ರದಲ್ಲಿ ದೇವಲಾಪೂರ,. ಜಾಲಿಕೊಪ್ಪ, ಕೆಂಗಾನೂರು, ಬೂದಿಹಾಳ ಮಲ್ಲೂರ-ಮಾಟೊಳ್ಳಿ ಹೊಸೂರು-ವಕ್ಕುಂದ ಸಿಂಗಾರಗೊಪ್ಪ ಹಾಗೂ ಏಣಗಿ-ಹಿಟ್ಟಣಗಿ ಏತ ನೀರಾವರಿ ಯೋಜನೆಗಳು ಬರುತ್ತಿದ್ದು, ಸಂಪೂರ್ಣವಾಗಿ ಸ್ಥಗಿತಗೊಂಡಿವೆ. ರೈತರ ಜಮೀನುಗಳಿಗೆ ನೀರು ಸಮಪರ್ಕಕವಾಗಿ ಬರದೇ ಇರುವುದರಿಂದ ಈ ಯೋಜನೆಯಡಿ ಜಮೀನು ಕಳೆದುಕೊಂಡ ರೈತರಿಗೆ ತೊಂದರೆಯಾಗಿದೆ ಎಂದು ಶಾಸಕ ಮಹಾಂತೇಶ ಎಸ್ ಕೌಜಲಗಿ ಅವರು ಸರ್ಕಾರದ ಗಮನ ಸೆಳೆದರು.
ಇದಕ್ಕೆ ಉತ್ತರಿಸಿದ ಉಪ ಮುಖ್ಯಮಂತ್ರಿಗಳು ಈ ಎಂಟು ಏತ ನೀರಾವರಿ ಯೋಜನೆಗಳನ್ನು ಪುನಶ್ಚೇತನಗೊಳಿಸಲು ಅಂದಾಜುವೆಚ್ಚ ಪತ್ರಿಕೆ ತಯಾರಿಸಿದೆ ಕೂಡಲೇ ಸಮಕ್ಷ ಪ್ರಾದಿಕಾರದ ಅನುಮೋದನೆ ಪಡೆದು ಪುನಶ್ಚೇತನ ಕಾರ್ಯ ಕೈಗೊಳ್ಳಲಾಗುವುದು. ದೇವಲಾಪೂರ ಹಾಗೂ ಬೈಲವಾಡ ಗ್ರಾಮದ ಕೆರೆಗಳಿಗೆ ನೀರು ತುಂಬಿಸುವ ಕಾಮಗಾರಿ ಸೇರಿದಂತೆ ಬೈಲಹೊಂಗಲ ತಾಲೂಕಿನ ಕೆಂಗಾನೂರು, ಜಾಲಿಕೊಪ್ಪ ಮತ್ತು ಬೂದಿಹಾಳ ಏತ ನೀರಾವರಿ ಯೋಜನೆಗಳ ಪುನಶ್ಚೇತನ ಕಾಮಗಾರಿಗಳಿಗೆ ಪ್ರಸಕ್ತ ದರಪಟ್ಟಿಯನ್ವಯ ಅಂದಾಜು ವೆಚ್ಚ ಪತ್ರಿಕೆ ನೀರಾವರಿ ನಿಗಮದಡಿ ತಯಾರಿಕಾ ಹಂತದಲ್ಲಿದ್ದು, ಸಕ್ಷಮ ಪ್ರಾಧಿಕಾರದ ಅನುಮೋದನೆ ಪಡೆದು ಕ್ರಮ ಕೈಗೊಳ್ಳುವುದಾಗಿ ಡಿಸಿಎಂ ಶಿವಕುಮಾರ್ ತಿಳಿಸಿದ್ದಾರೆ.
