ಒಕ್ಕೂಟದ ಸೌಲಭ್ಯ ಬಳಸಿ ಲಾಭಾಂಶ ಗಳಿಕೆ

ವಿಜಯವಾಣಿ ಸುದ್ದಿಜಾಲ ಕೊಕ್ಕರ್ಣೆ

ಸಂಘ 48 ವರ್ಷ ಪೂರೈಸಿದ್ದು, ನೂತನ ಕಟ್ಟಡದ ಕಾಮಗಾರಿ ಪ್ರಗತಿಯಲ್ಲಿದೆ. ಒಕ್ಕೂಟದ ಅನುದಾನ ಹಾಗೂ ಸವಲತ್ತುಗಳನ್ನು ಬಳಸಿಕೊಂಡು ಉತ್ತಮ ಲಾಭಾಂಶ ಪಡೆಯಿರಿ ಎಂದು ಒಕ್ಕೂಟದ ವಿಸ್ತರಣಾಧಿಕಾರಿ ಮಂಜುನಾಥ್ ಹೇಳಿದರು. ಬೈದೆಬೆಟ್ಟು ಹಾಲು ಉತ್ಪಾದಕರ ಸಹಕಾರಿ ಸಂಘದ 2023-24ನೇ ಸಾಲಿನ ಸರ್ವ ಸದಸ್ಯರ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಅವರು ಮಾತನಾಡಿದರು.

ಸಂಘದ ಉಪಾಧ್ಯಕ್ಷೆ ಬಾಬಿ ಶೆಡ್ತಿ ಅಧ್ಯಕ್ಷತೆ ವಹಿಸಿದ್ದರು. ಕಟ್ಟಡ ಸಮಿತಿ ಸದಸ್ಯ ಬಿ.ಮಾಧವ ಪೈ, ಪ್ರಮುಖರಾದ ದಯಾನಂದ ಶೆಟ್ಟಿ, ನಿರ್ದೇಶಕರಾದ ಶೇಖರ ಶೆಟ್ಟಿ, ಕುಸುಮಾ ಶೆಡ್ತಿ, ಆಶಾ ಶೆಡ್ತಿ, ಯಶೋದಾ ಶೆಡ್ತಿ, ಕುಸುಮಾ ಪೂಜಾರ್ತಿ, ಮಾಧವ ಮಡಿವಾಳ, ಸದಸ್ಯರು, ಹೈನುಗಾರರು, ಸಿಬ್ಬಂದಿ ಉಪಸ್ಥಿತರಿದ್ದರು. ಹಾಲು ಪರೀಕ್ಷಕ ರಾಜೇಶ್ ಕೆ. ಸ್ವಾಗತಿಸಿದರು. ಕಾರ್ಯದರ್ಶಿ ಸದಾಶಿವ ಕೆ. ವರದಿ ವಾಚಿಸಿದರು. ಸಂಗೀತಾ ವಂದಿಸಿದರು. ಸಂಘವು ವರದಿ ವರ್ಷದಲ್ಲಿ ಒಂದು ಲಕ್ಷದ ಮೂರು ಸಾವಿರ ರೂ ಲಾಭಗಳಿಸಿದೆ.

https://www.vijayavani.net/basketball-tournament

https://www.vijayavani.net/state-level-in-karate-3