ಜೀವನದಲ್ಲಿ ಪ್ರಯತ್ನವಿಲ್ಲದೆ ಸಾಧನೆ ಸಾಧ್ಯವಿಲ್ಲ

ಗ್ರಾಮದ ನವಗ್ರಾಮ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ‘ಕಲಿಕಾ ಹಬ್ಬ’ದ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಕಲಿಕೆಯಲ್ಲಿ ಯಾವೊಬ್ಬ ವಿದ್ಯಾರ್ಥಿಯೂ ಹಿಂದುಳಿಯದಂತೆ ನೋಡಿಕೊಳ್ಳುವ ಮಹತ್ವದ ಜವಾಬ್ದಾರಿ ಎಲ್ಲ ಶಿಕ್ಷಕರ ಮೇಲಿದೆ. ಬರುವ ದಿನಗಳಲ್ಲಿ ಶಿಕ್ಷಕರಿಂದ ಈ ಕೆಲಸ ಶ್ರದ್ಧೆ ಪ್ರಾಮಾಣಿಕತೆಯಿಂದ ಆಗಲಿ ಎಂಬ ಆಶಯ ವ್ಯಕ್ತಪಡಿಸಿದರು.

ಶಿಕ್ಷಣ ಇಲಾಖೆಯ ಕ್ಷೇತ್ರ ಸಮನ್ವಯ ಅಧಿಕಾರಿ ಸಿ.ವೈ.ಸಂಗಮ ಮಾತನಾಡಿ, ಕಲಿಕಾ ಹಬ್ಬ ಮಕ್ಕಳಲ್ಲಿ ಸೃಜನಶೀಲತೆ ಮತ್ತು ಕಲಿಯುವಿಕೆಯ ಆಸ್ತಿಯನ್ನು ಮೂಡಿಸಲು ಬಹಳ ನೆರವಾಗುತ್ತದೆ. ಅದನ್ನು ಮಕ್ಕಳು ಶಿಕ್ಷಕರ ಮಾರ್ಗದರ್ಶನದಂತೆ ಸಮರ್ಥವಾಗಿ ಬಳಸಿಕೊಳ್ಳಬೇಕು ಎಂದರು.

ಗ್ರಾಮ ಪಂಚಾಯಿತಿ ಅಧ್ಯಕ್ಷ ಖಾತುನಬೀ ಹಾರೋಣ ಉದ್ಘಾಟಿಸಿದರು. ಶಾಲಾ ಎಸ್‌ಡಿಎಂಸಿ ಅಧ್ಯಕ್ಷ ಸಂಜಯ ಮಾದರ, ಉಪಾಧ್ಯಕ್ಷೆ ಶಬಾನಾ ಮಾಗಿ, ಸಿಆರ್‌ಪಿ ಮಂಜುನಾಥ ಹೆಡಗಿ, ನವಗ್ರಾಮ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯ ಮುಖ್ಯೋಪಾದ್ಯಾಯಿನಿ ಮಲಕವ್ವ. ಎಸ್.ಚಿಕ್ಕನಟ್ಟಿ ಇದ್ದರು.

ಇದಕ್ಕೂ ಮೊದಲು ನವಗ್ರಾಮದ ಪ್ರಮುಖ ಬೀದಿಯಲ್ಲಿ ನಡೆದ ಆಕರ್ಷಕ ಎತ್ತಿನ ಅಕ್ಷರ ಬಂಡಿಯ ಮೆರವಣಿಗೆ ಮನ ಸೆಳೆದರೆ, ಶಾಲಾ ಆವರಣದಲ್ಲಿ ಕಲಾದಗಿಯ ಕ್ಲಸ್ಟರ್ ಮಟ್ಟದ ವಿವಿಧ ಶಾಲೆಗಳಿಂದ ವಿದ್ಯಾರ್ಥಿಗಳು ಆಗಮಿಸಿದರು. ಮಕ್ಕಳೆ ಮಾಡಿಕೊಂಡು ಬಂದಿದ್ದ ಶೈಕ್ಷಣಿಕ ಜ್ಞಾನದ ವಿವಿಧ ಕಲಿಕಾವಸ್ತುಗಳ ಪ್ರದರ್ಶನ ಹಾಗೂ ಮಕ್ಕಳು ತಮ್ಮ ಕಲಿಕಾ ವಸ್ತುವಿನ ಬಗ್ಗೆ ನೀಡಿದ ವಿವರಣೆ ಎಲ್ಲರ ಮನ ಸೆಳೆಯುವಲ್ಲಿ ಯಶಸ್ವಿಯಾದವು.