ಆಡಳಿತ ಪಕ್ಷ ಗೆದ್ದೂ ಇದೆ, ಸೋಲು ಕಂಡಿದೆ !

ಅಶೋಕ ಶೆಟ್ಟರ, ಬಾಗಲಕೋಟೆ:

ಬಾಗಲಕೋಟೆ ವಿಧಾನಸಭೆ ಕ್ಷೇತ್ರದಲ್ಲಿ ಮತ್ತೊಂದು ಉಪ ಚುನಾವಣೆ ಕಾವು ಜೋರಾಗಿದೆ. ಜಿಲ್ಲೆಯ ರಾಜಕೀಯ ಇತಿಹಾಸದಲ್ಲಿ ಉಪ ಚುನಾವಣೆ ಹೊಸದೇನು ಅಲ್ಲ. ಸದ್ಯ ನಡೆದಿರುವ ಬಾಗಲಕೋಟೆ ಕ್ಷೇತ್ರ ಉಪ ಕದನ ಹೊರತುಪಡಿಸಿ ೧೯೬೨ ರಿಂದ ೨೦೧೮ರ ವರೆಗೆ ಒಟ್ಟು ೮ ಉಪ ಚುನಾವಣೆಗಳು ನಡೆದಿವೆ.

ಮುಖ್ಯವಾಗಿ ರಾಜ್ಯದಲ್ಲಿ ಕಾಂಗ್ರೆಸ್ಸೇತರ ಸರ್ಕಾರ ಅಽಕಾರ ಚುಕ್ಕಾಣಿ ಹಿಡಿದಿದ್ದು, ೧೯೮೩ರಲ್ಲಿ. ಅಲ್ಲಿಂದ ೨೦೧೮ರಲ್ಲಿ ನಡೆದ ಜಮಖಂಡಿ ಉಪ ಚುನಾವಣೆ ವರೆಗೂ ನಾಲ್ಕು ಉಪ ಚುನಾವಣೆಗಳು ನಡೆದಿದ್ದು, ಈಗ ಬಾಗಲಕೋಟೆ ಉಪ ಸಮರ ಸೇರಿದರೆ ೫ನೇ ಚುನಾವಣೆ.

ಸಾಮಾನ್ಯವಾಗಿ ಉಪ ಚುನಾವಣೆ ಎಂದ ಕೂಡಲೇ ಆಡಳಿತದಲ್ಲಿ ಇರುವ ಪಕ್ಷವೇ ಗೆದ್ದು ಬೀಗುತ್ತದೆ ಎನ್ನುವುದು ವಾಡಿಕೆ. ಆಗೊಮ್ಮೆ ಹೀಗೊಮ್ಮೆ ಆಡಳಿತ ಸರ್ಕಾರ ಎಷ್ಟೇ ತನ್ನ ಶಕ್ತಿಯನ್ನು ಪ್ರಯೋಗಿಸಿದರೂ ಸಹ ಮತದಾರ ಪ್ರಭುಗಳು ಅದಕ್ಕೆ ಮಣೆಹಾಕದೇ ಸೋಲಿನ ರುಚಿ ತೋರಿಸಿರುವ ಉದಾಹರಣೆಗಳು ಇವೆ.

ಬಾಗಲಕೋಟೆ ಜಿಲ್ಲೆಯ ಉಪ ಚುನಾವಣೆ ಗಮನಿಸಿದಾಗ ೧೯೬೨ ರಲ್ಲಿ ಬಾಗಲಕೋಟೆ ಕ್ಷೇತ್ರದಿಂದ ಹಿಡಿದು ೧೯೭೫ರಲ್ಲಿ ಗುಳೇದಗುಡ್ಡ ಕ್ಷೇತ್ರಕ್ಕೆ ನಡೆದ ಒಟ್ಟು ೪ ಉಪ ಚುನಾವಣೆಗಳಲ್ಲೂ ಕಾಂಗ್ರೆಸ್ ಅಭ್ಯರ್ಥಿಗಳು ಗೆಲುವು ಸಾಽಸಿದ್ದರು. ೧೯೮೩ರಲ್ಲಿ ರಾಜ್ಯದಲ್ಲಿ ಮೊದಲ ಬಾರಿಗೆ ಕಾಂಗ್ರೆಸ್ಸೇತರ ಸರ್ಕಾರವಾಗಿ ಜನತಾ ಪಕ್ಷದ ರಾಮಕೃಷ್ಣ ಹೆಗಡೆ ನೇತೃತ್ವದ ಸರ್ಕಾರ ಅಸ್ತಿತ್ವಕ್ಕೆ ಬಂದಿತು.

ಅದಾದ ಬಳಿಕ ಜಿಲ್ಲೆಯಲ್ಲಿ ೧೯೯೬ರಲ್ಲಿ ಗುಳೇದಗುಡ್ಡ ಕ್ಷೇತ್ರ, ೧೯೯೮ರಲ್ಲಿ ಬಾಗಲಕೋಟೆ ಕ್ಷೇತ್ರದಲ್ಲಿ ಹಾಲಿ ಶಾಸಕರ ರಾಜೀನಾಮೆಯಿಂದ ಉಪ ಚುನಾವಣೆ ನಡೆದವು. ೨೦೦೩ರಲ್ಲಿ ಹುನಗುಂದ ಕೇತ್ರ ಹಾಗೂ ೨೦೧೮ರಲ್ಲಿ ಜಮಖಂಡಿ ಕ್ಷೇತ್ರದಲ್ಲಿ ಉಪಚುನಾವಣೆಗಳು ಹಾಲಿ ಶಾಸಕರ ನಿಧನದಿಂದ ನಡೆದಿವೆ.

ಈ ನಾಲ್ಕು ಉಪ ಚುನಾವಣೆಗಳಲ್ಲಿ ಎರಡು ಉಪ ಸಮರದಲ್ಲಿ ಅಽಕಾರದಲ್ಲಿ ಇರುವ ಪಕ್ಷದ ಅಭ್ಯರ್ಥಿಗಳು ಭರ್ಜರಿ ಗೆಲುವು ಕಂಡಿದ್ದರೆ ಇನ್ನೇರೆಡು ಉಪ ಕದನಗಳಲ್ಲಿ ಸರ್ಕಾರದ ಇದ್ದಾಗಲೂ ಆಡಳಿತ ಪಕ್ಷದ ಅಭ್ಯರ್ಥಿಗಳು ಸೋಲು ಕಂಡಿದ್ದಾರೆ.

ಗುಳೇದಗುಡ್ಡದಲ್ಲಿ ಸೋತ ಆಡಳಿತ ಪಕ್ಷ :

ರಾಜ್ಯದಲ್ಲಿ ಕಾಂಗ್ರೆಸ್ಸೇತರ ಪಕ್ಷಗಳು ಅಽಕಾರದ ಚುಕ್ಕಾಣಿ ಹಿಡಿಯಲು ಆರಂಭಿಸಿದ ಬಳಿಕ ಜಿಲ್ಲೆಯ ಮೊದಲ ಉಪ ಚುನಾವಣೆ ನಡೆದಿದ್ದು ೧೯೯೬ರಲ್ಲಿ ಗುಳೇದಗುಡ್ಡ ಕ್ಷೇತ್ರಕ್ಕೆ. ಅಂದು ರಾಜ್ಯದಲ್ಲಿ ಜೆ.ಎಚ್.ಪಟೇಲ ನೇತೃತ್ವದ ಜನತಾದಳ ಸರ್ಕಾರ ಅಽಕಾರದಲ್ಲಿ ಇತ್ತು. ೧೯೯೪ರಲ್ಲಿ ಗುಳೇದಗುಡ್ಡ ಕ್ಷೇತ್ರದಲ್ಲಿ ಜನತಾದಳದಿಂದ ಎಚ್.ವೈ.ಮೇಟಿ ಅವರು ೪೪೫೬ ಮತಗಳ ಅಂತರದಿAದ ಗೆದ್ದಿದ್ದರು. ಬಳಿಕ ದೇವೇಗೌಡರ ನೇತೃತ್ವದ ಸರ್ಕಾರದಲ್ಲಿ ಅರಣ್ಯ ಖಾತೆ ಸಚಿವರೂ ಆಗಿದ್ದರು. ಬಳಿಕ ನಡೆದ ಲೋಕಸಭೆ ಚುನಾವಣೆಯಲ್ಲಿ ಬಾಗಲಕೋಟೆ ಕ್ಷೇತ್ರದಲ್ಲಿ ಜನತಾದಳ ಅಭ್ಯರ್ಥಿಯಾಗಿ ಭರ್ಜರಿ ಗೆಲುವು ಸಾಽಸುವ ಮೂಲಕ ಜಿಲ್ಲೆಯ ಇತಿಹಾಸದಲ್ಲಿ ಕಾಂಗ್ರೆಸ್ಸೇತರ ಸಂಸದ ಎನ್ನುವ ಹೆಗ್ಗಳಿಕೆ ಪಡೆದುಕೊಂಡು ಸಂಸತ್ ಪ್ರವೇಶ ಮಾಡಿದ್ದರು. ಹೀಗಾಗಿ ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು. ಬಳಿಕ ೧೯೯೬ರಲ್ಲಿ ನಡೆದ ಉಪ ಚುನಾವಣೆಯಲ್ಲಿ ಎಚ್.ವೈ.ಮೇಟಿ ಅವರು ತಮ್ಮ ಆಪ್ತರಾಗಿದ್ದ ರವೀಂದ್ರ ಕಲಬುರಗಿ ಅವರಿಗೆ ಜನತಾದಳದ ಅಭ್ಯರ್ಥಿಯಾಗಿ ಕಣಕ್ಕೆ ಇಳಿಸಿದ್ದರು. ರಾಜ್ಯದಲ್ಲಿ ಜನತಾದಳ ಸರ್ಕಾರವೂ ಇತ್ತು. ಕೆಲವೇ ತಿಂಗಳು ಮೊದಲು ರಾಜ್ಯದ ಇತಿಹಾಸದಲ್ಲೆ ಮೊದಲ ಬಾರಿಗೆ ಜನತಾದಳ ೧೬ ಲೋಕಸಭಾ ಕ್ಷೇತ್ರಗಳನ್ನು ಗೆದ್ದು ಬೀಗಿತ್ತು. ಇಷ್ಟೆಲ್ಲ ಇದ್ದರೂ ಸಹ ಗುಳೇದಗುಡ್ಡ ಉಪ ಚುನಾವಣೆಯಲ್ಲಿ ಆಡಳಿತ ಜನತಾದಳ ಪಕ್ಷದ ಅಭ್ಯರ್ಥಿ ರವೀಂದ್ರ ಕಲಬುರಗಿ ೩ನೇ ಸ್ಥಾನಕ್ಕೆ ಕುಸಿಯುವಂತ -Àಲಿತಾಂಶ ಬಂದಿತ್ತು. ಅಂದು ಜನತಾದಳದಲ್ಲಿ ಒಳಜಗಳವೂ ಸೋಲಿನಲ್ಲಿ ಪ್ರಮುಖ ಪರಿಣಾಮ ಬೀರಿತ್ತು. ಅಂದು ಗುಳೇದಗುಡ್ಡ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ರಾಜಶೇಖರ ಶೀಲವಂತರ ೧೬,೫೯೫ ಮತಗಳ ಭರ್ಜರಿ ಅಂತರದಿAದ ವಿಜಯ ಪತಾಕೆ ಹಾರಿಸಿದ್ದರು.

ಬಾಗಲಕೋಟೆಯಲ್ಲೂ ಎಡವಿದ್ದ ಅಽಕಾರದ ಪಕ್ಷ :

ಗುಳೇದಗುಡ್ಡ ಬಳಿಕ ೧೯೯೮ರಲ್ಲಿ ಬಾಗಲಕೋಟೆ ಕ್ಷೇತ್ರಕ್ಕೆ ಉಪ ಚುನಾವಣೆ ನಡೆಯಿತು. ಅಂದು ಜನತಾದಳದ ಶಾಸಕರಾಗಿದ್ದ ಅಜಯಕುಮಾರ ಸರನಾಯಕ ಲೋಕಸಭೆಗೆ ಆಯ್ಕೆಯಾಗಿ ಹೋಗಿದ್ದರಿಂದ ತೆರವಾದ ಸ್ಥಾನಕ್ಕೆ ಉಪ ಚುನಾವಣೆ ನಡೆದಿತ್ತು. ಆಗ ಜನತಾದಳ ಅಭ್ಯರ್ಥಿಯಾಗಿ ಎಸ್.ಎಂ.ಶೆಟ್ಟರ ಅಖಾಡಕ್ಕೆ ಇಳಿದಿದ್ದರು. ಬಿಜೆಪಿಯಿಂದ ಪಿ.ಎಚ್.ಪೂಜಾರ ಹಾಗೂ ಕಾಂಗ್ರೆಸ್‌ನಿAದ ಸಿ.ವಿ.ಕೋಟಿ ಸ್ಪರ್ಧಾ ಕಣದಲ್ಲಿ ಇದ್ದರು. ಆ ಉಪಕದನದಲ್ಲೂ ಸಹ ಜನತಾದಳ ಅಭ್ಯರ್ಥಿ ಹೀನಾಯವಾಗಿ ಸೋಲು ಕಂಡು, ಬಾಗಲಕೋಟೆ ವಿಧಾನಸಭೆ ಕ್ಷೇತ್ರದಲ್ಲಿ ಬಿಜೆಪಿಯ ಪಿ.ಎಚ್.ಪೂಜಾರ ಭರ್ಜರಿ ಗೆಲುವು ಪಡೆದುಕೊಂಡಿದ್ದರು. ಅದು ಬಾಗಲಕೋಟೆ ಕ್ಷೇತ್ರದಲ್ಲಿ ಬಿಜೆಪಿ ಮೊದಲ ಬಾರಿಗೆ ಹಾರಿದ್ದ ಗೆಲುವಿನ ಬಾವುಟ ಆಗಿತ್ತು ಎನ್ನುವುದು ವಿಶೇಷ. ಅಲ್ಲಿಂದ ಕ್ಷೇತ್ರ ಬಿಜೆಪಿ ಭದ್ರಕೋಟೆ ಆಗಿ ಪರಿವರ್ತನೆಯನ್ನು ಕಂಡಿತು.

ಹುನಗುಂದದಲ್ಲಿ ಆಡಳಿತ ಕಾಂಗ್ರೆಸ್ ಗೆಲುವು :

ಇನ್ನು ಹುನಗುಂದ ಕ್ಷೇತ್ರದಲ್ಲಿ ಸತತ ಮೂರು ಸಲ ಶಾಸಕರಾಗಿದ್ದ ಎಸ್.ಆರ್.ಕಾಶಪ್ಪನವರ ಅಕಾಲಿಕ ನಿಧನದಿಂದ ತೆರವಾದ ಸ್ಥಾನಕ್ಕೆ ೨೦೦೩ರಲ್ಲಿ ಉಪ ಚುನಾವಣೆ ನಡೆಯಿತು. ಕಾಂಗ್ರೆಸ್ ಪಕ್ಷ ಅನುಕಂಪದ ಲಾಭ ಪಡೆಯಲು ಎಸ್‌ಆರ್‌ಕೆ ಅವರ ಧರ್ಮಪತ್ನಿ ಗೌರಮ್ಮ ಅವರಿಗೆ ಪಕ್ಷದ ಟಿಕೆಟ್ ನೀಡಿತು. ಅಽಕಾರದಲ್ಲಿ ಎಸ್.ಎಂ.ಕೃಷ್ಣಾ ನೇತೃತ್ವದ ಕಾಂಗ್ರೆಸ್ ಪಕ್ಷ ಇತ್ತು. ೨೦೦೦ನೇ ಇಸ್ವಿ ನಂತರ ನಡೆದ ಅಂತ್ಯAತ ಜಿದ್ದಜಿದ್ದಿಯಿಂದ ನಡೆದ, ಘಟಾನುಘಟಿಗಳು ಕ್ಷೇತ್ರದಲ್ಲಿ ಠಿಕಾಣಿ ಹೂಡಿದ ಉಪ ಚುನಾವಣೆ ಇದಾಗಿತ್ತು. ಆಡಳಿತ ಪಕ್ಷದ ಶಕ್ತಿ ಎದುರು ವಿಪಕ್ಷಗಳು ದಿಕ್ಕಾಪಾಲಾಗಿ ಹೋಗಿದ್ದವು. ಅಂದು ಗೌರಮ್ಮ ಕಾಶಪ್ಪನವರ ೧೦೨೯೭ ಮತಗಳ ಅಂತರದಿAದ ಗೆಲುವು ಪಡೆದಿದ್ದರು. ಅದಕ್ಕೂ ಮುನ್ನ ೧೯೯೯ರಲ್ಲಿ ನಡೆದಿದ್ದ ಸಾರ್ವತ್ರಿಕ ಚುನಾವಣೆಯಲ್ಲಿ ಎಸ್.ಆರ್.ಕಾಶಪ್ಪನವರ ಅವರು ಕೇವಲ ೯೩೬ ಮತಗಳ ಅಂತರದಲ್ಲಿ ಗೆದ್ದಿದ್ದರು. ಉಪ ಚುನಾವಣೆಯಲ್ಲಿ ಭರ್ಜರಿ ಅಂತರ ಕಾಯ್ದುಕೊಂಡಿದ್ದ ಗೌರಮ್ಮ ಅವರು, ಬಳಿಕ ನಡೆದ ಕೆಲವೇ ತಿಂಗಳು ಅಂತರದಲ್ಲಿ ನಡೆದ ೨೦೦೪ ರ ಸಾರ್ವತ್ರಿಕ ಚುನಾವಣೆಯಲ್ಲಿ ೧೮೪೨೪ ಮತಗಳ ಅಂತರದಲ್ಲಿ ಸೋಲು ಕಂಡಿದ್ದರು.

ಜಮಖಂಡಿಯಲ್ಲೂ ಕಾಂಗ್ರೆಸ್ ದಿಗ್ವಿಜಯ:

ಜಮಖಂಡಿ ಕ್ಷೇತ್ರದಲ್ಲಿ ೨೦೧೮ರಲ್ಲಿ ೨ನೇ ಸಲ ಗೆದ್ದಿದ್ದ ಸಿದ್ದು ನ್ಯಾಮಗೌಡರು ವಿಧಾನಸೌಧ ಪ್ರವೇಶಿಸುವ ಮುನ್ನ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದರು. ಅದಾದ ಬಳಿಕ ಅದೇ ವರ್ಷ ನವಂಬರ್‌ನಲ್ಲಿ ನಡೆದ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಸಿದ್ದು ನ್ಯಾಮಗೌಡ ಅವರ ಪುತ್ರ ಆನಂದ ನ್ಯಾಮಗೌಡ ಅವರಿಗೆ ಟಿಕೆಟ್ ನೀಡಲಾಗಿತ್ತು. ಅಂದು ರಾಜ್ಯದಲ್ಲಿ ಜೆಡಿಎಸ್-ಕಾಂಗ್ರೆಸ್ ಸಮ್ಮಿಶ್ರ ಸರ್ಕಾರ ಇತ್ತು. ಅವರ ಎದುರಾಳಿಯಾಗಿ ಬಿಜೆಪಿಯ ಶ್ರೀಕಾಂತ ಕುಲಕರ್ಣಿ ಇದ್ದರು. ಇಡೀ ಸರ್ಕಾರ ಜಮಖಂಡಿ ಕ್ಷೇತ್ರದಲ್ಲಿ ಬೀಡುಬಿಟ್ಟಿತ್ತು. ೬ ತಿಂಗಳು ಮೊದಲು ನಡೆದಿದ್ದ ಸಾರ್ವತ್ರಿಕ ಚುನಾವಣೆಯಲ್ಲಿ ಸಿದ್ದು ನ್ಯಾಮಗೌಡರು ಕೇವಲ ೨೭೯೫ ಮತಗಳ ಅಂತರದಲ್ಲಿ ಗೆಲುವು ಪಡೆದಿದ್ದರು. ಅದೇ ಉಪ ಚುನಾವಣೆಯಲ್ಲಿ ಸಾವಿನ ಅನುಕಂಪ ಮತ್ತು ಆಡಳಿತ ಸರ್ಕಾರದ ಶಕ್ತಿ ಒಗ್ಗೂಡಿಕೊಂಡು ಆನಂದ ನ್ಯಾಮಗೌಡ ಅವರು ದಾಖಲೆಯ ೩೯,೪೮೦ ಮತಗಳ ಅಂತರದಲ್ಲಿ ದಿಗ್ವಿಜಯ ಸಾಽಸಿದ್ದರು. ಆದರೆ, ೨೦೨೩ರಲ್ಲಿ ಅದೇ ಆನಂದ ನ್ಯಾಮಗೌಡ ಅವರ ಅಷ್ಟೊಂದು ದಾಖಲೆಯ ಅಂತರ ಕಳೆದುಕೊಂಡು ೪೭೧೬ ಮತಗಳ ಅಂತರದಲ್ಲಿ ಸೋಲು ಕಂಡರು.

ಈ ಉಪ ಚುನಾವಣೆ ಗೆಲುವು ಯಾರಿಗೆ...?

ಸದ್ಯ ಬಾಗಲಕೋಟೆ ಕ್ಷೇತ್ರದಲ್ಲಿ ಉಪ ಚುನಾವಣೆ ನಡೆಯುತ್ತಿದೆ. ಹಾಲಿ ಶಾಸಕ ಎಚ್.ವೈ.ಮೇಟಿ ನಿಧನದಿಂದ ತೆರವಾಗಿರುವ ಸ್ಥಾನಕ್ಕೆ ಆಡಳಿತ ಕಾಂಗ್ರೆಸ್ ಸಾಂಪ್ರದಾಯಿಕವಾಗಿ ಮೇಟಿ ಅವರ ಪುತ್ರ ಉಮೇಶ ಮೇಟಿ ಅವರಿಗೆ ಟಿಕೆಟ್ ನೀಡಿದೆ. ಅಽಕಾರದಲ್ಲಿ ಕಾಂಗ್ರೆಸ್ ಸರ್ಕಾರ ಇದೆ. ಇವರ ಎದುರಾಳಿಯಾಗಿ ಬಿಜೆಪಿ ವೀರಣ್ಣ ಚರಂತಿಮಠ ಅವರನ್ನು ಕಣಕ್ಕೆ ಇಳಿಸಿದೆ. ಆಡಳಿತ ಕಾಂಗ್ರೆಸ್ ಸರ್ಕಾರಕ್ಕೆ ಈ ಚುನಾವಣೆ ಇನ್ನಿಲ್ಲದ ಪ್ರತಿಷ್ಠೆಯ ಪ್ರಶ್ನೆಯಾಗಿದೆ. ಬಿಜೆಪಿಗೆ ಸಾಕಷ್ಟು ಅವಕಾಶ ಇರುವ ಕ್ಷೇತ್ರ ಇದಾಗಿದೆ. ಹೀಗಾಗಿ ಈ ಚುನಾವಣೆ ಜಿದ್ದಾಜಿದ್ದಿ ಮುಗಿಲು ಮುಟ್ಟಲಿದೆ. ಈ ಕಾಳಗದಲ್ಲಿ ವಿಜಯಮಾಲೆ ಆಡಳಿತ ಪಕ್ಷಕ್ಕೋ ಅಥವಾ ವಿರೋಧ ಪಕ್ಷಕ್ಕೋ ಎನ್ನುವ ಕುತೂಹಲ ಮನೆ ಮಾಡಿದೆ.