ಬೆಳಗಲಿ ಬೆಳಗಿದ ಕವಿ ರನ್ನ ಸದಾ ಅವಿಸ್ಮರಣೀಯ

ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀಗಳು, ಕವಿಚಕ್ರವರ್ತಿ ರನ್ನ ಗಂಗೆಯ ಪವಿತ್ರತೆ, ಹತ್ತಿಯ ಶುದ್ಧತೆ, ಕೊಪ್ಪಳದ ಜೈನ ಪರಂಪರೆಯ ಶ್ರದ್ಧೆಯ ಶ್ರೇಷ್ಠತೆಗಳಿಂದ ಕೂಡಿದ ಮಹಾತಾಯಿ ದಾನ ಚಿಂತಾಮಣಿಯ ವ್ಯಕ್ತಿತ್ವ ಹೊಗಳಿದ್ದಾನೆ. ಕೊಪ್ಪಳದ ಕುರಿತು ಪ್ರೀತಿ ಹೊಂದಿರುವ ರನ್ನ. ಸಾಹಿತ್ಯ ಕ್ಷೇತ್ರದ ಶಕ್ತಿಯಾಗಿ ಸದಾ ನಾಡಿನ ತುಂಬಾ ಬೆಳಗುತ್ತಿದ್ದಾನೆ. ಬೆಳಗಲಿ ಕೂಡಾ ಬೆಳಗಿದ್ದಾನೆ ಎಂದರು.

ಉರಿವ ದೀಪ ಬೇರೆ ಬೇರೆ ಜಾತಿಯವರ ಶ್ರಮಗಳಿಂದ ಹಣತೆ, ಬತ್ತಿ ಮತ್ತು ತೈಲ ಒಂದುಗೂಡಿ ದೀಪ ಬೆಳಗುವುದು, ಅದು ಎಲ್ಲರ ಮನೆಯಲ್ಲಿ ಒಂದೇ ಸಮಾನ ಬೆಳಕು ನೀಡುವಂತೆ. ಮನುಷ್ಯನ ಬದುಕು ಬೆಳಗಾಗಬೇಕಾದಲ್ಲಿ ದೇಹವೆಂಬ ಪಣತೆ, ಎದೆಯಲ್ಲಿ ಪ್ರೇಮ ಎಂಬ ತೈಲ, ನಾವು ಮಾಡುವ ಸದಾಚಾರಗಳೆಂಬ ಭಕ್ತಿಯ ದೀಪ ಬೆಳಗಿಸಿದರೆ ಮನುಷ್ಯನ ಬದುಕು ಬೆಳಗುತ್ತದೆ. ಆಚಾರಕ್ಕೆ ಅರಸನಾಗು, ನೀತಿಗೆ ಪ್ರಭುವಾಗು, ಮಾತಿನಲ್ಲಿ ಚೂಡಾಮಣಿಯಾಗು ನನ್ನ ಕಂದ ನೀ ಜ್ಯೋತಿಯಾಗಿ ಬೆಳಗು ಎಂದು ತಾಯಿ ತನ್ನ ಕಂದನಿಗೆ ಎನ್ನುತ್ತಾಳೆ. ಬಸವಣ್ಣ ಪ್ರೇಮದಿಂದ ಜಗತ್ತನ್ನೇ ಮಹಾಮನೆ ಮಾಡಿದ್ದಾನೆ. ಸಹಜ ಪ್ರೇಮವೇ ಬದುಕಿಗೆ ಆನಂದ ನೀಡುತ್ತದೆ. ಸ್ವಾರ್ಥ ಪ್ರೇಮವು ಮನುಷ್ಯನಿಗೆ ದುಃಖ ನೀಡುವುದಲ್ಲದೆ ಬದುಕಿನಲ್ಲಿ ಬೆಳಕು ತರಲು ಸಾಧ್ಯವಿಲ್ಲ ಎಂದು ತಿಳಿಸಿದರು.

ಶಿಕ್ಷಕ ರಾಘವೇಂದ್ರ ನೀಲಣ್ಣವರ ಮಾತನಾಡಿದರು. ಶಿವಶಾಂತ ವೀರ ಶರಣರು, ಪರಜ್ಞಾನಮಯಾನಂದ ಮಹಾಸ್ವಾಮಿಗಳು, ಸಿದ್ದರಾಮ ಶಿವಯೋಗಿಗಳು, ಯೋಗಿರಾಜ ಸದಾಶಿವ ಗುರೂಜಿ, ಡಾ. ರಮೇಶ ಕುಮಾರ ಶಾಸಿಗಳು. ಈಶ್ವರಾನಂದ ಸ್ವಾಮಿಗಳು, ಭೈರವನಾಥ ಸ್ವಾಮಿಗಳು, ರಾಮೇಶ್ವರ ಮಹಾಸ್ವಾಮಿಗಳು ಉಪಸ್ಥಿತರಿದ್ದರು.