ಮಾಜಿ ಪ್ರಧಾನಿ ರಾಜೀವ್ಗಾಂಧಿ ಅವರು ದೆಹಲಿಯಿಂದ ಆಡಳಿತ ಆಗಬಾರದು ಎಂದು ಗ್ರಾಮ ಪಂಚಾಯಿತಿಗೆ ಅಧಿಕಾರ ನೀಡಿದ್ದರು. ಮುಂದುವರಿದು ಮನಮೋಹನಸಿಂಗ್ ಸರ್ಕಾರ ಉದ್ಯೋಗ ಖಾತ್ರಿ ಯೋಜನೆ ಜಾರಿಗೆ ತಂದು, ಅದಕ್ಕೆ ಮಹಾತ್ಮಾ ಗಾಂಧಿ ಹೆಸರು ಇಟ್ಟಿದ್ದರು. ಆದರೆ, ಮೋದಿ ಸರ್ಕಾರ ಗಾಂಧಿ ಹೆಸರು ತೆಗೆದು ಜಿ ರಾಮ್ ಜಿ ಹೆಸರು ಇಟ್ಟಿದೆ. ಕೇಂದ್ರ ಸರ್ಕಾರವೇ ನೀಡುತ್ತಿದ್ದ ಅನುದಾನ ಕಡಿತಮಾಡಿ ಈಗ ಕೇಂದ್ರದ್ದು ಶೇ. 60, ರಾಜ್ಯದ್ದು ಶೇ. 40 ಅನುದಾನ ಎಂದು ಬದಲಾಯಿಸಲಾಗಿದೆ. ಆ ಮೂಲಕ ಅನುದಾನ ಕಡಿತ ಮಾಡಲಾಗುತ್ತಿದೆ. ರಾಜ್ಯದ ತೆರಿಗೆಯಲ್ಲಿಯೂ ಕಡಿಮೆ ಪಾಲು ನೀಡಲಾಗುತ್ತಿದೆ. ಈ ಮೂಲಕ ಬಡ ಜನರ ಉದ್ಯೋಗ ಕಿತ್ತಿಕೊಳ್ಳಲಾಗುತ್ತಿದೆ ಎಂದು ಕಿಡಿಕಾರಿದರು.
