ರಾಜ್ಯದಲ್ಲಿ ಮುಂದೆ ಹುಟ್ಟು ಮಕ್ಕಳ ಮೇಲೂ ಸಾಲದ ಭಾರ

ಬಾಗಲಕೋಟೆ: ಬಾಗಲಕೋಟೆ ಉಪ ಚುನಾವಣೆಗೆ ಇಂದು ಮತ್ತು ನಾಳೆ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರದ ಅಖಾಡಕ್ಕೆ ಇಳಿಯುತ್ತಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಮಾಜಿ ಸಚಿವ ಬಿ.ಶ್ರೀರಾಮುಲು ಹಲವು ಪ್ರಶ್ನೆಗಳಿಗೆ ಉತ್ತರಿಸಿ ಪ್ರಚಾರಕ್ಕೆ ತೆರಳಿ ಎಂದು ಸವಾಲ್ ಹಾಕಿದ್ದಾರೆ.

ನಗರದಲ್ಲಿ ಭಾನುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಶ್ರೀರಾಮುಲು, ಸಿದ್ದರಾಮಯ್ಯ ಅವರೇ ಯಾವ ಸಾಧನೆಗಾಗಿ ಜನರ ಬಳಿ ನೀವು ಮತ ಕೇಳುತ್ತೀರಿ? ಈ ರಾಜ್ಯದಲ್ಲಿ ಎಲ್ಲ ಮುಖ್ಯಮಂತ್ರಿಗಳಿAದ ಅಽಕ ಸಾಲ ಮಾಡಿದ ಸಿಎಂ ನಾನು ಎಂದು ಹೇಳಿಕೊಂಡು ಕೇಳುತ್ತೀರಾ? ಈ ರಾಜ್ಯದಲ್ಲಿ ಮುಂದೆ ಹುಟ್ಟಲಿರುವ ಮಕ್ಕಳ ತಲೆ ಮೇಲೂ ೧.೫ ಲಕ್ಷ ರೂ. ಸಾಲದ ಹೊರೆ ಮಾಡಿಟ್ಟಿದ್ದೇನೆ ಎಂದು ಧೈರ್ಯದಿಂದ ಹೇಳಿಕೊಂಡು ಮತಯಾಚನೆ ಮಾಡುತ್ತೀರಾ ಎಂದು ಪ್ರಶ್ನಿಸಿದರು.

ಈ ಹಿಂದೆ ಸಾಕಷ್ಟು ಮುಖ್ಯಮಂತ್ರಿಗಳು ಸಾಲ ಮಾಡಿದ್ದರು. ಅವರಿಗಿಂತ ಜಾಸ್ತಿ ಮಾಡಿ, ವಾರ್ಷಿಕ ೮೯ ಸಾವಿರ ಕೋಟಿ ರೂ. ಬಡ್ಡಿ ಕಟ್ಟುತ್ತೇನೆ. ಜನರ ಮೆಚ್ಚುಗೆ ಗಳಿಸಿ ಐದು ವರ್ಷ ಸಿಎಂ ಆಗದೇ ಕಾಂಗ್ರೆಸ್ ಹೈಕಮಾಂಡ್ ಮೆಚ್ಚಿಸಿ ಮುಖ್ಯಮಂತ್ರಿಯಾಗಿ ಮುಂದುವರೆಸುವAತೆ ಕೋರುತ್ತಿದ್ದೇನೆ. ತಮ್ಮ ಹಾಗೂ ಡಿಕೆಶಿ ಕುರ್ಚಿ ಕಾಳಗದ ಬಗ್ಗೆ ಹೇಳಿಕೊಂಡು ಮತಯಾಚನೆ ಮಾಡುತ್ತೀರಾ?

ಈ ಉಪ ಚುನಾವಣೆ ಪ್ರಚಾರಕ್ಕೆ ಬರಲು ನಿಮ್ಮ ಪಕ್ಷದ ಅಜಂಡ ಏನಿದೆ? ರಾಜ್ಯದಲ್ಲಿ ರಸ್ತೆಗಳು ಹಾಳಾಗಿವೆ. ಮೂಲ ಸೌಲಭ್ಯ ಕಲ್ಪಿಸಲು ನಮ್ಮ ಬಳಿ ಅನುದಾನ ಇಲ್ಲ. ಗ್ಯಾರಂಟಿ ಯೋಜನೆಗಳನ್ನು ಕೊಟ್ಟು ಎಲ್ಲ ದಿನಸಿ ಬೆಲೆ ಏರಿಕೆ ಮಾಡಿದ್ದೇವೆ. ವಾಲ್ಮೀಕಿ ನಿಗಮದ ಹಣ ಭ್ರಷ್ಟಾಚಾರ ಮಾಡಿದ್ದನ್ನು ವಾಪಸ್ಸು ಕಟ್ಟಿಸುತ್ತೇನೆ ಎಂದು ಹೇಳಿದ್ದು, ಈ ವರೆಗೂ ಕಟ್ಟಿಸಿಲ್ಲ. ೧೩೯ ಜನರಿಗೆ ಸಂಪುಟ ದರ್ಜೆ ಸ್ಥಾನಮಾನ ಕೊಟ್ಟು ಅವರೆಲ್ಲರೂ ಅಂಧಾದರ್ಬಾರ್ ಮಾಡಲು ಬಿಟ್ಟಿದ್ದೇನೆ ಎಂದು ಹೇಳಿಕೊಂಡು ಮತ ಕೇಳುತ್ತೀರಾ ಎಂದು ಖಾರವಾಗಿ ಪ್ರಶ್ನಿಸಿದರು.

ಬಾಗಲಕೋಟೆ: ಕಾಂಗ್ರೆಸ್ ಶಾಸಕರು ಹೇಗಾಗಿದ್ದಾರೆ ನೋಡಿ. ಸದನದಲ್ಲಿ ಜನರ ಸಮಸ್ಯೆಗಳ ಬಗ್ಗೆ ಪ್ರಶ್ನೆಗಳನ್ನು ಕೇಳಬೇಕೋ ಅಥವಾ ತಮ್ಮ ಕುಟುಂಬದವರ ಖುಷಿಗಾಗಿ ಕೇಳಬೇಕೋ ಎಂದು ಶ್ರೀರಾಮುಲು ಪ್ರಶ್ನಿಸಿದರು.

ರಾಜ್ಯದ ಜ್ವಲಂತ ಸಮಸ್ಯೆಗಳ ಬಗ್ಗೆ ಗಮನ ಸೆಳೆಯುವುದನ್ನು ಬಿಟ್ಟು ಶಾಸಕ ವಿಜಯಾನಂದ ಕಾಶಪ್ಪನವರ ಐಪಿಎಲ್ ವೀಕ್ಷಿಸಲು ಟಿಕೆಟ್ ಕೇಳಿದ್ದಾರೆ. ಶಾಸಕರಿಗೆ ಐದು ಟಿಕೆಟ್ ಕೊಡಬೇಕು. ತಮಗಾಗಿ ಪ್ರತ್ಯೇಕ ವಿಐಪಿ ಗ್ಯಾಲರಿ ಇರಬೇಕು ಎಂದಿದ್ದಾರೆ. ಪುಣ್ಯಾತ್ಮ ಆ ಗ್ಯಾಲರಿಗೆ ತನ್ನದೇ ಹೆಸರಿಡಬೇಕು ಎಂದು ಕೇಳಿಲ್ಲ ಎಂದು ವ್ಯಂಗ್ಯವಾಡಿದರು.

ಶಾಸಕರು ಟಿಕೆಟ್ ಕೇಳಿದ್ದರೆ ಅದನ್ನು ಒಪ್ಪಬಹುದಿತ್ತು. ಆದರೆ, ನಾವು ವಿಐಪಿ ಜನಸಾಮಾನ್ಯರ ಜೊತೆ ಕುಳಿತು ಕ್ರಿಕೆಟ್ ವೀಕ್ಷಣೆ ಮಾಡಲು ಆಗಲ್ಲ. ತಮಗಾಗಿ ಪ್ರತ್ಯೇಕ ಗ್ಯಾಲರಿ ಬೇಕು ಎಂದರೆ ಹೇಗೆ? ಶಾಸಕರು ಎಂದರೆ ದೇವಮಾನವರಾ ಎಂದು ಕಿಡಿಕಾರಿದರು.