ಬೋಟ್ ಒಡೆದು ನದಿ ನೀರುಪಾಲಾದ ಕಬ್ಬು

ಆದರೆ, ಬೋಟ್‌ನ ನಾವಿಕನ ಜಾಣ್ಮೆಯಿಂದಾಗಿ ಬೋಟ್ ದಡದ ವರೆಗೆ ತೆಗೆದುಕೊಂಡು ಹೋಗಿದ್ದು, ಯಾವುದೇ ಪ್ರಾಣಾಪಾಯ ಸಂಭವಿಸಲಿಲ್ಲ. ರೈತರಿಗೆ ಎದುರಾಗಿರುವ ಈ ಸಂಕಷ್ಟಕ್ಕೆ ಸರ್ಕಾರವೇ ನೇರ ಹೊಣೆಯಾಗಿದೆ. ಸೇತುವೆ ನಿರ್ಮಾಣಮಾಡಿ ಎನ್ನುವ ಅಲ್ಲಿನ ರೈತರ ಕೂಗಿಗೆ ಸರ್ಕಾರ ಕವಡೆ ಕಿಮ್ಮತ್ತು ಕೊಡದಿರುವುದು ಇಂತ ಅವಘಡಗಳನ್ನು ನಾವು ಎದುರಿಸಬೇಕಿದೆ ಎಂದು ರೈತರು ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಕೃಷ್ಣಾ ನದಿಗೆ ನಡುಗಡ್ಡೆ ಆಗಿರುವ ಕಂಕಣವಾಡಿ ಗ್ರಾಮದ ರೈತರಿಗೆ ಕಬ್ಬು ಸಾಗಿಸಲು ಪರ್ಯಾಯ ಮಾರ್ಗ ಇಲ್ಲದೇ ನದಿ ಮೂಲಕದೇ ಬೋಟ್ ಸಹಾಯದಿಂದ ಸಾಗಿಸಬೇಕಿದೆ. ಸೇತುವೆ ನಿರ್ಮಾಣ ಮಾಡಿ ನಮಗೆ ಶಾಶ್ವತ ಪರಿಹಾರ ಕಲ್ಪಿಸಬೇಕು ಎಂದು ಅಲ್ಲಿನ ರೈತರು ಕಳೆದ ಒಂದು ದಶಕದಿಂದ ಸರ್ಕಾರಕ್ಕೆ ಆಗ್ರಹಿಸುತ್ತ ಬಂದಿದ್ದರೂ ಇದು ಮುಂದಿನ ದಿನಗಳಲ್ಲಿ ಆಲಮಟ್ಟಿ ಜಲಾಶಯ ಎತ್ತರಿಸಿದಾಗ ಸಂಪೂರ್ಣ ಮುಳುಗಡೆ ಆಗುತ್ತದೆ ಎಂದು ಸರ್ಕಾರ ನಿರ್ಲಕ್ಷೃ ಮಾಡುತ್ತಲೇ ಬಂದಿದೆ.

ಹೀಗಾಗಿ ಅಲ್ಲಿನ ರೈತರಿಗೆ ಪ್ರತಿವರ್ಷ 600 ರಿಂದ 700 ಎಕರೆಯಲ್ಲಿ ಕಬ್ಬು ಬೆಳೆದು, ಅಂದಾಜು 10 ರಿಂದ 15 ಸಾವಿರ ಮೆ.ಟನ್ ಕಬ್ಬು ಕಾರ್ಖಾನೆಗೆ ಕಳುಹಿಸಲು ಜೀವ ಒತ್ತೆಇಟ್ಟುಕೊಂಡು ಕಬ್ಬು ಸಾಗಿಸಬೇಕಿದೆ. ಒಂದು ಕಡೆಗೆ ಸರ್ಕಾರ ಮುಳುಗಡೆ ಮಾಡುತ್ತಿಲ್ಲ, ಮತ್ತೊಂದು ಅವರನ್ನು ನೆಮ್ಮದಿಂದ ಬದುಕಲು ಬಿಡದೇ ಕಂಕಣವಾಡಿ ರೈತರ ಪಾಲಿಗೆ ವಿಲನ್ ಆಗಿದೆ ಎನ್ನುವುದು ರೈತರ ಆಕ್ರೋಶವಾಗಿದೆ.

ಜನರಿಗೆ ಸಂಚರಿಸಲು ಸಹ ಅನಾನುಕೂಲ ಇದ್ದಿದ್ದರಿಂದ ಎರಡು ವರ್ಷಗಳ ಹಿಂದೆ ಅಲ್ಲಿನ ರೈತರೇ ಸೇರಿಕೊಂಡು ಅಂದಾಜು 25 ಲಕ್ಷ ರೂ. ಖರ್ಚು ಮಾಡಿ ಬ್ಯಾರೆಲ್ ಸೇತುವೆ ನಿರ್ಮಾಣ ಮಾಡಿದ್ದಾರೆ. ಆ ಮೂಲಕ ಸಂಚಾರಕ್ಕೆ ತಾವೇ ಪರಿಹಾರ ಕಂಡುಕೊಂಡಿದ್ದಾರೆ. ಆದರೆ, ಕಬ್ಬು ಸಾಗಿಸಲು ದೊಡ್ಡ ಬೋಟ್ ಕೊಡಬೇಕು ಎನ್ನುವ ಮಾತುಗಳು ಕೇಳಿ ಬರುತ್ತಿವೆಯಾದರೂ ಸರ್ಕಾರದಿಂದ ಅದು ಅನುಷ್ಠಾನಕ್ಕೆ ಬರುತ್ತಿಲ್ಲ. ಹೀಗಾಗಿ ಪ್ರತಿ ವರ್ಷ ಅಲ್ಲಿನ ರೈತರು ಸಂಕಷ್ಟ ಎದುರಿಸುತ್ತಲೇ ಬಂದಿದ್ದಾರೆ.