ಆರ್‌ಎಸ್‌ಎಸ್‌ನಿಂದ ನಿಸ್ವಾರ್ಥ ಸೇವೆ

ಸಂಘದ ಶತಾಬ್ದಿ ವರ್ಷದ ಹಿನ್ನೆಲೆ ಪಂಚ ಪರಿವರ್ತನೆಗಳಾದ ಸಾಮಾಜಿಕ ಸಾಮರಸ್ಯ, ಪರಿಸರ ಸಂರಕ್ಷಣೆ, ಕುಟುಂಬ ಪ್ರಭೋದನಂದ, ಸ್ವದೇಶಿ ಜೀವನ ಪದ್ಧತಿ, ನಾಗರಿಕ ಕರ್ತವ್ಯ ಪ್ರಜ್ಞೆಯನ್ನು ಕಟ್ಟುನಿಟ್ಟಾಗಿ ಪಾಲಿಸಿ ಸನಾತನ ಹಿಂದೂ ಧರ್ಮವನ್ನು ಮತ್ತಷ್ಟು ಸದೃಢಗೊಳಿಸೋಣ ಎಂದರು.

ತುಳಸಿಗೇರಿ ಪೂರ್ಣಾನಂದ ಮಠದ ಪ.ಪೂ. ಶ್ರೀರಾಮಾನಂದ ಸ್ವಾಮೀಜಿ, ತೋರಣಗಟ್ಟಿಯ ಪ.ಪೂ. ಶ್ರೀ ರಾಮೇಶ್ವರ ಮಹಾಸ್ವಾಮಿಗಳು, ವೆಂಕಟಾಪುರದ ಮಾತೋಶ್ರೀ ಜಾನಾಬಾಯಿ ಅಮ್ಮನವರು ಹಾಗೂ ಹಿಂದೂ ಸಮ್ಮೇಳನ ಸಮಿತಿ ಅಧ್ಯಕ್ಷ ಲಕ್ಷ್ಮಣ ಶಿರಬೂರ ಇದ್ದರು.

ಸಾರ್ವಜನಿಕ ಕಾರ್ಯಕ್ರಮಕ್ಕೂ ಮುನ್ನ ಮಧ್ಯಾಹ್ನ ಗ್ರಾಮದ ಐತಿಹಾಸಿಕ ಧಾರ್ಮಿಕ ಕ್ಷೇತ್ರ ಮಾರುತೇಶ್ವರ ದೇವಸ್ಥಾನದಿಂದ ಪ್ರಾರಂಭವಾದ ಶೋಭಾಯಾತ್ರೆ ಗಮನ ಸೆಳೆಯಿತು. ಗ್ರಾಮದ ಮನೆಗಳ ಮುಂದೆ ಬಣ್ಣ ಬಣ್ಣದ ರಂಗೋಲಿ, ಕೇಸರಿ ಬಂಟಿಂಗ್ಸ್ ಹಾಗೂ ಭಗವಾ ಧ್ವಜಗಳ ಮೂಲಕ ಅಲಂಕೃತಗೊಂಡಿದ್ದ ಬೀದಿಗಳಲ್ಲಿ ಸಂಚರಿಸಿ ವಿವಿಧ ಮಂಗಳವಾದ್ಯಗಳೊಂದಿಗೆ ಎತ್ತಿನ ಗಾಡಿಗಳ ಮೂಲಕ ಮಹಾಪುರುಷರ ಭಾವಚಿತ್ರಗಳ ಮೆರವಣಿಗೆ ನಡೆಯಿತು. ಮೆರವಣಿಗೆಯದ್ದಕ್ಕೂ ನೂರಾರು ಮಹಿಳೆಯರು ಕುಂಭ ಆರತಿ ಹಿಡಿದು ಸಾಗಿದರೆ, ಪುರುಷರು ತಾಳ ವಾದ್ಯಗಳೊಂದಿಗೆ ಪಾಂಡುರಂಗ ವಿಠ್ಠಲ ಭಜನೆ ಮಾಡುವ ಮೂಲಕ ಶೋಭಾಯತ್ರೆಯ ಮೆರಗು ಹೆಚ್ಚಿಸಿದರು.