ವಾರ ಕಳೆದರೂ ಪೂರ್ಣಗೊಳ್ಳದ ರಸ್ತೆ ದುರಸ್ತಿ

ಪ್ರಮುಖ ಮುಖ್ಯಾಂಶಗಳು

• ಸಾರ್ವಜನಿಕರ ಆಕ್ರೋಶ
• ವಾಹನ ಸವಾರರು, ಪಾದಚಾರಿಗಳಿಗೆ ಪರದಾಟ
• ಅರ್ಧಕ್ಕೆ ನಿಂತಿರುವ ಕಾಮಗಾರಿಯಿಂದ ರಾತ್ರಿ ವೇಳೆ ಈ ಮಾರ್ಗದಲ್ಲಿ ಸಂಚರಿಸುವವರು ಆತಂಕಪಡುವಂತಾಗಿದೆ.

ಪಟ್ಟಣದ ಮುರುಡಿ ಓಣಿಯಲ್ಲಿ ನೀರು ನಿಲ್ಲುವ ಸಮಸ್ಯೆ ಪರಿಹರಿಸುವ ಉದ್ದೇಶದಿಂದ ಪುರಸಭೆ ರಸ್ತೆ ಅಗೆದು ವಾರ ಕಳೆದರೂ ದುರಸ್ತಿ ಕಾಮಗಾರಿ ಪೂರ್ಣಗೊಳ್ಳದಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.

ಮುರುಡಿ ಓಣಿಯ ರಸ್ತೆ ಸರಾ ಬಜಾರ ಹಾಗೂ ಬನ್ನಿಕಟ್ಟಿಗೆ ಸಂಪರ್ಕ ಕಲ್ಪಿಸುವ ಪ್ರಮುಖ ಮಾರ್ಗವಾಗಿದ್ದು, ಪ್ರತಿದಿನ ನೂರಾರು ಜನರು ಸಂಚರಿಸುತ್ತಾರೆ. ಇದೇ ರಸ್ತೆಯಲ್ಲಿ ವೆಂಕಟೇಶ ಪ್ರಾಥಮಿಕ ಶಾಲೆ ಇರುವುದರಿಂದ ಶಾಲಾ ಮಕ್ಕಳು ನಿತ್ಯ ಇದೇ ಮಾರ್ಗ ಬಳಸುತ್ತಾರೆ. ಭಾರತ್ ಮಾರುಕಟ್ಟೆ, ಪುರಸಭೆ, ಗ್ರಾಮಚಾವಡಿ, ಅಂಚೆ ಕಚೇರಿ ಹಾಗೂ ಬಸ್ ನಿಲ್ದಾಣಗಳಿಗೆ ತೆರಳುವವರಿಗೂ ಈ ರಸ್ತೆ ಪ್ರಮುಖ ಸಂಪರ್ಕವಾಗಿದೆ.