ರೈತರ ಜಮೀನಿಗೆ ರಸ್ತೆ ನೀಡಿ

ದಲಿತ ಮುಖಂಡ ಬಸವರಾಜ ಮಸ್ಕಿ ಮಾತನಾಡಿ, ಜಮೀನಿಗೆ ಹೋಗಲು ದಾರಿ ಇಲ್ಲದೆ ರೈತರು ತೀವ್ರ ಸಂಕಷ್ಟ ಅನುಭವಿಸುತ್ತಿದ್ದಾರೆ. ಅನೇಕ ಬಾರಿ ಮನವಿ ಸಲ್ಲಿಸಿದ್ದರೂ ಅಧಿಕಾರಿಗಳು ಸ್ಪಂದಿಸಿಲ್ಲ. ನ್ಯಾಯ ದೊರೆಯುವವರೆಗೆ ಹೋರಾಟ ಮುಂದುವರಿಸುವುದಾಗಿ ಎಚ್ಚರಿಸಿದರು.

ಮುಖ್ಯಂಡ ಮಲ್ಲಿಕಾರ್ಜುನ ಹೊಸಮನಿ ಮಾತನಾಡಿ, ಇದು ಕೇವಲ ಒಂದು ಗ್ರಾಮದ ಸಮಸ್ಯೆಯಲ್ಲ. ತಾಲೂಕಿನ ಅನೇಕ ರೈತರು ಇದೇ ಸಂಕಷ್ಟ ಎದುರಿಸುತ್ತಿದ್ದಾರೆ. ಜಮೀನಿಗೆ ರಸ್ತೆ ಇಲ್ಲದ ಕಾರಣ ಕಷಿ ಚಟುವಟಿಕೆಗಳಿಗೆ ಅಡಚಣೆ ಉಂಟಾಗುತ್ತಿದೆ. ಸಂಬಂಧಪಟ್ಟ ಅಧಿಕಾರಿಗಳು ಕ್ರಮ ಕೈಗೊಂಡು ರಸ್ತೆ ವ್ಯವಸ್ಥೆ ಕಲ್ಪಿಸಬೇಕು ಎಂದು ಒತ್ತಾಯಿಸಿದರು.

ಬಸವರಾಜ ಚಲವಾದಿ, ರಾಜು ಈಟಿ, ಸಂಗಪ್ಪ ಚಲವಾದಿ, ಮಂಜುನಾಥ ಬೇವಿನಮಟ್ಟಿ, ಉದಯ ಬೇವಿನಮಟ್ಟಿ, ಹನಮಂತ ನಡುವಿನಮನಿ, ಸಾಂತಪ್ಪ ಮಸ್ಕಿ, ಗಂಗಾಧರ ಬದಾಮಿ, ತಿಪ್ಪಣ್ಣ ಹುಣಸಿಗಿಡದ, ರುದ್ರೇಶ ಹುಣಸಿಗಿಡದ, ಬಸವರಾಜ ಹಿರೇಮನಿ ಸೇರಿ ಹಲವರು ಭಾಗವಹಿಸಿದ್ದರು.