ಕಾವ್ಯ ಕವಿಯ ಅಂತರಂಗದ ಮಿಡಿತ

ನಗರದ ಕನ್ನಡ ಸಾಹಿತ್ಯ ಪರಿಷತ್ ಮಹಾಲಿಂಗಪುರ ವಲಯ ಘಟಕ ಮತ್ತು ಸಿದ್ಧಾರೂಢ ಆಶ್ರಮದ ಸಂಯುಕ್ತ ಆಶ್ರಯದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಕವಯತ್ರಿ ಪೂಜಾ ಪುಳ್ಯಾಗೋಳ ಅವರ ಕಲ್ಪನೆಯ ಕವನಗಳು ಕವನ ಸಂಕಲನ ಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಪೂಜಾ ವಯಸ್ಸಿನಲ್ಲಿ ಕಿರಿಯಳಾದರೂ ಆಕೆಯ ಚಿಂತನೆಗಳು ಉನ್ನತವಾಗಿವೆ. ಜೀವನದ ಸೂಕ್ಷ್ಮ ಅಂಶಗಳನ್ನು ಸರಳ ಹಾಗೂ ಸ್ಪಷ್ಟವಾಗಿ ವ್ಯಕ್ತಪಡಿಸುವ ಮೂಲಕ ಜವಾಬ್ದಾರಿಯುತ ಮನೋಭಾವವನ್ನು ತೋರಿಸಿದ್ದಾರೆ. ಬದುಕಿನ ನಾಜೂಕನ್ನು ಗಾಜಿಗೆ ಹೋಲಿಸಿದ ಆಕೆಯ ಅಭಿವ್ಯಕ್ತಿ ಜೀವನದ ನಿಜಸ್ವರೂಪವನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದರು.

ಶಿಕ್ಷಕರಾದ ಸಪನಾ ಅನಿಗೋಳ ಮತ್ತು ನಾರನಗೌಡ ಉತ್ತಂಗಿ ಮಾತನಾಡಿ, ಗ್ರಾಮೀಣ ಹಿನ್ನೆಲೆಯಿಂದ ಬೆಳೆದು ಸರ್ಕಾರಿ ಶಾಲೆಯಲ್ಲಿ ವಿದ್ಯಾಭ್ಯಾಸ ಮಾಡಿರುವ ಪೂಜಾ, ತನ್ನ ಮೊದಲ ಕವನ ಸಂಕಲನದ ಮೂಲಕ ಸಾಹಿತ್ಯ ಕ್ಷೇತ್ರಕ್ಕೆ ಪ್ರವೇಶಿಸಿರುವುದು ಶ್ಲಾಘನೀಯ ಸಾಧನೆ ಎಂದರು. ಸರಳ ಭಾಷೆ ಹಾಗೂ ನೈಜ ಭಾವನೆಗಳಿಂದ ಕೂಡಿದ ಕವನಗಳು ಓದುಗರ ಮನಸನ್ನು ಸ್ಪರ್ಶಿಸುವ ಸಾಮರ್ಥ್ಯ ಹೊಂದಿವೆ ಎಂದು ಹೇಳಿದರು.

ಸಿದ್ಧರಾಮ ಸ್ವಾಮಿಗಳು ಪ್ರವಚನ ನೀಡಿದರು. ಕನ್ನಡ ಸಾಹಿತ್ಯ ಪರಿಷತ್ ವಲಯ ಘಟಕದ ಅಧ್ಯಕ್ಷ ಬಸವರಾಜ ಮೇಟಿ ಸೇರಿ ಅನೇಕ ಗಣ್ಯರು ಉಪಸ್ಥಿತರಿದ್ದರು. ಶಿಕ್ಷಕ ಎಸ್.ಕೆ. ಗಿಂಡೆ ನಿರೂಪಿಸಿದರು. ಹುಮಾಯೂನ್ ಸುತಾರ ವಂದಿಸಿದರು.