ಕೋಖಾ ಅಂಗಡಿಗಳಿಗೆ ನೋಟಿಸ್ ಜಾರಿ

ಈ ಸಂದರ್ಭದಲ್ಲಿ ಸ್ಥಳೀಯರು ಅಧಿಕಾರಿಯೊಂದಿಗೆ ಮಾತಿಗಿಳಿದು, ಅನೇಕ ಕೋಖಾ ಅಂಗಡಿಯವರು ಕಳೆದ ಕೆಲ ವರ್ಷಗಳಿಂದ ಎಸ್‌ಡಬ್ಲೂೃಎಂ ಸೇವಾ ಶುಲ್ಕ ತುಂಬದೇ ಇದ್ದರೂ, ಕೆಲವೇ ಅಂಗಡಿಗಳನ್ನು ಏಕೆ ತೆರವು ಮಾಡುತ್ತಿದ್ದಿರಿ? ನಿಮಗೆ ಶುಲ್ಕ ಪಾವತಿಸಿದರೂ ಮತ್ತೆ ಕರ ವಸೂಲಿಗಾರರು ನಮಗೆ ಕರ ಪಾವತಿಸುವಂತೆ ಒತ್ತಾಯಿಸುತ್ತಾರೆ ಎಂದು ಮುಖ್ಯಾಧಿಕಾರಿ ಇರ್ಫಾನ್ ಝಾರೆ ಅವರನ್ನು ಪ್ರಶ್ನಿಸಿದರು.

ಅಲ್ಲದೇ, ಇಲ್ಲಿನ ಕೆಲ ಕೋಖಾ ಅಂಗಡಿಗಳಿಂದ ಸ್ಥಳೀಯರೊಬ್ಬರು ಬಾಡಿಗೆ ವಸೂಲಿ ಮಾಡುತ್ತಿದ್ದಾರೆ ಎಂಬ ವಿಷಯ ಈ ಸಂದರ್ಭದಲ್ಲಿ ಬೆಳಕಿಗೆ ಬಂದಿದೆ. ಸ್ಥಳೀಯ ಜನರು ಕೋಖಾ ಅಂಗಡಿಗಳ ತೆರವು ಕಾರ್ಯವನ್ನು ವೀಕ್ಷಿಸಿದರು.

ರಾಜ್ಯ ಹೆದ್ದಾರಿ ಮೇಲೆ ಕೋಖಾ ಅಂಗಡಿಗಳನ್ನು ಇಟ್ಟಿದ್ದರೂ ಲೋಕೋಪಯೋಗಿ ಇಲಾಖೆ ಅವರಿಗೆ ನೋಟಿಸ್ ನೀಡದೆ ಮೌನ ವಹಿಸಿರುವುದು ಸಂಶಯಕ್ಕೂ ಕಾರಣವಾಗಿದೆ.

"

ತೇರದಾಳದಲ್ಲಿ 250 ಕೋಖಾ ಅಂಗಡಿಗಳಿದ್ದು, ಹಲವರು ಐದು ಸಾವಿರ ರೂ. ಪಾವತಿ ಮಾಡಿದ್ದಾರೆ. ಇನ್ನೂ ಕೆಲವರು ಮಾಡಿಲ್ಲ. ಈ ಬಗ್ಗೆ ಪರಿಶೀಲಿಸಿ ನೋಟಿಸ್ ನೀಡುವ ಕ್ರಮ ಕೈಗೊಳ್ಳಲಾಗುತ್ತಿದೆ. ಮಹಾವೀರ ವೃತ್ತದಲ್ಲಿನ ಕೋಖಾಗಳ ವಿಷಯದಲ್ಲಿ ಮಧ್ಯವರ್ತಿಗಳ ಹಾವಳಿ ಮೇಲ್ನೋಟಕ್ಕೆ ಕಂಡು ಬಂದಿದೆ. ಸಂತೆ ಕರ ವಸೂಲಿದಾರರೂ ಕೂಡ ಬಾಡಿಗೆ ವಸೂಲಿ ಮಾಡುತ್ತಿರುವ ಬಗ್ಗೆ ಗಮನಕ್ಕೆ ಬಂದಿದೆ. ಈ ಕುರಿತು ಸಂತೆ ಕರ ವಸೂಲಿ ಟೆಂಡರದಾರರಿಗೆ ಸೂಚನೆ ನೀಡಲಾಗುವುದು.
-ಇರ್ಫಾನ್ ಝಾರೆ. ಪುರಸಭೆ ಮುಖ್ಯಾಧಿಕಾರಿ.