ಜೀವನದಲ್ಲಿ ಯಾವ ವೈಭವವೂ ಶಾಶ್ವತವಲ್ಲ

ಜಮಖಂಡಿ ತಾಲೂಕಿನ ಬುದ್ನಿ ಗ್ರಾಮದ ಸಿದ್ಧಾರೂಢ ಮಠದಲ್ಲಿ ಈಚೆಗೆ ಜರುಗಿದ ೪೦ನೇ ವರ್ಷದ ಅಧ್ಯಾತ್ಮ ಸಮ್ಮೇಳನದಲ್ಲಿ ಸಾನ್ನಿಧ್ಯ ವಹಿಸಿ ಮಾತನಾಡಿದರು.

ಅಽಕಾರದ ರುಚಿ ಬಹಳ ಮಜ ಇರುತ್ತದೆ. ಅದು ಸಾಯುವವರನ್ನೂ ಬದುಕಿಸುತ್ತದೆ. ಯಾವ ಸಾಮ್ರಾಜ್ಯವು ಉಳಿಯುವುದಿಲ್ಲ. ಮನೆಯಲ್ಲಿರುವ ಕುರ್ಚಿಯ ಸಾಮ್ರಾಜ್ಯ ಶಾಶ್ವತ ಎಂದು ತಿಳಿದಿದ್ದೇವೆ ಎಂದರು.

ವಿದ್ಯೆ ಭಕ್ಷಿಸಲು ಅಲ್ಲ, ರಕ್ಷಿಸಲು ಇರೋದು. ಮೃತ್ಯು ಮನುಷ್ಯನ ಹಿಂದೆ ಅಥವಾ ಮುಂದೆ ಇರುತ್ತದೆ. ಪ್ರಯತ್ನಪೂರ್ವಕವಾಗಿ ಒಳ್ಳೆಯದನ್ನು ಮಾಡಬೇಕು. ಹಣ ಪರಿವರ್ತನೆ ಸ್ವಭಾವ ಹೊಂದಿರುವಂತದ್ದು. ಆದ್ದರಿಂದ ಶಾಶ್ವತವಾದ ಧರ್ಮವನ್ನು ಗಳಿಸಬೇಕು ಎಂದು ಹೇಳಿದರು.

ಅನಗವಾಡಿಯ ಪೂರ್ಣಾನಂದ ಆಶ್ರಮದ ಮಾತೋಶ್ರೀ ಅನಸೂಯಾ ತಾಯಿ ಮಾತನಾಡಿ, ಅನ್ನಮಯ ಶರೀರವಾದ್ದರಿಂದ ಅನ್ನ ಹಳಸಿದಂತೆ ಶರೀರವು ಅನಿತ್ಯವಾಗಿದೆ. ಕೆಲಸ ಮಾಡಿದರೂ, ಮಾಡದಿದ್ದರೂ ಶರೀರ ಹಾಳಾಗುತ್ತದೆ. ವಿಕಾರ ಹೊಂದುತ್ತ ನಾಶವಾಗುತ್ತದೆ ಎಂದು ಅಭಿಪ್ರಾಯಪಟ್ಟರು.

ಕಾಲನು ಆಯುಷ್ಯವನ್ನು ತಿನ್ನುತ್ತ ಹೊರಟಿದ್ದಾನೆ. ಕ್ಷಣ ಕ್ಷಣಕ್ಕೂ ಮೃತ್ಯು ನಮ್ಮನ್ನು ತಿಂದು ಹಾಕುತ್ತಿದೆ. ಹೀಗಾಗಿ ಧರ್ಮ ಸಂಗ್ರಹವನ್ನು ಮಾಡಬೇಕು. ಧರ್ಮ ಮನುಷ್ಯನನ್ನು ಎತ್ತಿ ಹಿಡಿಯುತ್ತದೆ. ಧರ್ಮ ಇದ್ದರೆ ಮಾತ್ರ ಆರೋಗ್ಯ, ಆಯುಷ್ಯ, ಸಂಪತ್ತು ಬರುತ್ತದೆ. ಶರೀರ ಶಾಶ್ವತ ಅಲ್ಲ. ಅದು ಗಾಳಿಗೆ ಇಟ್ಟ ದೀಪವಿದ್ದಂತೆ ಎಂದು ಹೇಳಿದರು.

ಕನಕನಾಳ ಅವಜೀಗರ ಮಠದ ಗಿರೀಶಾನಂದ ಸ್ವಾಮೀಜಿ ಅಧ್ಯಕ್ಷತೆ ವಹಿಸಿದ್ದರು. ಮಂಟೂರ ಸಿದ್ಧಾರೂಢ ಮಠದ ಸದಾನಂದ ಸ್ವಾಮೀಜಿ, ಸಿದ್ದಾರೂಢ ಮಠದ ಪೀಠಾಽಕಾರಿ ಸಿದ್ಧಾನಂದ ಸ್ವಾಮೀಜಿ ನೇತೃತ್ವ ವಹಿಸಿದ್ದರು.

ತೊಂಡಿಕಟ್ಟಿ ಅವಧೂತ ಗಾಳೇಶ್ವರ ಮಠದ ಅಭಿನವ ವೆಂಕಟೇಶ್ವರ ಸ್ವಾಮೀಜಿ, ಚಿಕ್ಕಾಲಗುಂಡಿಯ ಶಿವಶರಣಾನಂದ ಸ್ವಾಮೀಜಿ, ಹೊಸಯರಗುದ್ರಿಯ ಸಿದ್ಧಪ್ರಭು ಶಿವಾಚಾರ್ಯ ಸ್ವಾಮೀಜಿ, ಲಿಂಗನೂರದ ಶಿವಪುತ್ರ ಅವಧೂತರು, ಮೆಟಗುಡ್ಡದ ಚನ್ನಯ್ಯ ಸ್ವಾಮೀಜಿ, ಹಿಪ್ಪರಗಿಯ ಸಿದ್ಧಾರೂಢ ಶರಣರು, ಹೊಸಕೋಟಿಯ ಮಾತೋಶ್ರೀ ಪಾರ್ವತಿದೇವಿ ಮತ್ತಿತರರು ಉಪಸ್ಥಿತರಿದ್ದರು.