ಲಿಂಗಾಯತರು ವೈದಿಕತೆಯಿಂದ ಬಿಡುಗಡೆಯಾಗಲಿ

ಜಿಲ್ಲೆಯ ಕೂಡಲಸಂಗಮದಲ್ಲಿ ಬಸವ ಧರ್ಮ ಪೀಠದಿಂದ ಮಂಗಳವಾರ 39ನೇ ಶರಣ ಮೇಳ ಉದ್ಘಾಟನಾ ಸಮಾರಂಭದಲ್ಲಿ ಅವರು ಮಾತನಾಡಿದರು.

ಸೌಲಭ್ಯ ಪಡೆದುಕೊಳ್ಳಲು ಲಿಂಗಾಯತ ಪ್ರತ್ಯೇಕ ಧರ್ಮ ಆಗುವುದಲ್ಲ; ಚರ್ಚೆ, ಆಚರಣೆ, ತತ್ವಪಾಲನೆ, ಆಲೋಚನೆ, ಅನುಭಾವದ ಮೂಲಕ ಲಿಂಗಾಯತ ಧರ್ಮ ಕಟ್ಟೋಣ. ಲಿಂಗಾಯತ ನುಡಿಯ ಸಿದ್ಧಾಂತವಲ್ಲ, ಅದು ನಡೆ-ನುಡಿಯ ಸಿದ್ಧಾಂತವಾಗಿದೆ. ಯೋಗ್ಯರ ಕೈಯಲ್ಲಿ ಮಠ ಮತ್ತು ಸಂಪತ್ತು ಸಿಗಬೇಕು. ಕೆಲವರು ಮಠ ಮತ್ತು ಸಂಪತ್ತನ್ನು ಬಸವ ವಿರೋಧಿ ಚಟುವಟಿಕೆಗಳಿಗೆ ಬಳಕೆ ಮಾಡುತ್ತಿದ್ದಾರೆ. ಅಂಥ ಮಠಗಳಿಂದ ಬಿಡುಗಡೆಗೊಳಿಸಬೇಕಿದೆ. ಅನೇಕ ಲಿಂಗಾಯತರ ಆಚರಣೆಗಳು ವೈದಿಕಮಯ ಆಗುತ್ತಿರುವುದು ಕಳಕಳಕಾರಿ ಸಂಗತಿ. ಮನು ಧರ್ಮ ನಿಂತಿಲ್ಲ. ಅದು ನಮ್ಮಲ್ಲೂ(ಲಿಂಗಾಯತರಲ್ಲಿ) ಪ್ರವೇಶಿಸುತ್ತಿದೆ. ಇಂತ ಸಮಯದಲ್ಲಿ ನಾವು ಬಸವ ಧರ್ಮ ಬಿತ್ತಿ ಬೆಳೆಯಬೇಕು ಎಂದು ತಿಳಿಸಿದರು.

ವಯಸ್ಸಾದ ಮೇಲೆ ನೀವು ವೃದ್ಧಾಶ್ರಮಕ್ಕೆ ಹೋಗಬಾರದು ಎಂದಾದರೆ, ವೈದಿಕದತ್ತ ವಾಲಬಾರದು ಎಂದರೆ, ಗಂಡು ಹೆಣ್ಣು ಎನ್ನುವ ಭೇದಭಾವ ತೊಲಗಿಸಲು ದಿವ್ಯಔಷಧಿ ಮಕ್ಕಳಿಗೆ ವಚನ ಕಲಿಸುವುದು ಎಂದರು.

ಚಿಂತಕ ಜೆ.ಎಸ್. ಪಾಟೀಲ ಮಾತನಾಡಿ, ಅಧಿಕಾರ ಮತ್ತು ರಾಜಕೀಯ ಸ್ಥಾನಮಾನಕ್ಕಾಗಿ ಕೆಲವರು ಲಿಂಗಾಯತ ತತ್ವ, ಬಸವ ತತ್ವವನ್ನು ವಿರೋಧಿಸುತ್ತಾರೆ. ಅಂಥದವರಿಗೆ ಬುದ್ದಿ ಕಲಿಸಲು ರಾಜ್ಯದಲ್ಲಿ ಇರುವ 224 ಕ್ಷೇತ್ರಗಳಲ್ಲಿ ಬಸವ ಧರ್ಮದ ಅನುಯಾಯಿಗಳು ಸಮೀಕ್ಷೆ ಮಾಡಿ, ಪ್ರತಿ ಕ್ಷೇತ್ರದಲ್ಲಿ ಇಂಥ 5 ರಿಂದ 25 ಸಾವಿರ ಜನರು ಇದ್ದರೆ ಸಾಕು. ಎಲ್ಲರೂ ಒಗ್ಗೂಡಿಕೊಂಡು ಚುನಾವಣೆಯಲ್ಲಿ ಬಸವ ತತ್ವ ವಿರೋಧಿಗಳನ್ನು ಸೋಲಿಸುವ ಸಂಕಲ್ಪ ಮಾಡಬೇಕು. ಎಲ್ಲ ಕ್ಷೇತ್ರಗಳಲ್ಲಿ ಗೆಲುವಿನ ಅಂತರ 5 ರಿಂದ 10 ಸಾವಿರ ಇರುತ್ತದೆ. ಹೀಗಾಗಿ ಬಸವತತ್ವ ವಿರೋಧಿಗಳನ್ನು ಸೋಲಿಸಿ ಎಂದು ಕರೆ ನೀಡಿದರು.

12ನೇ ಶತಮಾನದಲ್ಲಿ ಬಸವಾದಿ ಶರಣರು ಸವಾಲುಗಳನ್ನು ಈಗ 21ನೇ ಶತಮಾನದಲ್ಲೂ ಆ ಸವಾಲುಗಳನ್ನು ಎದುರಿಸುತ್ತಿದ್ದೇವೆ. ದೇವಸ್ಥಾನಗಳಿಗೆ ಹೋಗಬೇಡಿ ಎಂದು ನಾವು ಇನ್ನಾೃರಿಗೋ ಹೇಳುತ್ತಿಲ್ಲ. ಹೋಗಬೇಡಿ ಎಂದು ನಮ್ಮ ಲಿಂಗಾಯತರಿಗೆ ಹೇಳುತ್ತಿದ್ದೇವೆ. ವಚನ ಸಂವಿಧಾನದ ಪ್ರಕಾರ ನಮ್ಮ ತತ್ವ ಸಿದ್ದಾಂತ ಆಚರಣೆ ಮಾಡಿ ಎಂದು ಹೇಳುತ್ತಿದ್ದೇವೆ ಎಂದು ಸಮರ್ಥನೆ ಮಾಡಿಕೊಂಡರು.

ಬಸವಧರ್ಮ ಪೀಠದ ಜಗದ್ಗುರು ಡಾ. ಮಾತೆ ಗಂಗಾದೇವಿ, ಸಿದ್ಧರಾಮೇಶ್ವರ ಸ್ವಾಮೀಜಿ, ಸದ್ಗುರು ಅನಿಮಿಷಾನಂದ ಸ್ವಾಮೀಜಿ, ಬಸವಕುಮಾರ ಸ್ವಾಮೀಜಿ ಸಾನ್ನಿಧ್ಯ ವಹಿಸಿದ್ದರು.

ಜಿಲ್ಲಾ ಉಸ್ತುವಾರಿ ಸಚಿವ ಆರ್.ಬಿ.ತಿಮ್ಮಾಪೂರ ಶರಣ ಮೇಳದ ಧ್ವಜಾರೋಹಣ ನೆರವೇರಿಸಿದರು. ಮಹಾರಾಷ್ಟ್ರದ ಮಾಜಿ ಸಿಎಂ ಸುಶೀಲಕುಮಾರ ಶಿಂಧೆ ಶರಣ ಮೇಳ ಉದ್ಘಾಟಿಸಿದರು. ಶಾಸಕ ವಿಜಯಾನಂದ ಕಾಶಪ್ಪನವರ ಅಧ್ಯಕ್ಷತೆ ವಹಿಸಿದ್ದರು. ವೇದಿಕೆಯಲ್ಲಿ ಬಸವರಾಜ ಬುಳ್ಳಾ, ಸಾಹಿತಿ ರಂಜಾನ್ ದರ್ಗಾ, ಮಾಜಿ ಸಭಾಪತಿ ವೀರಣ್ಣ ಮತ್ತಿಕಟ್ಟಿ, ಮಹಾದೇವ ಹೊರಟ್ಟಿ ಮತ್ತಿತರರು ಇದ್ದರು.