ಇದಕ್ಕೆ ಪೂರಕವಾಗಿ ರಬಕವಿಯಲ್ಲಿ ಕಳೆದ ಡಿ. 16ರಿಂದ ಒಂದು ವಾರ ಕಾಲ ಉಪವಾಸ ಸತ್ಯಾಗ್ರಹಕ್ಕೆ ಕೊಂಚ ಆಸಕ್ತಿ ತೋರಿದ್ದ ಸರ್ಕಾರ ಮತ್ತೆ ತೀವ್ರ ನಿರ್ಲಕ್ಷ್ಯಕ್ಕೆ ಕಾರಣವಾಗಿದ್ದರಿಂದ ಮತ್ತೆ ಹೋರಾಟ ನಡೆಯುವ ಎಲ್ಲ ಲಕ್ಷಣಗಳು ಕಾಣುತ್ತಿವೆ. ಈಗಾಗಲೇ ಅಥಣಿ ತಾಲೂಕಿನ ಮಹಿಷವಾಡಗಿ ಹಾಗೂ ರಬಕವಿ-ಬನಹಟ್ಟಿ ತಾಲೂಕಿನ ರೈತರ ಭೂಮಿಗೆ ಪರಿಹಾರ ದೊರಕಿದೆ.

2017ರಲ್ಲಿ ಆರಂಭವಾದ ಈ ಕಾಮಗಾರಿಗೆ ಪ್ರಾರಂಭದಲ್ಲಿ 25 ಕೋಟಿ ರೂ. ಮಂಜೂರಾಗಿದ್ದು, ನಂತರ 2021ರಲ್ಲಿ 45 ಕೋಟಿ ರೂ.ಗೆ ಹೆಚ್ಚಳ ಮಾಡಲಾಗಿತ್ತು. ಆದರೂ ಇಷ್ಟು ವರ್ಷಗಳಲ್ಲಿ ಶೇ. 35ರಷ್ಟು ಮಾತ್ರ ಕಾಮಗಾರಿ ಪೂರ್ಣಗೊಂಡಿದೆ.

ಇತ್ತೀಚಿನ ದಿನಗಳಲ್ಲಿ ಹಿಪ್ಪರಗಿ ಬ್ಯಾರೇಜ್‌ನಲ್ಲಿ ನೀರಿನ ಪ್ರಮಾಣ ಕಡಿಮೆಯಾಗಿರುವುದರಿಂದ ನದಿಯೊಳಗಿನ ಉಳಿದ ಮೂರು ಪಿಲ್ಲರ್‌ಗಳ ಕಾಮಗಾರಿ ನಡೆಸಲು ಅನುಕೂಲಕರ ಪರಿಸ್ಥಿತಿ ಇದ್ದರೂ ಕಾರ್ಯ ಆರಂಭವಾಗಿಲ್ಲ. ಗುತ್ತಿಗೆದಾರರು ತಕ್ಷಣವೇ ನದಿಯೊಳಗೆ ಉಳಿದಿರುವ ಮೂರು ಪಿಲ್ಲರ್‌ಗಳ ಕಾಮಗಾರಿ ಪ್ರಾರಂಭಿಸಬೇಕಿದೆ. ಈ ಮೊದಲು ಸಚಿವ ಆರ್.ಬಿ. ತಿಮ್ಮಾಪೂರ ಆಶ್ವಾಸನೆ ನೀಡಿದಂತೆ ಪ್ರಸಕ್ತ ವರ್ಷದೊಳಗೆ ಕಾರ್ಯ ಮುಕ್ತಾಯಗೊಳಿಸುವುದಾಗಿ ತಿಳಿಸಿದ್ದರಾದರೂ ಮತ್ತೆ ನಿರ್ಲಕ್ಷ್ಯ ಹಾದಿಯಿಂದ `ಆಮೆಗತಿ'ಯಾಗಿದೆ.

"

ಮೇಲಧಿಕಾರಿಗಳಿಗೆ ಕ್ರಮ ಕೈಗೊಳ್ಳಲು ತಿಳಿಸಲಾಗಿದ್ದರೂ ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ. ಮತ್ತೊಮ್ಮೆ ಬೇಸಿಗೆಯೊಳಗೆ ನದಿಯೊಳಗಿನ ಕಾರ್ಯ ಮುಕ್ತಾಯಕ್ಕೆ ಮುತುವರ್ಜಿ ವಹಿಸುತ್ತೇನೆ.

— | ಸಿದ್ದು ಸವದಿ, ಶಾಸಕರು, ತೇರದಾಳ.