ವಂಚನೆಗೆ ಒಳಗಾದರೆ ದೂರು ದಾಖಲಿಸಿ

ಇಲ್ಲಿನ ಪುರಸಭೆ ಸಭಾ ಭವನದಲ್ಲಿ ಶುಕ್ರವಾರ ತಾಲೂಕು ಕಾನೂನು ಸೇವಾ ಸಮಿತಿ, ವಕೀಲರ ಸಂಘ, ತಾಲೂಕು ಆಡಳಿತ ಆಶ್ರಯದಲ್ಲಿ ಹಮ್ಮಿಕೊಂಡಿದ್ದ ರಾಷ್ಟ್ರೀಯ ಗ್ರಾಹಕರ ದಿನಾಚರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಗ್ರಾಹಕರಿಗೆ ನಡೆಯುವ ವಂಚನೆಯನ್ನು ಆಯಾ ಜಿಲ್ಲಾ ಗ್ರಾಹಕರ ನ್ಯಾಯಾಲಯಗಳಲ್ಲಿ ದೂರು ದಾಖಲಿಸಬಹುದು. ಆನ್‌ಲೈನ್‌ನಲ್ಲಿಯೂ ಅವಕಾಶ ಇದೆ. ಆದ್ದರಿಂದ ಗ್ರಾಹಕರಿಗೆ ಇರುವ ಹಕ್ಕುಗಳ ಕುರಿತು ಮಾಹಿತಿ ನೀಡಲಾಗುತ್ತಿದೆ ಎಂದರು.

ಅತಿಥಿ ಉಪನ್ಯಾಸಕ ಎ.ಎನ್. ಜಿಡ್ಡಿಮನಿ ಮಾತನಾಡಿ, 1986ರಲ್ಲಿ ಗ್ರಾಹಕರ ಸಂರಕ್ಷಣಾ ಕಾಯ್ದೆ ಜಾರಿಗೆ ಬಂತು. ನಂತರದ ದಿನಗಳಲ್ಲಿ ಕೆಲ ಅಂಶಗಳನ್ನು ಬದಲಾವಣೆ ಮಾಡಿ 2019ರಲ್ಲಿ ಗ್ರಾಹಕರ ರಕ್ಷಣಾ ಕಾಯ್ದೆ ಎಂದು ಮಾಡಲಾಗಿದೆ. ಮಾರಾಟಗಾರರು ಅಥವಾ ತಯಾರಕರಿಂದ ಒಂದು ಕೋಟಿ ರೂ. ವರೆಗೆ ಗ್ರಾಹಕರು ಅನ್ಯಾಯಕ್ಕೆ ಒಳಗಾಗಿದ್ದರೆ ಜಿಲ್ಲಾ ಗ್ರಾಹಕರ ನ್ಯಾಯಾಲಯದಲ್ಲಿ ಹಾಗೂ 1 ರಿಂದು 10 ಕೋಟಿ ರೂ. ವರೆಗೆ ರಾಜ್ಯ ಗ್ರಾಹಕರ ನ್ಯಾಯಾಲಯ ಹಾಗೂ 10 ಕೋಟಿ ರೂ. ಗಿಂತ ಹೆಚ್ಚು ಇದ್ದರೆ ರಾಷ್ಟ್ರ ಗ್ರಾಹಕರ ನ್ಯಾಯಾಲಯದಲ್ಲಿ ದೂರು ದಾಖಲಿಸಲು ಅವಕಾಶ ಇದೆ ಎಂದು ತಿಳಿಸಿದರು.

ತಹಸೀಲ್ದಾರ ವಿಜಯಕುಮಾರ ಕಡಕೋಳ ಅಧ್ಯಕ್ಷತೆ ವಹಿಸಿದ್ದರು. ಪುರಸಭೆ ಮುಖ್ಯಾಧಿಕಾರಿ ಎ್.ಬಿ. ಗಿಡ್ಡಿ, ವಕೀಲರ ಸಂಘದ ಕಾಯದರ್ಶಿ ಆರ್.ಎಸ್. ಸಂಪಗಾಂವಿ, ಆರ್.ಡಿ. ಸರಿಕರ, ಕೆ.ಎಸ್. ಅಕ್ಕೆನ್ನವರ, ಸಂಗತ್ರಾಸ, ಕ್ರೈಂ ಪಿಎಸ್‌ಐ ಎಂ.ವಿ. ವಾಲಿಕಾರ, ಕಂದಾಯ ನಿರೀಕ್ಷಕ ಪಿ.ಆರ್. ಮಠಪತಿ ಮತ್ತಿತರಿದ್ದರು.