ಸಭೆಯಲ್ಲಿ ಬೀಳಗಿ ಶಾಸಕ ಜೆ.ಟಿ. ಪಾಟೀಲ ಹಾಗೂ ರಾಜ್ಯಸಭಾ ಸದಸ್ಯ ನಾರಾಯಣಸಾ ಭಾಂಡಗೆ ಅವರು ಅನೇಕ ಅಽಕಾರಿಗಳು ನಮ್ಮ ಫೋನ್ ಸ್ವೀಕರಿಸಲ್ಲ. ಕೆಲವರು ನೀವು ಯಾರು? ಎಂದು ಕೇಳುತ್ತಾರೆ. ಮೊದಲು ಜನಪ್ರತಿನಿಧಿಗಳ ನಂಬರ್ ಸೇವ್ ಮಾಡಿಕೊಳ್ಳಲಿ ಎಂದು ಸಚಿವರ ಗಮನಕ್ಕೆ ತಂದರು.

ಅಧಿಕಾರಿಗಳ ಈ ವರ್ತನೆಯಿಂದ ತೀವ್ರ ಅಸಮಾಧಾನಗೊಂಡ ಸಚಿವ ಎಂ.ಬಿ. ಪಾಟೀಲ, ಈ ನಡೆಯನ್ನು ಸಹಿಸಲು ಸಾಧ್ಯವಿಲ್ಲ. ಜನಪ್ರತಿನಿಧಿಗಳು ಮಾತ್ರವಲ್ಲದೇ ಸಾರ್ವಜನಿಕರ ಫೋನ್ ಗಳನ್ನು ಸಹ ಸ್ವೀಕರಿಸಬೇಕು. ಈ ಬಗ್ಗೆ ಜಿಲ್ಲಾಧಿಕಾರಿಗಳು ಒಂದು ಕಂಟೋಲ್ ರೂಮ್ ತೆರೆಯಿರಿ. ಅಲ್ಲಿಂದ ಅಧಿಕಾರಿಗಳಿಗೆ ಫೋನ್ ಮಾಡಿಸಿ, ಯಾರು ಸ್ವೀಕರಿಸಲ್ಲ ಅವರ ಹೆಸರು ಪಟ್ಟಿಮಾಡಿ ಕೊಡಿ. ಸಭೆಗಳಲ್ಲಿ, ತುರ್ತು ಕೆಲಸದಲ್ಲಿ ಇದ್ದರೆ, ನಂತರವಾದರೂ ಅವರಿಗೆ ಫೋನ್ ನ್ ಮಾಡಿ ಅವರ ಸಮಸ್ಯೆಗಳಿಗೆ ಸ್ಪಂದಿಸಬೇಕು. ಇಲ್ಲವಾದರೆ ಅಂತ ಅಧಿಕಾರಿಗಳ ವಿರುದ್ಧ ಕ್ರಮ ಜರುಗಿಸಬೇಕಾಗುತ್ತದೆ ಎಂದು ಖಡಕ್ ಎಚ್ಚರಿಕೆ ನೀಡಿದರು.