ದೇಶ-ವಿದೇಶಿ ಪ್ರವಾಸಿಗರಿಗೆ ಆದ್ಯತೆ ಕೊಡಿ

ಪಟ್ಟಣದ ರೈಲ್ವೆ ನಿಲ್ದಾಣ ರಸ್ತೆಯಲ್ಲಿ ಆಧುನೀಕರಣಗೊಂಡ ಹೋಟೆಲ್ ಬಾದಾಮಿ ಕೋರ್ಟ್ ಉದ್ಘಾಟನೆ ಹಾಗೂ ಶ್ರೀಜೀತ ರೆಸಾರ್ಟ್ ನಿರ್ಮಾಣಕ್ಕೆ ಭಾನುವಾರ ಸಂಜೆ ಭೂಮಿ ಪೂಜೆ ನೆರವೇರಿಸಿ ಅವರು ಮಾತನಾಡಿದರು.

ನಾನು ವಿರೋಧ ಪಕ್ಷದ ನಾಯಕನಾಗಿದ್ದಾಗ, ಸಚಿವನಾಗಿದ್ದಾಗ ಹಾಗೂ ಬಾದಾಮಿ ಕ್ಷೇತ್ರದ ಶಾಸಕನಾಗಿದ್ದಾಗ ಹಲವಾರು ಬಾರಿ ಈ ಹೋಟೆಲ್‌ಗೆ ಬಂದು, ವಿಶ್ರಾಂತಿ ಪಡೆದು ಹೋಗಿದ್ದೇನೆ. ಕಳೆದ 2020ರಲ್ಲಿ ಹೊಳಬಸು ಶೆಟ್ಟರ ಅವರು ಈ ಹೋಟೆಲ್ ಮುನ್ನಡೆಸುವ ಜವಾಬ್ದಾರಿ ಪಡೆದಿದ್ದು, ಇದೀಗ ದೇಶ-ವಿದೇಶಿ ಪ್ರವಾಸಿಗರಿಗೆ ಆತಿಥ್ಯ ನೀಡಲು ವಿಶೇಷವಾಗಿ ನವೀಕರಿಸಿದ್ದಾರೆ. ಇಲ್ಲಿಗೆ ಬರುವ ಪ್ರವಾಸಿಗರಿಗೆ ಮನೆಯ ವಾತಾವರಣದ ವಿಶ್ರಾಂತಿಯ ನೆಲೆಯಾಗಿ ರೂಪುಗೊಳ್ಳಲಿ ಎಂದರು.

ಉದ್ಯಮಿ, ಕಾಂಗ್ರೆಸ್ ಮುಖಂಡ ಹೊಳಬಸು ಶೆಟ್ಟರ ಮಾತನಾಡಿ, ಕಳೆದ 2020ರಲ್ಲಿ ಹೋಟೆಲ್ ಬಾದಾಮಿ ಕೋರ್ಟ್ ಪಡೆದು ಮುನ್ನಡೆಸಲಾಗುತ್ತಿದೆ. ಇದೀಗ, ಹೋಟೆಲ್ ಬಾದಾಮಿ ಕೋರ್ಟ್ ಪಡೆದುಕೊಂಡೆ, ಶ್ರೀಜೀತ ರೆಸಾರ್ಟ್ ನಿರ್ಮಿಸುತ್ತಿದ್ದು, 24 ಕೊಠಡಿ ಇರಲಿವೆ. ಪ್ರವಾಸಿಗರಿಗೆ ವಿಶೇಷ ಸೌಲಭ್ಯ ಕಲ್ಪಿಸುವ ಉದ್ದೇಶದಿಂದ ನಿರ್ಮಾಣಮಾಡಲಾಗುತ್ತಿದೆ. ಈ ಕಾರ್ಯಕ್ಕೆ ನಾಡಿನ ಅನ್ನರಾಮಯ್ಯ ಎಂದೇ ಖ್ಯಾತಿ ಪಡೆದ ಸಿಎಂ ಸಿದ್ದರಾಮಯ್ಯ ಚಾಲನೆ ನೀಡಿರುವುದು ನಮ್ಮ ಸೌಭಾಗ್ಯ ಎಂದರು.

ಸಚಿವರಾದ ಬೈರತಿ ಸುರೇಶ, ಶಿವರಾಜ ತಂಗಡಗಿ, ಆರ್.ಬಿ. ತಿಮ್ಮಾಪೂರ ಮುಂತಾದವರು ಉಪಸ್ಥಿತರಿದ್ದರು.