ಕಸದ ಕೂಪವಾದ ಘಟಪ್ರಭಾ ನದಿ ತೀರ..!

ನದಿ ತೀರದ ಎಡಭಾಗದಲ್ಲಿ ಪ್ಲಾಸ್ಟಿಕ್ ಚೀಲಗಳು, ಹೋಟೆಲ್ ಹಾಗೂ ಆಸ್ಪತ್ರೆ ತ್ಯಾಜ್ಯ ಹಾಗೂ ಮನೆ ಕಸವನ್ನು ಚೀಲಗಳಲ್ಲಿ ತುಂಬಿ ಅವ್ಯಾಹತವಾಗಿ ಸುರಿಯಲಾಗುತ್ತಿದೆ. ಗಾಳಿ ಬೀಸಿದಾಗ ಈ ಹಗುರವಾದ ಪ್ಲಾಸ್ಟಿಕ್ ತ್ಯಾಜ್ಯಗಳು ಹಾರಿ ನೇರವಾಗಿ ನದಿ ನೀರನ್ನು ಸೇರುತ್ತಿವೆ. ಅಷ್ಟೇ ಅಲ್ಲದೆ ಮಳೆಯಾದ ಸಂದರ್ಭದಲ್ಲಿ ತೀರದಲ್ಲಿ ರಾಶಿ ಬಿದ್ದಿರುವ ಕೊಳಕು ಕಸವೆಲ್ಲವೂ ನೀರಿನ ರಭಸಕ್ಕೆ ನದಿಯ ಒಡಲಿಗೆ ಕೊಚ್ಚಿ ಹೋಗುತ್ತಿದೆ. ಇದರಿಂದಾಗಿ ನದಿಯ ಪವಿತ್ರ ನೀರು ಕಲುಷಿತಗೊಳ್ಳುತ್ತಿರುವುದಲ್ಲದೆ, ಜಲಚರಗಳ ಜೀವಕ್ಕೂ ಕುತ್ತು ಬಂದೊದಗಿದೆ.

ನದಿ ತೀರ ಇಂದು ಕಸದ ರಾಶಿಯಾಗಿ ಮಾರ್ಪಟ್ಟಿದೆ. ಗಾಳಿಗೆ ಕಸವೆಲ್ಲ ನದಿಗೆ ಹಾರಿ ಹೋಗುತ್ತಿದೆ. ಮಳೆ ಬಂದರೆ ಎಲ್ಲ ಕೊಳೆ ನದಿಯನ್ನು ಸೇರುತ್ತದೆ. ಇದರಿಂದ ನದಿಯ ನೀರು ಕುಡಿಯಲು ಯೋಗ್ಯವಲ್ಲದಂತಾಗುತ್ತಿದೆ. ನಗರಸಭೆಯು ಇಲ್ಲಿ ತಕ್ಷಣವೇ ಸಿಸಿ ಟಿವಿ ಅಳವಡಿಸಬೇಕು ಮತ್ತು ಕಸ ಎಸೆಯುವವರಿಗೆ ಭಾರೀ ದಂಡ ವಿಧಿಸಬೇಕು ಎಂದು ಪರಿಸರ ಪ್ರೇಮಿಗಳು ಹಾಗೂ ನಾಗರಿಕರು ಒತ್ತಾಯಿಸಿದ್ದಾರೆ.

"

ನದಿ ತೀರದಲ್ಲಿ ಕಸ ಹಾಕುವವರ ವಿರುದ್ಧ ನಗರಸಭೆ ಕಠಿಣ ಕ್ರಮ ಜರುಗಿಸಬೇಕು. ಕಸದ ಗಾಡಿಗಳು ಮನೆ ಬಾಗಿಲಿಗೆ ಬಂದರೂ ಕೆಲವರು ಹಾಕದೆ, ನದಿಗೆ ಕಸ ಎಸೆಯುತ್ತಿದ್ದಾರೆ. ಇದರಿಂದ ಸಾಂಕ್ರಾಮಿಕ ರೋಗ ಹರಡುವ ಭೀತಿಯೂ ಎದುರಾಗಿದೆ. ಕೂಡಲೇ ಈ ಜಾಗವನ್ನು ಸ್ವಚ್ಛಗೊಳಿಸಿ ಎಚ್ಚರಿಕೆ ಲಕ ಹಾಕಬೇಕು.
-ರಮೇಶ ಹೂಗಾರ, ಪರಿಸರ ಪ್ರೇಮಿ

"

ಘಟಪ್ರಭಾ ನದಿ ತೀರದಲ್ಲಿ ಕಸ ಎಸೆಯುತ್ತಿರುವ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಲಾಗಿದೆ. ಮಳೆಗಾಲ ಆರಂಭವಾಗುವುದರೊಳಗೆ ಆ ಪ್ರದೇಶವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಲು ಕ್ರಮಕೈಗೊಳ್ಳಲಾಗುವುದು. ಅಲ್ಲಿ ಕಸ ಹಾಕದಂತೆ ಎಚ್ಚರಿಕೆ ಲಕಗಳನ್ನು ಅಳವಡಿಸಿ, ನಿಗಾ ಇಡಲಾಗುವುದು. ಕಸ ವಿಲೇವಾರಿಗೆ ನಗರಸಭೆಯು ಪ್ರತ್ಯೇಕ ವಾಹನಗಳ ವ್ಯವಸ್ಥೆ ಮಾಡಿದ್ದರೂ ನದಿ ತೀರಕ್ಕೆ ಕಸ ತರುವವರ ವಿರುದ್ಧ ಕಠಿಣ ಕಾನೂನು ಕ್ರಮ ಜರುಗಿಸಲಾಗುವುದು.
-ಗೋಪಾಲ ಖಾಸೆ ನಗರಸಭೆ ಆಯುಕ್ತ