ಸಾಧನೆಗೆ ಕುಟುಂಬದ ಸಹಕಾರ ಅಗತ್ಯ

ಸೈದಾಪೂರ ಗ್ರಾಮದ ಕೌಜಲಗಿ ಪ್ಯಾಲೇಸ್ ಆವರಣದಲ್ಲಿ ಆಯೋಜಿಸಿದ್ದ ಸನ್ಮಾನ ಸಮಾರಂಭದಲ್ಲಿ ಮಾತನಾಡಿದ ಅವರು, ತಮ್ಮ ಸಾಧನೆಗೆ ತಂದೆ-ತಾಯಿ ಹಾಗೂ ಕುಟುಂಬದವರ ಜತೆಗೆ ಅನೇಕರು ನೀಡಿದ ಸಹಕಾರವೇ ಕಾರಣ ಎಂದು ತಿಳಿಸಿದರು. ಸರ್ಕಾರ ನೀಡಿದ ಈ ಪ್ರಶಸ್ತಿ ತಮ್ಮ ಕಾರ್ಯಕ್ಕೆ ಪ್ರೋತ್ಸಾಹ ನೀಡಿದಂತಾಗಿದೆ ಎಂದು ಹೇಳಿದರು.

ತೇರದಾಳ ಕ್ಷೇತ್ರದ ಕಾಂಗ್ರೆಸ್ ಮುಖಂಡ ಸಿದ್ದು ಕೊಣ್ಣೂರ ಮಾತನಾಡಿ, ದೇಶದ ಗಡಿಯಲ್ಲಿ ಯೋಧರು ಸೇವೆ ಸಲ್ಲಿಸುವಂತೆ, ದೇಶದ ಒಳಭಾಗದಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡುವಲ್ಲಿ ಪೊಲೀಸರ ಪಾತ್ರ ಮಹತ್ತರವಾಗಿದೆ ಎಂದರು. ಈ ವರ್ಷ ರಾಜ್ಯದಲ್ಲಿ ಕೇವಲ ಐದು ಮಂದಿಗೆ ಈ ಪ್ರಶಸ್ತಿ ಲಭಿಸಿದ್ದು, ಅದರಲ್ಲಿ ಸ್ಥಳೀಯ ವ್ಯಕ್ತಿಯೊಬ್ಬರು ಆಯ್ಕೆಯಾಗಿರುವುದು ಹೆಮ್ಮೆಯ ಸಂಗತಿ ಎಂದು ಹೇಳಿದರು.

ಕಬ್ಬು ಬೆಳೆಗಾರರ ಸಂಘದ ಪ್ರಧಾನ ಕಾರ್ಯದರ್ಶಿ ರಂಗನಗೌಡ ಪಾಟೀಲ, ಗೋದಾವರಿ ಕಾರ್ಖಾನೆ ಅಧಿಕಾರಿ ವಿ.ಎಸ್. ಕಣಬೂರ ಹಾಗೂ ಇತರ ಗಣ್ಯರು ಮಾತನಾಡಿದರು.

ಸೈದಾಪೂರ ಗ್ರಾಪಂ ಅಧ್ಯಕ್ಷ ಮಹಾಲಿಂಗಪ್ಪ ಸನದಿ, ಬಿಜೆಪಿ ಮುಖಂಡ ಸಿದ್ದುಗೌಡ ಪಾಟೀಲ, ಶಿವಲಿಂಗಪ್ಪ ಕೌಜಲಗಿ, ಮಲ್ಲಪ್ಪ ಪಾಶ್ಚಾಪೂರ, ಬಸವರಾಜ ಪೂಜೇರಿ, ವಿಠ್ಠಲ ಹೊಸಮನಿ, ಪಿಯೂಷ್ ಓಸ್ವಾಲ್, ಮಲಗೌಡ ಪಾಟೀಲ, ಶಿವಪ್ಪ ಬಾಯಪ್ಪಗೋಳ, ಮುತ್ತಪ್ಪ ನಾಯಕ, ನಾಗಪ್ಪ ಕೇತಗೌಡ, ಶೇಖರ ಮುತ್ತಪ್ಪಗೋಳ, ಭೀಮಪ್ಪ ತಿಮ್ಮಾಪೂರ, ಸದಾಶಿವ ಕೋಲೆಕಾರ ಇತರರಿದ್ದರು.