ನಿತ್ಯ ಜಪ ಮಾಡುವುದರಿಂದ ಪಾಪದ ಸ್ಪರ್ಶವಿಲ್ಲ

ಸಮೀಪದ ಹುಲಸಗೇರಿ ಗ್ರಾಮದಲ್ಲಿ ಶುಕ್ರವಾರ ಮಾರುತೇಶ್ವರ ಆಶ್ರಮ ಜೀಣೋದ್ಧಾರ ಟ್ರಸ್ಟ್ ಕಮೀಟಿಯಿಂದ ಶ್ರೀ ಮಾರುತೇಶ್ವರ ಕಾರ್ತಿಕೋತ್ಸವ, 8ನೇ ವರ್ಷದ ಸತ್ಸಂಗ ಸಮ್ಮೇಳನ, ಮಹಾಜಪಯಜ್ಞ ಕಾರ್ಯಕ್ರಮದ ಸಾನ್ನಿಧ್ಯ ವಹಿಸಿ ಅವರು ಮಾತನಾಡಿದರು.ಪಂಚಾಕ್ಷರ ಮಂತ್ರವನ್ನು ಶರೀರ ತ್ಯಜಿಸುವಂತಹ ಎಲ್ಲ ಜೀವಿಗಳು ಜಪಿಸಬಹುದು. ಈ ಮಂತ್ರ ಪಠಿಸಲು ಯಾವುದೇ ಜಾತಿಮತ ಪಂಥ, ಹೆಣ್ಣು-ಗಂಡೆಂಬ ಭೇದ-ಭಾವವಿಲ್ಲ. ಪಂಚಭೂತ, ಪಂಚಾಕ್ಷರ, ಪಂಚಕರ್ಣೇಂದ್ರಿಯಗಳು ಸೇರಿ ಪಂಚ ಎಂಬ ಗುಂಪುಗಳು ಏನು ಬರುತ್ತವೆಯೋ ಅವು ಎಲ್ಲದಕ್ಕೂ ಪಂಚಾಚಾರ್ಯರು ಅಧಿಪತಿಗಳಾಗಿದ್ದಾರೆ ಎಂದರು.

ಹುಲಸಗೇರಿ ಗ್ರಾಮಸ್ಥರಿಂದ ಶ್ರೀಗಳ ಸಮ್ಮುಖದಲ್ಲಿ ಮಹಾಜಪಯಜ್ಞ ನಡೆಯಿತು. ಕಾಶಿ ಪೀಠದ ಜಗದ್ಗುರು ಡಾ. ಚಂದ್ರಶೇಖರ ಶಿವಾಚಾರ್ಯ ಮಹಾಸ್ವಾಮಿಗಳವರನ್ನು ಗ್ರಾಮಸ್ಥರು ಗೌರವಿಸಿದರು.

ಆಳಂದದ ಚನ್ನಬಸವ ಪಟ್ಟದೇವರು, ಅಮರೇಶ್ವರ ಮಠದ ಡಾ. ನೀಲಕಂಠ ಶಿವಾಚಾರ್ಯ ಮಹಾಸ್ವಾಮಿಗಳು ಸಾನ್ನಿಧ್ಯ ವಹಿಸಿದ್ದರು. ಹನಮಪ್ಪ ಉಗಲವಾಟ, ನಾಗಪ್ಪ ಸಿದ್ದಣ್ಣವರ, ಸಿದ್ಧಾರೂಢ ವಾಲಿಕಾರ, ಯಮನಪ್ಪ ಪೂಜಾರ, ಭೀಮಪ್ಪ ಬಾಚಿನಗುಡ್ಡ, ಭೀಮಪ್ಪ ಸಿದ್ದನ್ನವರ, ಹನಮಂತ ಗೌಡರ, ಸಿದ್ಧಾರಾಢ ಸಿದ್ದಣ್ಣವರ ಸೇರಿ ಗ್ರಾಮಸ್ಥರು ಇದ್ದರು.

ಹುಲಸಗೇರಿ ಗ್ರಾಮದಲ್ಲಿ ನಡೆಯುತ್ತಿರುವ ಮಾರುತೇಶ್ವರ ಕಾರ್ತಿಕೋತ್ಸವ, 8ನೇ ವರ್ಷದ ಸತ್ಸಂಗ ಸಮ್ಮೇಳನ, ಮಹಾಜಪಯಜ್ಞ ಕಾರ್ಯಕ್ರಮದ ನಿಮಿತ್ತ ಶಿರಹಟ್ಟಿ ಕೀರೇಶ್ವರ ಮಠದ ಶ್ರೀ ಕೀರ ದಿಂಗಾಲೇಶ್ವರ ಮಹಾಸ್ವಾಮಿಗಳು ಆಗಮಿಸಲಿದ್ದು, ಶರಣಮಂಟಪದ ಚೆನ್ನಬಸವ ಪಟ್ಟದ ದೇವರು ಅಧ್ಯಕ್ಷತೆ ವಹಿಸುವರು. ಡಾ. ಗುರುಸಿದ್ದವೀರ ಶಿವಯೋಗಿ ಶಿವಾಚಾರ್ಯ ಮಹಾಸ್ವಾಮಿಗಳು, ನೇತೃತ್ವ ವಹಿಸುವರು. ಅಮೀನಗಡ ವೇದಾಶ್ರಮದ ಪಾವರ್ತಿ ಪರಮೇಶ್ವರ ಅವರು ಪ್ರವಚನ ನೀಡುವರು ಕರಿಕಟ್ಟಿಯ ಶ್ರೀ ಗುರುನಾಥ ಶಾಸಿಗಳು, ಕಿರ್ತನೆ ನೀಡುವರು, ಕಾಳಮ್ಮ ತಾಯಿಯವರು ಉಪಸ್ಥಿತರಿರುವರು ಎಂದು ಸಮಿತಿ ತಿಳಿಸಿದೆ.