ಬಿವಿವಿಎಸ್ ಇಂಜಿನಿಯರಿಂಗ್ ಕಾಲೇಜ್ ಪದವಿ ಪ್ರದಾನ

ನಗರದಲ್ಲಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಅಂದು ಸಂಜೆ 4ಕ್ಕೆ ಜರುಗುವ ಸಮಾರಂಭದಲ್ಲಿ ಐಐಟಿ ಮುಂಬೈನ ಹಣಕಾಸು, ಮೂಲ ಸೌಕರ್ಯ ಮತ್ತು ಆಡಳಿತ ವಿಭಾಗದ ಉಪ ನಿರ್ದೇಶಕ ಪ್ರೊ. ರವೀಂದ್ರ ಗುಡಿ ಪದವಿ ಪ್ರದಾನ ಮಾಡುವರು. ಸಂಘದ ಕಾರ್ಯಾಧ್ಯಕ್ಷ ಡಾ. ವೀರಣ್ಣ ಚರಂತಿಮಠ ಅಧ್ಯಕ್ಷತೆ ವಹಿಸುವರು. ಗೌರವ ಕಾರ್ಯದರ್ಶಿ ಮಹೇಶ ಅಥಣಿ ಮತ್ತಿತರರು ವೇದಿಕೆಯಲ್ಲಿ ಉಪಸ್ಥಿತರಿರುವರು ಎಂದರು.

62 ವರ್ಷಗಳನ್ನು ಪೂರೈಸಿರುವ ಕಾಲೇಜು ದೇಶದ ಪ್ರತಿಷ್ಠಿತ ಕಾಲೇಜುಗಳಲ್ಲಿ ಒಂದಾಗಿದೆ. ಅಂದು ನಡೆಯುವ ಸಮಾರಂಭದಲ್ಲಿ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ 126 ಪದವಿ, 04 ಸ್ನಾತಕೋತ್ತರ ಪದವಿ, ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ 87 ಪದವಿ, 1 ಸ್ನಾತಕೋತ್ತರ ಪದವಿ, ಇ ಆ್ಯಂಡ್ ಇ 61, ಸಿಎಸ್ 103 ಪದವಿ, 1 ಸ್ನಾತಕೋತ್ತರ ಪದವಿ, ಇ ಆ್ಯಂಡ್ ಸಿ 101 ಪದವಿ, ಇಂಡಸ್ಟ್ರಿಯಲ್ ಮತ್ತು ಪ್ರೊಡಕ್ಷನ್ ಇಂಜಿನಿಯರಿಂಗ್ 10, ಐಎಸ್ 91, ಇಲೆಕ್ಟ್ರಾನಿಕ್ಸ್ ಮತ್ತು ಇನ್‌ಸ್ಟ್ರುಮೆಂಟೇಶನ್ ಇಂಜಿನಿಯರಿಂಗ್ 18, ಆಟೊಮೊಬೈಲ್ ಇಂಜಿನಿಯರಿಂಗ್ 13, ಬಯೋಟೆಕ್ನಾಲಜಿ 18, ಎಐಎಂಎಲ್ 32 ಹಾಗೂ ಎಂಬಿಎ 51 ಸೇರಿ 2023-24ನೇ ಸಾಲಿನ ಒಟ್ಟು 660 ಪದವಿ, 57 ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳಿಗೆ ಪ್ರದಾನ ಮಾಡಲಾಗುವುದು ಎಂದರು.

ಬಿಇ ಪದವೀಧರರಿಗೆ ಒಟ್ಟು 47 ರ‌್ಯಾಂಕ್‌ಗಳನ್ನು ನೀಡಲಾಗಿದ್ದು, ಇದರಲ್ಲಿ 13 ವಿದ್ಯಾರ್ಥಿಗಳು ಪ್ರಥಮ ರ‌್ಯಾಂಕ್‌ನೊಂದಿಗೆ 16 ಚಿನ್ನದ ಪದಕಗಳನ್ನು ಪಡೆದುಕೊಂಡಿದ್ದಾರೆ. ಸ್ನಾತಕೋತ್ತರ ವಿಭಾಗದಲ್ಲಿ 4 ರ‌್ಯಾಂಕ್‌ಗಳನ್ನು ನೀಡಿದ್ದು, ಈ ಪೈಕಿ ಓರ್ವ ವಿದ್ಯಾರ್ಥಿಗೆ 1 ಚಿನ್ನದ ಪದಕವನ್ನು ನೀಡಲಾಗುತ್ತದೆ ಎಂದರು.

ಕಾಲೇಜು 6 ದಶಕಗಳ ಭವ್ಯ ಇತಿಹಾಸ ಹೊಂದಿದ್ದು, ಇಲ್ಲಿ ಪದವಿ ಪಡೆದಿರುವ ಅನೇಕರು ಜಗತ್ತಿನ ನಾನಾ ಕಂಪನಿಗಳಲ್ಲಿ ಉನ್ನತ ವಿದ್ಯೆಯಲ್ಲಿದ್ದಾರೆ. ಕಾಲೇಜಿನ ಎಲ್ಲ ವಿಭಾಗಗಳಲ್ಲಿ ಪ್ರವೇಶಾತಿಗೆ ಬೇಡಿಕೆ ಹೆಚ್ಚಿದೆ ಎಂದರು.

ಪ್ರಾಚಾರ್ಯ ಡಾ. ಬಿ.ಆರ್. ಹಿರೇಮಠ ಮಾತನಾಡಿ, ಅಂದು ಸಂಜೆ 4 ರಿಂದ 6 ಗಂಟೆಯವರೆಗೆ ಸಮಾರಂಭ ಜರುಗಲಿದೆ. ಇಂಜಿನಿಯರಿಂಗ್ ಕ್ಷೇತ್ರದಲ್ಲಿ ಬಿಇಸಿ ತನ್ನ ವೈಶಿಷ್ಟೃತೆಯನ್ನು ಹೊಂದಿದೆ ಎಂದರು.

ಪರೀಕ್ಷಾ ನಿಯಂತ್ರಕ ಡಾ. ಕೆ. ಚಂದ್ರಶೇಖರ, ಡೀನ್‌ರಾದ ಡಾ. ಪಿ.ಎನ್. ಕುಲಕರ್ಣಿ, ಡಾ. ಎಸ್.ಕೆ. ಮಹಾಬಲೇಶ್ವರ, ಡಾ. ಭಾರತಿ ಮೇಟಿ, ಡಾ. ಎಸ್.ಜಿ. ಕಂಬಾಳಿಮಠ, ಅಭಿವೃದ್ಧಿ ಅಧಿಕಾರಿ ಬಿ.ಎಸ್. ಹರವಿ, ಪ್ರೊ. ವಿ.ಪಿ. ಗಿರಿಸಾಗರ, ಪ್ರೊ. ರಾಜಶೇಖರ ಅಲ್ಲೂರಕರ ಇದ್ದರು.