ಶಾಂತಿಯುತ ಬದುಕಿಗೆ ಸಮಾಧಾನ ಚಿತ್ತರಾಗಿರಿ ಕೃತಿ ದಾರಿದೀಪ

ಬನಹಟ್ಟಿ ಜಗದಾಳ ರಸ್ತೆಯಲ್ಲಿರುವ ಸುಶೀಲಾದೇವಿ ನ್ಯಾಚುರೋಪತಿ ಯೋಗಿಕ್ ಸೈನ್ಸ್ ಮೆಡಿಕಲ್ ಕಾಲೇಜು ಮತ್ತು ಸಂಶೋಧನಾ ಕೇಂದ್ರದ ಆವರಣದಲ್ಲಿ ಜಿಲ್ಲಾ ಕಸಾಪ, ತಾಲೂಕು ಘಟಕ ಹಾಗೂ ಮಹಾಲಿಂಗಪುರ ವಲಯದ ಸಹಯೋಗದಲ್ಲಿ ಭಾನುವಾರ ಆಯೋಜಿಸಿದ್ದ ಪುಸ್ತಕಾವಲೋಕನ-56 ಕಾರ್ಯಕ್ರಮದಲ್ಲಿ ಪದ್ಮಶ್ರೀ ಪುರಸ್ಕೃತ ಮನೋವೈದ್ಯ ಪ್ರಾಧ್ಯಾಪಕ ಡಾ. ಸಿ.ಆರ್. ಚಂದ್ರಶೇಖರ್ ಅವರ ಕೃತಿಯನ್ನು ಅವಲೋಕಿಸಿ ಅವರು ಮಾತನಾಡಿದರು.

ಕೃತಿಯಲ್ಲಿನ ವಿಚಾರಗಳು ವ್ಯಕ್ತಿಯ ಮನೋಸ್ಥೈ ರ್ಯ ಹೆಚ್ಚಿಸುವುದರ ಜತೆಗೆ, ಒತ್ತಡದ ಸಂದರ್ಭಗಳನ್ನು ಸಮಚಿತ್ತದಿಂದ ಎದುರಿಸಲು ನೆರವಾಗುತ್ತವೆ. ವೇಗದ ಜೀವನಶೈಲಿಯಿಂದ ಹೆಚ್ಚುತ್ತಿರುವ ಆತಂಕ ಹಾಗೂ ಮಾನಸಿಕ ಒತ್ತಡದ ನಡುವೆ ಇಂತಹ ಕೃತಿಗಳ ಓದು ವೈಯಕ್ತಿಕ ಬದುಕಿಗೆ ಉಪಯುಕ್ತವಾಗಿದೆ ಎಂದರು.

ಡಾ. ಪರಶುರಾಮ ರಾವಳ ಮಾತನಾಡಿ, ಪುಸ್ತಕಾವಲೋಕನದಂತಹ ಚಟುವಟಿಕೆಗಳು ಓದು ಸಂಸ್ಕೃತಿಯನ್ನು ಬೆಳೆಸುವುದರ ಜತೆಗೆ ಉತ್ತಮ ವಿಚಾರಗಳ ಚರ್ಚೆಗೆ ವೇದಿಕೆ ಕಲ್ಪಿಸುತ್ತವೆ. ಯೋಗವು ಕೇವಲ ದೈಹಿಕ ಆರೋಗ್ಯಕ್ಕೆ ಸೀಮಿತವಾಗದೆ, ಮಾನಸಿಕ ಸಮತೋಲನಕ್ಕೂ ಸಹಕಾರಿ. ಪತಂಜಲಿ ಮಹರ್ಷಿಗಳ ಯೋಗ ಸೂತ್ರಗಳ ಆಶಯಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು ಎಂದರು.

ಹಿರಿಯ ಸಾಹಿತಿ ಮಲ್ಲಿಕಾರ್ಜುನ ಜವಳಗಿ, ನಿವೃತ್ತ ಅರ್ಥಶಾಸ್ತ್ರ ಉಪನ್ಯಾಸಕ ಎಂ.ಎಸ್. ಬದಾಮಿ, ಶಿವಾನಂದ ಬಾಗಲಕೋಟಮಠ ಹಾಗೂ ಕಲಾವಿದ ಮಹಾದೇವ ಕವಿಶೆಟ್ಟಿ ಕೃತಿಯ ಕುರಿತು ಅನಿಸಿಕೆ ಹಂಚಿಕೊಂಡರು.

ಕಸಾಪ ರಬಕವಿ-ಬನಹಟ್ಟಿ ತಾಲೂಕು ಅಧ್ಯಕ್ಷ ಮ.ಕೃ. ಮೇಗಾಡಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಮಹಾಲಿಂಗಪುರ ವಲಯ ಕಸಾಪ ಅಧ್ಯಕ್ಷ ಬಸವರಾಜ ಮೇಟಿ, ಪೂನಂ ರಾವಳ, ಡಾ. ಜಿ.ಎಚ್. ಚಿತ್ತರಗಿ, ಮೃತ್ಯುಂಜಯ ರಾಮದುರ್ಗ, ಬಸಯ್ಯ ವಸöದ, ಲಕ್ಷ್ಮೀ ನಿಂಬರಗಿ, ವಿಜಯಕುಮಾರ ನಿಂಬರಗಿ, ಡಾ. ವಿಜೇತಾ ಆರ್., ಅಶೋಕ ಹೊಸಕೋಟಿ ಸೇರಿ ಸಾಹಿತಿಗಳು, ಕಲಾವಿದರು, ಕಸಾಪ ಪದಾಧಿಕಾರಿಗಳು, ವಿದ್ಯಾರ್ಥಿಗಳು ಹಾಗೂ ಸಾಹಿತ್ಯಾಸಕ್ತರು ಭಾಗವಹಿಸಿದ್ದರು.

ಕಾಲೇಜಿನ ವಿದ್ಯಾರ್ಥಿನಿಯರು ಪ್ರಾರ್ಥಿಸಿದರು. ಶಿವಾನಂದ ದಾಸ್ಯಾಳ ನಿರೂಪಿಸಿದರು. ಶರತ್ತಚಂದ್ರ ಜಂಬಗಿ ವಂದಿಸಿದರು.