ಬಿಟಿಡಿಎ ಅಧ್ಯಕ್ಷರಾಗಿ ಪ್ರಕಾಶ ತಪಶೆಟ್ಟಿ ನೇಮಕ,

ಬಾಗಲಕೋಟೆ: ಕೃಷ್ಣಾ ಮೇಲ್ದಂಡೆ ಯೋಜನೆಗೆ ಮುಳಗಡೆಯಾಗಿರುವ ಸಂತ್ರಸ್ತರ ಪಾಲಿನ ಮುಖ್ಯಕೇಂದ್ರವಾಗಿರುವ ಬಾಗಲಕೋಟೆ ಪಟ್ಟಣ ಅಭಿವೃದ್ಧಿ ಪ್ರಾಽಕಾರದ ಅಧ್ಯಕ್ಷ ಸ್ಥಾನಕ್ಕೆ ಕಾಂಗ್ರೆಸ್ ಹಿರಿಯ ನಾಯಕ, ಬಸವೇಶ್ವರ ಬ್ಯಾಂಕ್ ಅಧ್ಯಕ್ಷ ಪ್ರಕಾಶ ತಪಶೆಟ್ಟಿ ಅವರನ್ನು ನೇಮಕ ಮಾಡಿ ಸರ್ಕಾರ ಆದೇಶ ಹೊರಡಿಸಿದೆ. ತನ್ಮೂಲಕ ಬಾಗಲಕೋಟೆ ಉಪ ಚುನಾವಣೆಗೆ ಗೆಲ್ಲಲು ಕೈ ಪಡೆ ಹೊಸ ಶಕ್ತಿ ತುಂಬಿದೆ.

ಶಾಸಕ ಎಚ್.ವೈ.ಮೇಟಿ ಬಿಟಿಡಿಎ ಅಧ್ಯಕ್ಷರಾಗಿದ್ದರು. ಅವರ ನಿಧನ ಬಳಿಕ ಈ ಸ್ಥಾನ ಖಾಲಿ ಉಳಿದಿತ್ತು. ನೊರೆಂಟು ಸಮಸ್ಯೆ ಹೊತ್ತು ಬರುವ ಸಂತ್ರಸ್ತರಿಗೆ ನ್ಯಾಯ ಒದಗಿಸುವ ಜನಪ್ರತಿನಿಽಗಳು ಇಲ್ಲದೆ ಕೊರಗುವಂತಾಗಿತ್ತು. ಇದೀಗ ಸರ್ಕಾರವು ಪ್ರಕಾಶ ತಪಶೆಟ್ಟಿ ಅವರಿಗೆ ಮಣೆ ಹಾಕಿದೆ. ತನ್ಮೂಲಕ ಉಪ ಚುನಾವಣೆಗೆ ಲಿಂಗಾಯತ ಮತ ಬ್ಯಾಂಕ್ ಮೇಲೆ ಹಾಕಿದೆ. ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ.ಶಿವಕುಮಾರ ಶನಿವಾರ ಬಾಗಲಕೋಟೆ ಹೋದ ಬಳಿಕ ಈ ಹೊಸ ಬೆಳವಣಿಗೆಗೆ ಮುಳಗಡೆ ನಗರಿ ಸಾಕ್ಷಿಯಾಗಿದೆ.

ಅನುಭವಿ ಆಡಳಿತಗಾರ:

ಪ್ರಕಾಶ ಈಶ್ವರಪ್ಪ ತಪಶೆಟ್ಟಿ ೧೯೫೩ ಜೂ.೬ ರಂದು ಜನಿಸಿದ್ದಾರೆ. ಬಿಕಾಂ, ಡಿ.ಫಾರ್ಮ ಪದವಿ ಪಡೆದಿದ್ದಾರೆ. ೧೯೮೫ ರಿಂದ ೧೯೮೮ ವರೆಗೆ ಕಿರಿಯ ವಯಸ್ಸಿನಲ್ಲಿ ಬಾಗಲಕೋಟೆ ನಗರಸಭೆ ಅಧ್ಯಕ್ಷರಾಗಿ ಕೆಲಸ ಮಾಡಿದರು. ಬಾಗಲಕೋಟೆ ಜಿಲ್ಲಾ ಹೋರಾಟ ಸಮಿತಿ ಪ್ರಧಾನ ಕಾರ್ಯದರ್ಶಿಯಾಗಿದ್ದರು. ಬಸವೇಶ್ವರ ಬ್ಯಾಂಕ್ ಅಧ್ಯಕ್ಷರಾಗಿ ಕಳೆದ ೪ ದಶಕಗಳಿಂದ ಯಶಸ್ವಿಯಾಗಿ ಮುಡೆಸುತ್ತಿದ್ದಾರೆ. ಬಿಡಿಸಿಸಿ ಬ್ಯಾಂಕ್ ನಿರ್ದೇಶರಾಗಿ ಸೇವೆ ಸಲ್ಲಿಸಿದ್ದಾರೆ. ತಮ್ಮದೆಯಾದ ಆಡಳಿತ ಶೈಲಿ ಮೂಲಕ ಸಾರ್ವಜನಿಕರು ಮನಸ್ಸು ಗೆದ್ದಿರುವ ಪ್ರಕಾಶ ತಪಶೆಟ್ಟಿ ಅವರು ಈ ಹಿಂದೆ ೧೯೯೭ ರಿಂದ ೧೯೯೮ ವರೆಗೆ ಬಾಗಲಕೋಟೆ ಪಟ್ಟಣ ಅಭಿವೃದ್ಧಿ ಪ್ರಾಽಕಾರ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು. ಇವರ ಅವಽಯಲ್ಲಿ ಬಾಗಲಕೋಟೆ ಸಂತ್ರಸ್ತರಿಗೆ ನವನಗರದಲ್ಲಿ ನಿವೇಶನ ನೀಡುವ ಕಾರ್ಯ ಆರಂಭಗೊAಡಿತ್ತು.

ಬಳಿಕ ೨೦೦೮ ರಲ್ಲಿ ಬಾಗಲಕೋಟೆ ಮತಕ್ಷೇತ್ರದಲ್ಲಿ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿದ್ದರು. ೨೦೧೩ ರಲ್ಲಿ ಕಾಂಗ್ರೆಸ್ ಸೇರ್ಪಡೆಗೊಂಡಿದ್ದರು. ೨೦೧೮ ರಲ್ಲಿ ಬಿಜೆಪಿ ೨೦೨೩ ಚುನಾವಣೆಗೆ ವೇಳೆಗೆ ಮತ್ತೆ ಕಾಂಗ್ರೆಸ್‌ಗೆ ಮರಳಿದ್ದರು. ಪ್ರತಿ ಸಾರಿಯೂ ಸಂತ್ರಸ್ತರಿಗೆ ಸೇವೆ ಸಲ್ಲಿಸುವ ಕಾರಣಕ್ಕೆ ಬಾಗಲಕೋಟೆ ಪಟ್ಟಣ ಅಭಿವೃದ್ಧಿ ಪ್ರಾಽಕಾರದ ಅಧ್ಯಕ್ಷ ಸ್ಥಾನದ ಆಶಯ ವ್ಯಕ್ತಪಡಿಸಿದ್ದರು. ೨೦೧೩ ರಿಂದ ೨೦೧೮ ಸಿಎಂ ಸಿದ್ದರಾಮಯ್ಯ ಸರ್ಕಾರ ಮೊದಲ ಅವಽಯಲ್ಲಿ ನಗರ ಯೋಜನಾ ಪ್ರಾಽಕಾರ ಅಧ್ಯಕ್ಷರಾಗಿ ನೇಮಕ ಮಾಡಿತ್ತು. ಆದರೇ ಬಿಟಿಡಿಎ ಅಧ್ಯಕ್ಷ ಪಟ್ಟ ಒಲಿದಿರಲಿಲ್ಲ. ಇದೀಗ ಪ್ರಭಲ ನಾಯಕರಿಗೆ ಅಧ್ಯಕ್ಷ ಸ್ಥಾನ ಸಿಕ್ಕಿದೆ. ಸಹಕಾರಿ ಹಾಗೂ ರಾಜಕೀಯ ಕ್ಷೇತ್ರದಲ್ಲಿ ಉತ್ತಮ ಆಡಳಿತಗಾರ ಎನ್ನುವದರಲ್ಲಿ ಎರಡು ಮಾತಿಲ್ಲ.

ಇನ್ನೂ ಅಧ್ಯಕ್ಷ ಸ್ಥಾನಕ್ಕೆ ಮಾತ್ರ ಸರ್ಕಾರ ನೇಮಕ ಮಾಡಿದೆ. ಮೂರು ಸದಸ್ಯ ಸ್ಥಾನಗಳಿಗೆ ಯಾರನ್ನು ನೇಮಕ ಮಾಡಿಲ್ಲ.ಉಪ ಚುನಾವಣೆ ಬಳಿಕ ಈ ಪ್ರಕ್ರಿಯೆ ನಡೆಯಲಿದೇನಾ ? ಯಾರನ್ನು ಆಯ್ಕೆ ಮಾಡುತ್ತಾರೆ ಎನ್ನುವುದು ಕಾರ್ಯಕರ್ತರ ಕೂತುಹಲಕ್ಕೆ ಕಾರಣವಾಗಿದೆ.

ಬಾಗಲಕೋಟೆ ಮುಳಗಡೆ ಸಂತ್ರಸ್ತರ ಸಮಸ್ಯೆಗಳು ಬೆಟ್ಟದಷ್ಟು ಮನೆ ಮಾಡಿವೆ. ಸಂತ್ರಸ್ತರಿಗೆ ಪರಿಹಾರ ಧನ, ನಿವೇಶನ ಹಂಚಿಕೆ, ಮೂಲ ಸೌಕರ್ಯ ಕಲ್ಪಿಸುವುದು, ಇ ಖಾತಾ ನೀಡುವುದು ಸೇರಿದಂತೆ ನೊರೆಂಟು ಸಮಸ್ಯೆಗಳು ನಿತ್ಯವು ಕಾಣಸಿಗುತ್ತವೆ. ಇದೀಗ ಪ್ರಕಾಶ ತಪಶೆಟ್ಟಿ ಅವರು ಅವುಗಳ ಬಗ್ಗೆ ಯಾವ ರೀತಿ ಗಮನ ಹರಿಸಿ ಇತ್ಯರ್ಥ ಪಡಿಸುತ್ತಾರೆ ಕಾದು ನೋಡಬೇಕು.