ಫೋಟೋಗ್ರಫಿಯಲ್ಲಿ ವಿಪುಲ ಅವಕಾಶ

ನಗರದ ಬಿವಿವಿ ಸಂಘದ ಬಸವೇಶ್ವರ ಕಲಾ ಮಹಾವಿದ್ಯಾಲಯದ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗದಿಂದ ಮತ್ತು ಕೆನಾನ್ ಇಂಡಿಯಾ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಒಂದು ದಿನದ ಕ್ಯಾಮರಾ ಆಪರೇಟಿಂಗ್ ಕಾರ್ಯಾಗಾರ ಉದ್ಘಾಟಿಸಿ ಅವರು ಮಾತನಾಡಿದರು.

ಫೋಟೋಗ್ರಫಿ ಕ್ಷೇತ್ರದಲ್ಲಿ ವೃತ್ತಿಪರವಾಗಿ ಮತ್ತು ತಾಂತ್ರಿಕವಾಗಿ ವೇಗ ಗತಿಯಲ್ಲಿ ಬದಲಾವಣೆಗಳಾಗುತ್ತಿವೆ. ಹೊಸ ಕ್ಯಾಮರಾ ಮತ್ತು ಲೆನ್ಸ್‌ಗಳು ಮಾರುಕಟ್ಟೆಯಲ್ಲಿ ದಾಪುಗಾಲು ಇಡುತ್ತಿದ್ದು, ಅವುಗಳ ನಿರ್ವಹಣೆಯನ್ನು ಸಮರ್ಪಕವಾಗಿ ಕಲಿತರೆ ಸಾವಿರಾರು ಉದ್ಯೋಗಗಳು ಅರಸಿ ಬರುತ್ತವೆ. ವಿದ್ಯಾರ್ಥಿ ಜೀವನದಲ್ಲಿಯೇ ೆಟೋಗ್ರಫಿ ಮೈಗೂಡಿಸಿಕೊಂಡರೆ ಪತ್ರಿಕೋದ್ಯಮದಲ್ಲಿ ಸಾಧನೆ ಮಾಡಲು ಸಾಧ್ಯವಾಗುತ್ತದೆ ಎಂದರು.

ಪ್ರಾಚಾರ್ಯ ಎಸ್.ಆರ್. ಮೂಗನೂರಮಠ ಮಾತನಾಡಿ, ಫೋಟೋಗ್ರಫಿಯು ನೆರಳು-ಬೆಳಕುಗಳ ಜೊತೆಯಾಟವಾಗಿದ್ದು ಅದನ್ನು ಸಮರ್ಪಕವಾಗಿ ಬಳಸುವುದನ್ನು ಕಲಿತವರು ಉತ್ತಮ ಛಾಯಾಗ್ರಾಹಕರಾಗುತ್ತಾರೆ. ಫೋಟೋಗ್ರಾರ್ ಆದವನಿಗೆ ಕಲ್ಪನಾ ಶಕ್ತಿ ಇದ್ದರೆ ಆಕರ್ಷಕ ಚಿತ್ರಗಳನ್ನು ಸೆರೆ ಹಿಡಿಯಬಹುದು. ಇತ್ತೀಚಿನ ದಿನಗಳಲ್ಲಿ ಫೋಟೋಗ್ರಫಿ ಕ್ಷೇತ್ರದಲ್ಲಿ ಸಾಕಷ್ಟು ಬದಲಾವಣೆಗಳಾಗಿದ್ದು, ಚಿತ್ರದಲ್ಲಿನ ಲೋಪದೋಷಗಳನ್ನು ತಕ್ಷಣವೇ ತಿದ್ದಿಕೊಳ್ಳಲು ಅವಕಾಶವಿದೆ. ಕ್ಯಾಮರಾ ಸೆಟ್ಟಿಂಗ್ಸ್ ಗಳನ್ನು ಸರಿಯಾಗಿ ಕಲಿತುಕೊಳ್ಳಿ. ಲೆನ್ಸ್ ಬಳಕೆಯ ಕೌಶಲ ಬೆಳೆಸಿಕೊಳ್ಳಿ ಮತ್ತು ಫಿಲ್ಟರ್ ಗಳ ಬಳಕೆಯಿಂದ ಉತ್ತಮ ಚಿತ್ರಗಳನ್ನು ತೆಗೆಯಲು ಸಹಾಯಕವಾಗಿದ್ದು ಫೋಟೋಗಳು ಭಾವನೆಗಳನ್ನು ವ್ಯಕ್ತಪಡಿಸುವ ಸಾಧನಗಳಾಗಿವೆ ಎಂದು ತಿಳಿಸಿದರು.

ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥ ಐ.ಬಿ. ಚಿಕ್ಕಮಠ, ಡಾ. ಎ.ಯು. ರಾಠೋಡ್, ಕಾರ್ಯಾಗಾರದ ಸಂಯೋಜಕ ಮಹಾಂತೇಶ ದೊಡವಾಡ ಮತ್ತಿತರರು ಇದ್ದರು.