ತೇಜೋವಧೆ ಮಾಡಿದವರ ವಿರುದ್ಧ ಕ್ರಮ..!

ನಗರ ಮತ್ತು ಬಾದಾಮಿ ಪಟ್ಟಣದಲ್ಲಿ ಭಾನುವಾರ ಸುದ್ದಿಗಾರರ ಜೊತೆ ಮಾತನಾಡಿರುವ ಸಚಿವ ತಿಮ್ಮಾಪೂರ, ತಮ್ಮ ವಿರುದ್ಧ ಇದೆಲ್ಲ ಏಕೆ ನಡೆಯುತ್ತಿದೆ? ಎಂದು ನನಗೆ ಗೊತ್ತಿಲ್ಲ. ಏನೋ ದುರುದ್ದೇಶದಿಂದ ಮಾಡುತ್ತಿರುತ್ತಾರೆ. ಸಾಮಾನ್ಯವಾಗಿ ದಲಿತರು ಅಂದ ಮೇಲೆ ಮೇಲಿಂದ ಮೇಲೆ ಈ ರೀತಿ ನಡೆಯುತ್ತದೆ ಎಂದರು.

ಉಪ್ಪು ತಿಂದವ ನೀರು ಕುಡಿಯುತ್ತಾನೆ. ಯಾರೇ ಆದರೂ ಟೀಕೆ ಮಾಡಬೇಕಾದರೆ ಏನಾಗಿದೆ? ಪುರಾವೆ ಏನು? ಎಂದು ನೋಡಿ ಮಾಡಿದರೆ ಒಳ್ಳೆಯದು. ಯಾವನೋ ಒಬ್ಬ ಆಡಿಯೋ ಮಾಡಿದಾ? ಯಾರೋ ರಾಜೀನಾಮೆ ಕೊಡಬೇಕು ಎಂದರೆ ಏನ್ರಿ ಇದೆಲ್ಲ ಎಂದು ಸುದ್ದಿಗಾರರನ್ನು ಪ್ರಶ್ನಿಸಿದರು.

ಅಬಕಾರಿ ಇಲಾಖೆ ಅಧಿಕಾರಿಗಳು ಲಂಚ ಪಡೆಯುವ ವೇಳೆ ಅಬಕಾರಿ ಇಲಾಖೆ ಅಧಿಕಾರಿಗಳು ಸಿಕ್ಕು ಬಿದ್ದಿದ್ದು, ಆಡಿಯೋದಲ್ಲಿ ತಮ್ಮ ಹೆಸರು ಹೇಳಿರುವ ವಿಚಾರವಾಗಿ ತಮ್ಮನ್ನು ಮುಖ್ಯಮಂತ್ರಿಗಳು ಏನೂ ಕೇಳಿಲ್ಲ ಎಂದು ಸಚಿವ ತಿಮ್ಮಾಪುರ ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.

ಇದರಲ್ಲಿ ಕುತಂತ್ರ ನಡೆಯುತ್ತಿದೆ. ತಮ್ಮಣ್ಣ ಮಾತನಾಡಿರುವ ಆಡಿಯೋದಲ್ಲಿ ಮಂತ್ರಿಗಳ ಹೆಸರು ಹೇಳುತ್ತಾರೆ. ಮುಖ್ಯಮಂತ್ರಿಗಳ ಹೆಸರು ಹೇಳುತ್ತಾರೆ ಎಂದು ಗಾಳಿ ಸುದ್ದಿಗಳ ಬಗ್ಗೆ ಸಿಎಂ ಏನು ಹೇಳುತ್ತಾರೆ? ರಾಜೀನಾಮೆ ಕೊಡಿ ಎನ್ನುವುದೆಲ್ಲ ಕುತಂತ್ರ. ಈಗ ನಿಮಗೆ ಹತ್ತು ಲಕ್ಷ ರೂ. ಕೊಡುತ್ತೇವೆ. ಸುದ್ದಿ ಹಾಕಬೇಡಿ ಎಂದು ಯಾರಾದರೂ ಹೇಳಿದರೆ ಅದಕ್ಕೆ ನೀವು ಆಪಾದಿತರಾಗುತ್ತೀರಾ? ಎಂದು ಮಾಧ್ಯಮದವರನ್ನೇ ಸಚಿವ ತಿಮ್ಮಾಪೂರ ಪ್ರಶ್ನಿಸಿದರು.