ಬಾಗಲಕೋಟೆ

ಶ್ರಮದ ಸಾಧನೆ ಶ್ರೇಷ್ಠ ಕಾರ್ಯ

ಮಹಾಲಿಂಗಪುರದಲ್ಲಿ ಲಿಂಗಾಯತ ಪಂಚಮಸಾಲಿ ಸಮಾಜದ ವತಿಯಿಂದ ಆಯೋಜಿಸಿದ್ದ ಪ್ರತಿಭಾ ಪುರಸ್ಕಾರ ಸಮಾರಂಭದಲ್ಲಿ ವಿದೇಶ ಪ್ರವಾಸ ಮುಗಿಸಿ ಬಂದ ನಿರಾಣಿ ಸಮೂಹ ಸಂಸ್ಥೆಗಳ ಸಂಗಮೇಶ ನಿರಾಣಿಯವರನ್ನು ಸನ್ಮಾನಿಸಲಾಯಿತು. ಬಸವರಾಜ ದಿಂಡೂರ, ಶ್ರೀಶೈಲಪ್ಪ ಉಳ್ಳಾಗಡ್ಡಿ, ಡಾ. ವಿದ್ಯಾ ದಿನ್ನಿಮನಿ ಇತರರಿದ್ದರು.
ಮಹಾಲಿಂಗಪುರದಲ್ಲಿ ಲಿಂಗಾಯತ ಪಂಚಮಸಾಲಿ ಸಮಾಜದ ವತಿಯಿಂದ ಆಯೋಜಿಸಿದ್ದ ಪ್ರತಿಭಾ ಪುರಸ್ಕಾರ ಸಮಾರಂಭದಲ್ಲಿ ವಿದೇಶ ಪ್ರವಾಸ ಮುಗಿಸಿ ಬಂದ ನಿರಾಣಿ ಸಮೂಹ ಸಂಸ್ಥೆಗಳ ಸಂಗಮೇಶ ನಿರಾಣಿಯವರನ್ನು ಸನ್ಮಾನಿಸಲಾಯಿತು. ಬಸವರಾಜ ದಿಂಡೂರ, ಶ್ರೀಶೈಲಪ್ಪ ಉಳ್ಳಾಗಡ್ಡಿ, ಡಾ. ವಿದ್ಯಾ ದಿನ್ನಿಮನಿ ಇತರರಿದ್ದರು.
ಶಿಲ್ಪಾ ಪವಾರ
Published on: 

ಪ್ರಮುಖ ಮುಖ್ಯಾಂಶಗಳು

  • ಸಂಗಮೇಶ ನಿರಾಣಿ ಹೇಳಿಕೆ
  • ಪಂಚಮಸಾಲಿ ಸಮಾಜದಿಂದ ಪ್ರತಿಭಾ ಪುರಸ್ಕಾರ
ಮಹಾಲಿಂಗಪುರ: ಪಂಚಮಸಾಲಿ ಸಮಾಜ ತಾನು ಅಭಿವೃದ್ಧಿ ಹೊಂದಿ ಇತರ ಸಮಾಜದ ಹಿಂದುಳಿದವರ, ಬಡವರ ಏಳ್ಗೆಗಾಗಿ ಸಹಕರಿಸುತ್ತಾರೆ. ಜಗತ್ತಿನಲ್ಲಿ ವಿದ್ಯೆ ಹಾಗೂ ಕೌಶಲಕ್ಕೆ ಬೆಲೆಯಿದೆ. ಪೂರ್ವಜರ ಆಸ್ತಿ ನಂಬಿ ಬದುಕುವುದಕ್ಕಿಂತ ನಮ್ಮ ಶ್ರಮದಿಂದ ಸಾಧನೆ ಮಾಡುತ್ತಾ ಮುನ್ನಡೆಯುವುದು ಶ್ರೇಷ್ಠ ಕಾರ್ಯ ಎಂದು ನಿರಾಣಿ ಸಮೂಹ ಸಂಸ್ಥೆಗಳ ಸಂಗಮೇಶ ನಿರಾಣಿ ಹೇಳಿದರು.
ಪಟ್ಟಣದ ಗಡಾದ ಗಲ್ಲಿಯ ರಾಣಿ ಚನ್ನಮ್ಮ ಸಮುದಾಯ ಭವನದಲ್ಲಿ ಲಿಂಗಾಯತ ಪಂಚಮಸಾಲಿ ಸಮಾಜದ ವತಿಯಿಂದ ಶುಕ್ರವಾರ ಜರುಗಿದ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ನೀಡುತ್ತಾ ಮುಂದಿನ ತಲೆಮಾರಿನ ಸಮಾಜ ಕಟ್ಟುವ ನಿಟ್ಟಿನಲ್ಲಿ ದಿಂಡೂರ ಅವರು ಸತತ ಪ್ರಯತ್ನ ಮುಂದುವರಿಸಿದ್ದಾರೆ. ಪಂಚಮಸಾಲಿ ಸಮಾಜ ಜಿಲ್ಲೆಯಲ್ಲಿಯೆ ಬಲಿಷ್ಠವಾಗಿದೆ ಎಂದರು.
ಸತತ 34 ವರ್ಷಗಳಿಂದ ಪಂಚಮಸಾಲಿ ಸಮಾಜದ ಸಂಘಟನೆಯಲ್ಲಿ ತೊಡಗಿಸಿಕೊಂಡು ಸಮಾಜದ ನಿಕಟಪೂರ್ವ ಅಧ್ಯಕ್ಷ ಬಸವರಾಜ ದಿಂಡೂರ ಕರ್ನಾಟಕದಲ್ಲಿ ಮಾತ್ರವಲ್ಲದೆ ನೆರೆ ರಾಜ್ಯಗಳಿಗೆ ಸಂಚರಿಸಿ ಸಮಾಜದ ಏಳ್ಗೆಗಾಗಿ ಶ್ರಮಿಸುತ್ತಿರುವ ಕಾರ್ಯ ಶ್ಲಾಘನೀಯ ಎಂದು ಹೇಳಿದರು.
ನಿಕಟ ಪೂರ್ವ ಬಸವರಾಜ ದಿಂಡೂರ, ಪಂಚಮಸಾಲಿ ಟ್ರಸ್ಟ್ ಉಪಾಧ್ಯಕ್ಷ ಶ್ರೀಶೈಲಪ್ಪ ಉಳ್ಳಾಗಡ್ಡಿ, ಮಹಿಳಾ ಸಂಘದ ಅಧ್ಯಕ್ಷೆ ಡಾ. ವಿದ್ಯಾ ದಿನ್ನಿಮನಿ, ಕವಿತಾ ಕೊಣ್ಣೂರ, ಅರ್ಬನ್ ಬ್ಯಾಂಕ್ ಅಧ್ಯಕ್ಷ ಶ್ರೀಶೈಲಪ್ಪ ಹಿಪ್ಪರಗಿ, ಉಪಾಧ್ಯಕ್ಷ ಎಫ್.ಎಚ್. ಕುಂಟೋಜಿ, ಸಿದ್ದು ಪಾಟೀಲ, ಡಾ.ಅಶೋಕ ದಿನ್ನಿಮನಿ, ಮುತ್ತಪ್ಪ ಪಟ್ಟಣಶೆಟ್ಟಿ, ಆನಂದ ಖೋತ, ನಾಗಪ್ಪ ಖೋತ, ಮಹಾಂತೇಶ ವಜ್ರಮಟ್ಟಿ ಇತರರಿದ್ದರು.
ಜ್ಞಾನಜ್ಯೋತಿ ಶಾಲೆ ಮಕ್ಕಳು ಸ್ವಾಗತ ಗೀತೆ ಹಾಡಿದರು. ಶಿವಾನಂದ ಬ್ಯಾಳಿ ನಿರೂಪಿಸಿದರು. ವಿಜಯಕುಮಾರ ಕುಳಲಿ ವಂದಿಸಿದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net