ಡೆತ್ ಆಡಿಟ್ ಮಾಡಿಸುತ್ತಿದ್ದೇವೆ
ಕೋವಿಡ್ ಸಾವಿನ ವಿಚಾರವಾಗಿ ಕಾಂಗ್ರೆಸ್ ಪಕ್ಷ ಮನೆ ಮನೆ ಡೆತ್ ಆಡಿಟ್ಗೆ ಮುಂದಾಗಿರುವುದರ ಬಗ್ಗೆ ಮಾತನಾಡಿದ ನಿರಾಣಿ, ಹೌದು, ಅವರು ಹೇಳುತ್ತಿರುವುದು ಸರಿ ಇದೆ. ಸಾವಿನ ಸಂಖ್ಯೆ ಹೆಚ್ಚಿದ್ದು, ಅವರೆಲ್ಲ ಹೇಗೆ ಸತ್ತಿದ್ದಾರೆ ಎನ್ನುವುದು ತಿಳಿಯಬೇಕಿದೆ. ಈ ನಿಟ್ಟಿನಲ್ಲಿ ನಾನು ಈಗಾಗಲೇ ಕಲಬುರಗಿ ಜಿಲ್ಲೆಯಲ್ಲಿ ಆರೋಗ್ಯ ಇಲಾಖೆ ಮತ್ತು ಗ್ರಾಮೀಣ ಅಧಿಕಾರಿಗಳ ಮುಖಾಂತರ ಡೋರ್-ಟು-ಡೋರ್ ಮಾಹಿತಿ ಕಲೆಹಾಕಿಸುತ್ತಿದ್ದೇನೆ. ಸಾವು ಹೇಗೆ ಉಂಟಾಗಿದೆ. ಇದರಲ್ಲಿ ಕೋವಿಡ್ ಬಂದು ಸತ್ತಿದ್ದಾರೋ ಅಥವಾ ಬೇರೆ ಕಾರಣದಿಂದ ಸತ್ತಿದ್ದಾರೋ ಎಂದು ತಿಳಿದು ಬರುತ್ತದೆ. ಇದು ರಾಜ್ಯದಲ್ಲಿ ಆಗಬೇಕು. ಸಾವು ಮುಚ್ಚಿಡಲು ಆಗುವುದಿಲ್ಲ. ಆದರೆ, ಎಲ್ಲ ಸಾವುಗಳು ಕೋವಿಡ್ ನಿಂದಲೇ ಆಗಿರಲ್ಲ. ಆಡಿಟ್ ಆದ ಮೇಲೆ ಈ ಬಗ್ಗೆ ನಿಖರವಾಗಿ ಗೊತ್ತಾಗುತ್ತದೆ ಎಂದರು.
