ಜಿ.ಪಂ ಸದಸ್ಯ ಬಸವರಾಜ ಖೋತ ಮಾತನಾಡಿ, ಬೀಳಗಿ ಶುಗರ್ಸ್ 600 ಕೋಟಿ ರೂ. ಸಾಲ ಹೊಂದಿದೆ ಎಂದು ಮುರಗೇಶ ನಿರಾಣಿ ಮಾಡಿರುವ ಆರೋಪದಲ್ಲಿ ಹುರುಳಿಲ್ಲ. ಇದು ಹಸಿ ಸುಳ್ಳು. ಎಸ್.ಆರ್.ಪಾಟೀಲ ಅವರು 2002 ರಲ್ಲಿ ಕಾರ್ಖಾನೆ ಆರಂಭಿಸಿದಾಗ ಮುರಗೇಶ ನಿರಾಣಿ ಅವರನ್ನು ಪಾಲುದಾರರಾಗಿ ಸೇರಿಸಿಕೊಂಡು ಎಲ್ಲ ಜವಾಬ್ದಾರಿ ನೀಡಿದರು. ಆದರೇ ಮುರಗೇಶ ನಿರಾಣಿ ಮಾಡಿದ ಕೆಟ್ಟ ಕೆಲಸದಿಂದ ಕಾರ್ಖಾನೆ ನಡೆದಂತಹ ಸ್ಥಿತಿ ನಿರ್ಮಾಣವಾಯಿತು. ಆಗ ಎಸ್.ಆರ್.ಪಾಟೀಲ 60 ಕೋಟಿ ಪುನಃ ಸಾಲ ಪಡೆದು ಕಾರ್ಖಾನೆಯಲ್ಲಿದ್ದ ಮೋಡಕಾ ಯಂತ್ರ, ವಸ್ತುಗಳನ್ನು ತೆಗೆದು ಹೊಸದು ಅಳವಡಿಸಿದರು. ಪರಿಣಾಮ ಕಾರ್ಖಾನೆ ಇಂದು ಸಾವಿರಾರು ಕಬ್ಬು ಬೆಳೆಗಾರರು, ಕಾರ್ಮಿಕರಿಗೆ ಅನ್ನ,ಆಶ್ರಯ ನೀಡಿದೆ. ನಿರಾಣಿ ಅವರೇ ಎಷ್ಟು ಜನ ಹಿಂಬಾಲಕರನ್ನು ಬೆಳೆಸಿದ್ದಾರೇ ಅಂತ ಕೇಳಿದ್ದೀರಿ. ನೀವು ಸೇರಿದಂತೆ ಅನೇಕರು ರಾಜಕೀಯವಾಗಿ ಬೆಳೆಯಲು ಅವರೇ ಕಾರಣ. ನೀವು ಸಹೋದರರನ್ನು ಜಿ.ಪಂ ಸದಸ್ಯ, ಡಿಸಿಸಿ ನಿರ್ದೇಶಕ, ವಿಧಾನ ಪರಿಷತ್ ಸದಸ್ಯರಾಗಿ ಮಾಡಿದ್ದೀರಿ ಹೊರತು ಬೇರೆ ಯಾರು ಬೆಳೆಸಿದ್ದರೀ ಎಂದು ಮುರಗೇಶ ನಿರಾಣಿ ಅವರ ಮೇಲೆ ಹರಿಹಾಯ್ದರು.
