ರಾಜಕೀಯ, ಬ್ಯಾಂಕಿಂಗ್​ ಕ್ಷೇತ್ರದಲ್ಲಿ ವಿಶ್ವಾಸಾರ್ಹತೆ ಮುಖ್ಯ: ಶಾಸಕ ಗುರ್ಮೆ ಸುರೇಶ್​ ಶೆಟ್ಟಿ

ಉಡುಪಿ: ರಾಜಕೀಯ ಮತ್ತು ಬ್ಯಾಂಕಿಂಗ್​ ಕ್ಷೇತ್ರದಲ್ಲಿ ಬೆಳೆಯಲು ಜನರ ವಿಶ್ವಾಸಕ್ಕೆ ಚ್ಯುತಿ ಬರದಂತೆ ಕಾರ್ಯನಿರ್ವಹಿಸುವುದು ಅತೀ ಅಗತ್ಯ. ಬದುಕು ಸರಳೀಕೃತಗೊಂಡಿದ್ದು, ಯಾಂತ್ರೀಕೃತ ಜಗತ್ತಿನಲ್ಲಿ ಬ್ಯಾಂಕಿಂಗ್​ ಕ್ಷೇತ್ರ ಡಿಜಿಟಲೀಕರಣದತ್ತ ವೇಗವಾಗಿ ದಾಪುಗಾಲು ಹಾಕುತ್ತಿದೆ ಎಂದು ಕಾಪು ಶಾಸಕ ಗುರ್ಮೆ ಸುರೇಶ್​ ಶೆಟ್ಟಿ ಹೇಳಿದರು.

ಭಾನುವಾರ ಪುರಭವನದಲ್ಲಿ ಬಡಗಬೆಟ್ಟು ಕ್ರೆಡಿಟ್​ ಕೋ&ಆಪರೇಟಿವ್​ ಸೊಸೈಟಿ ಸಂಘದ ಸದಸ್ಯರಿಗೆ ಕಲ್ಪಿಸಿದ ನೂತನ ಸೌಲಭ್ಯಗಳಾದ 'ಚೇತನಾ" ಮೊಬೈಲ್​ ಆಪ್​, ಪೇ-ಡೈರೆಕ್​ ಎ.ಟಿ.ಎಮ್​ ಕಾರ್ಡ್​, ಪಿಗ್ಮಿ ಕಲೆಕ್ಷನ್​ ಮೊಬೈಲ್​ ಆ್ಯಪ್​ ಅನಾವರಣಗೊಳಿಸಿ ಅವರು ಮಾತನಾಡಿದರು.

ಶಾಸಕರಾಗಿ ಆಯ್ಕೆಯಾದ ಸಂಘದ ಸದಸ್ಯ ಗುರ್ಮೆ ಸುರೇಶ್​ ಶೆಟ್ಟಿ, ಕ್ರೆಡೈ ಅಧ್ಯಕ್ಷರಾಗಿ ಆಯ್ಕೆಯಾಗಿದ ಮನೋಹ ಎಸ್​. ಶೆಟ್ಟಿ, ಸಮಾಜ ಸೇವಕ ಈಶ್ವರ್​ ಮಲ್ಪೆ, ಗಿನ್ನೆಸ್​ ಬುಕ್​ ಆಫ್​ ವರ್ಲ್ಡ್​ ರೆಕಾರ್ಡ್​ನಲ್ಲಿ ಹೊಸ ದಾಖಲೆ ಬರೆದಿರುವ ತನುಶ್ರೀ ಪಿತ್ರೋಡಿ ಅವರನ್ನು ಸಂಘದ ವತಿಯಿಂದ ಗೌರವಿಸಲಾಯಿತು.

ಮಾಜಿ ಶಾಸಕ ಕೆ. ರುಪತಿ ಭಟ್​ ಮಾತನಾಡಿದರು. ಕೋಡ್​ಲಾಗ್ಸ್​ ಟೆಕ್ನಾಲಜೀಸ್​ ವ್ಯವಸ್ಥಾಪಕ ಶ್ರವಣ್​ ರವಿರಾಜ್​ ನೂತನ ಮೊಬೈಲ್​ ಆ್ಯಪ್​ ವೈಶಿಷ್ಟ$್ಯ ಹಾಗೂ ಬಳಕೆಯ ಬಗ್ಗೆ ಮಾಹಿತಿ ನೀಡಿದರು. ಐ.ಸಿ.ಐ.ಸಿ.ಐ ಬ್ಯಾಂಕಿನ ಸೀನಿಯರ್​ ಚೀಫ್​ ಮೆನೇಜರ್​ ಮಂಜುನಾಥ್​ ಪೇ&-ಡೈರೆಕ್ಟ್​ ಎ.ಟಿ.ಎಂ ಕಾರ್ಡ್​ನ ಕುರಿತು ಮಾಹಿತಿ ನೀಡಿದರು. ಸೊಸೈಟಿಯ ಪ್ರಾಯೋಜಕತ್ವದಲ್ಲಿ ಚೇತನಾ ನವೋದಯ ಸ್ವಸಹಾಯ ಗುಂಪುಗಳನ್ನು ಉದ್ಘಾಟಿಸಲಾಯಿತು.
ಸೊಸೈಟಿ ಅಧ್ಯಕ್ಷ ಸಂಜೀವ ಕಾಂಚನ್​ ಅಧ್ಯಕ್ಷತೆ ವಹಿಸಿದ್ದರು. ಉಡುಪಿ ಜಿಲ್ಲಾ ಸಹಕಾರ ಯೂನಿಯನ್​ ಅಧ್ಯಕ್ಷ ಬಿ.ಜಯಕರ ಶೆಟ್ಟಿ ಇಂದ್ರಾಳಿ, ಉದಯ ಕೃಷ್ಣ್ಣಯ್ಯ ಶೆಟ್ಟಿ ಚಾರಿಟೇಬಲ್​ ಟ್ರಸ್ಟ್​ ಅಧ್ಯಕ್ಷ ಮುನಿಯಾಲು ಉದಯ ಕುಮಾರ್​ ಶೆಟ್ಟಿ, ಐ.ಸಿ.ಐ.ಸಿ.ಐ ಬ್ಯಾಂಕಿನ ಡೆಪ್ಯುಟಿ ಜನರಲ್​ ಮೆನೇಜರ್​ ಅಭಿತಾಬ್​ ದೀಕ್ಷಿತ್​ ಉಪಸ್ಥಿತರಿದ್ದರು. ಪ್ರಭಾರ ಪ್ರಧಾನ ವ್ಯವಸ್ಥಾಪಕ ರಾಜೇಶ್​ ವಿ. ಶೇರಿಗಾರ್​ ವಂದಿಸಿದರು. ಶಾಖಾ ವ್ಯವಸ್ಥಾಪಕ ನವೀನ್​ ಕೆ. ಕಾರ್ಯಕ್ರಮ ನಿರೂಪಿಸಿದರು.