ಸರ್ವೆ ಕಾರ್ಯವನ್ನು ಆಯಾ ವಲಯದ ಜಂಟಿ ಆಯುಕ್ತರ ನೇತೃತ್ವ ವಹಿಸಲಾಗಿದೆ. ಈ ತಂಡದಲ್ಲಿ ಕಂದಾಯ, ಇಂಜಿನಿಯರಿಂಗ್, ಆರೋಗ್ಯ ವಿಭಾಗದ ಅಧಿಕಾರಿಗಳ ಜತೆಗೆ ಎಇಇ, ಎಇಗಳನ್ನು ಬಳಸಿಕೊಳ್ಳಬೇಕಿದೆ. ಇಡೀ ತಂಡ ಸ್ಥಳಪರಿಶೀಲನೆಗೆ ಹೋದಲ್ಲಿ ಕಚೇರಿಗಳಲ್ಲಿ ಇನ್ನಿತರ ಕಾರ್ಯಕ್ಕೆ ಅಡ್ಡಿಯಾಗಲಿದೆ. ಜತೆಗೆ ಈಗಾಗಲೇ ಕೈಗೊಂಡಿರುವ ಇ-ಖಾತಾ ಸಂಬಂಧಿತ ಸ್ವತ್ತುಗಳ ಸ್ಥಳಪರಿಶೀಲನಾ ಕಾರ್ಯ ಇನ್ನೂ ಪೂರ್ಣಗೊಂಡಿಲ್ಲ. ಕೆಲ ವಲಯಗಳಲ್ಲಿ ಸರ್ವೆಗೆ ಚಾಲನೆ ದೊರೆತಿದ್ದರೂ, ದೀಪಾವಳಿ ಹಬ್ಬದ ರಜೆ ಕಾರಣ ಅಧಿಕಾರಿಗಳು ತಂಡದೊಂದಿಗೆ ತೆರಳಲು ಸಾಧ್ಯವಾಗಿಲ್ಲ. ಇದರ ಹೊರತಾಗಿಯೂ ಮಹದೇವಪುರ ಹಾಗೂ ಪಶ್ಚಿಮ ವಲಯಗಳಲ್ಲಿ ಬೆರಳೆಣಿಕೆಯಷ್ಟು ಶಿಥಿಲ ಕಟ್ಟಡಗಳನ್ನು ಮಾತ್ರ ತೆರವುಗೊಳಿಸಲಾಗಿದೆ.
