ಹಬ್ಬದ ದಿನಗಳಲ್ಲಿ ಉತ್ಪತ್ತಿಯಾಗುವ ನತ್ಯಾಜ್ಯ ನಿರ್ವಹಣೆಗೆ ಮಾರ್ಗಸೂಚಿ ಹೊರಡಿಸಿದ್ದ ಬಿಬಿಎಂಪಿ, ವಿಲೇವಾರಿಗೆ ಕೆಲ ಕ್ರಮ ಅನುಸರಿಸಬೇಕೆಂದು ಅಧಿಕಾರಿಗಳಿಗೆ ಸೂಚಿಸಿತ್ತು. ಬಾಳೆಕಂದು, ಮಾವಿನ ಎಲೆ, ಹೂವು ಸೇರಿದಂತೆ ಇತರೆ ಹಬ್ಬದ ವಸ್ತುಗಳ ಮಾರಾಟ ಮಾಡುವ ವ್ಯಾಪಾರಿಗಳಿಗೆ ಹಸಿ ಮತ್ತು ಒಣ ತ್ಯಾಜ್ಯ ವಿಂಗಡಿಸಬೇಕೆಂದು ಸೂಚಿಸಿತ್ತು. ಮಾರುಕಟ್ಟೆಗಳು ಸೇರಿ ಇತರೆ ಸಾರ್ವಜನಿಕ ಸ್ಥಳಗಳಲ್ಲಿ ಹಬ್ಬದ ಸಾಮಾನುಗಳನ್ನು ಮಾರಾಟ ಮಾಡುವ ವ್ಯಾಪಾರಿಗಳು ಏಕ ಬಳಕೆ ಪ್ಲಾಸ್ಟಿಕ್ ಬಳಸದಂತೆ ನಿಗಾವಹಿಸಲು ವಾರ್ಡ್ಗಳಲ್ಲಿ ನತ್ಯಾಜ್ಯ ಆರೋಗ್ಯ ಅಧಿಕಾರಿಗಳ, ಮಾರ್ಷಲ್ಗಳು ತಂಡ ರಚಿಸಿಕೊಂಡು ಪರಿವೀಣೆ ನಡೆಸಿ ಪ್ಲಾಸ್ಟಿಕ್ ಮಾರಾಟ, ಬಳಕೆದಾರರಿಗೆ ದಂಡ ವಿಧಿಸುವಂತೆ ಹೇಳಿತ್ತು. ಆದರೆ, ಕೆ.ಆರ್.ಮಾರುಕಟ್ಟೆ, ಯಶವಂತಪುರ, ಮಲ್ಲೇಶ್ವರ, ಬಸವನಗುಡಿ, ಮಡಿವಾಳ ಸೇರಿ ವಿವಿಧ ಮಾರುಕಟ್ಟೆಗಳಲ್ಲಿ ವ್ಯಾಪಾರಿಗಳು ತಂದಿದ್ದ ಬಾಳೆಕಂದು, ಹೂವು, ಹಣ್ಣು, ಮಾವಿನ ಸೋಪ್ಪು ರಾಶಿಯೇ ಬಿದ್ದಿದೆ.
