ಸೌಲಭ್ಯ ಕಲ್ಪಿಸಲು ಪ್ರಯತ್ನ: ಶಾಸಕ ಅಭಯ ಪಾಟೀಲ ಮಾತನಾಡಿ, ಜಾತಿ ಮೂಲಕವೇ ಸರ್ಕಾರ ಸಮುದಾಯಗಳಿಗೆ ಅನುದಾನ ಮೀಸಲಿಡುತ್ತಿದೆ. ಹೀಗಾಗಿ ಜಾತಿ ಗಣತಿಗೆ ಪ್ರಾಮುಖ್ಯತೆ ನೀಡಬೇಕು. ನಾವೇ ಗಣತಿ ಮಾಡಿ ಸರ್ಕಾರಕ್ಕೆ ಒಪ್ಪಿಸುತ್ತೇವೆ ಎಂಬ ನೇಕಾರರ ನಿರ್ಧಾರ ಸ್ವಾಗತಾರ್ಹ. ನೇಕಾರರಿಗೆ ಎಲ್ಲ ಸರ್ಕಾರಗಳು ನ್ಯಾಯ ಒದಗಿಸುವ ಕೆಲಸ ಮಾಡಬೇಕು ಎಂದರು.
ಒಕ್ಕೂಟದ ಬೆಳಗಾವಿ ಘಟಕದ ಅಧ್ಯಕ್ಷ ಗಜಾನನ ಗುಂಜೇರಿ ಮಾತನಾಡಿ, ಜಗದ ಮಾನ ಮುಚ್ಚುವ ಕಾಯಕ ನಮ್ಮದು. ಅದಕ್ಕೆ ನೇಕಾರರು ಹೆಮ್ಮೆ ಪಡಬೇಕು. ಉಳಿದ ಸಮುದಾಯಗಳ ಜಾತಿಗಣತಿಗಳಂತೆ ನೇಕಾರ ಸಮುದಾಯವೂ ಜಾತಿ ಗಣತಿಗೆ ಒತ್ತು ನೀಡಬೇಕು ಎಂದರು.
ರಾಜ್ಯ ಜವಳಿ ಮೂಲ ಸೌಲಭ್ಯ ಅಭಿವೃದ್ಧಿ ನಿಗಮದ ಮಾಜಿ ಅಧ್ಯಕ್ಷ ಗೋ. ತಿಪ್ಪೇಶ, ಪ್ರಸನ್ನಕುಮಾರ ಕುಲಗೋಡ, ಶಂಕ್ರಣ್ಣ ಮುರುಡಿ, ಸುರೇಶ ಧೋತ್ರೆ, ರವೀಂದ್ರ ಪಾಟೀಲ, ರವಿ ಲೋಲಿ, ಡಾ. ಗುರುರಾಜ ಗಾಡದ, ಮಾರುತಿ ಗರಡಿಮನಿ, ಗೋಪಾಲ ಗದಗಿನ, ಈರಣ್ಣ ಮಾಸ್ತಮರಡಿ, ಗೋಪಾಲ ಕರದಿನ, ಇತರರಿದ್ದರು.
