ಎಚ್ಸಿಜಿ ಸುಚಿರಾಯು ಆಸ್ಪತ್ರೆಯ ಇಂಟರ್ವೆನ್ಷನಲ್ ಪಲ್ಮನಾಲಜಿಸ್ಟ್ ಸಲಹೆಗಾರ ಡಾ. ಗೋವಿಂದ ದೇಸಾಯಿ ಮಾತನಾಡಿ, ಯುವಕರು ಸಾಮಾಜಿಕ ಒತ್ತಡ ಅಥವಾ ಕಾರ್ಯದೊತ್ತಡ ನಿಭಾಯಿಸಲು ಧೂಮಪಾನ ಆರಂಭಿಸುವುದು ಆತಂಕಕಾರಿ. ಏಕೆಂದರೆ ಅವರು ದೀರ್ಘಕಾಲಿಕವಾಗಿ ಅನುಭವಿಸಬೇಕಿರುವ ಸಮಸ್ಯೆಯನ್ನು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳುವುದಿಲ್ಲ. ಸಾಮಾನ್ಯ ಚಟವಾಗಿ ಪ್ರಾರಂಭವಾದದ್ದು ಶೀಘ್ರದಲ್ಲೇ ಜೀವನಪರ್ಯಂತ ಚಟವಾಗಿ ಮಾರ್ಪಾಟಾಗುತ್ತದೆ. ತಂಬಾಕು ಚಟಗಳು ಶ್ವಾಸಕೋಶ, ಗಂಟಲು, ಮೂತ್ರಕೋಶದ ಕ್ಯಾನ್ಸರ್ಗಳಿಗೆ ನೇರವಾಗಿ ಕಾರಣವಾಗುವುದು ಎಂಬುದಕ್ಕೆ ವೈಜ್ಞಾನಿಕ ಪುರಾವೆಗಳಿವೆ. ಪೋಷಕರು ಮತ್ತು ಶಿಕ್ಷಕರ ಆರಂಭಿಕ ಜಾಗೃತಿಯು ದೊಡ್ಡ ಬದಲಾವಣೆ ತರುತ್ತದೆ. ಮಕ್ಕಳು ತಮ್ಮ ಮೊದಲ ಸಿಗರೇಟ್ಗೆ ಬೆಂಕಿ ಹಚ್ಚುವ ಮೊದಲೇ ಈ ಅಪಾಯದ ಬಗ್ಗೆ ಚರ್ಚಿಸಬೇಕಿದೆ ಎಂದರು.
