ಶನಿವಾರ ನಗರವ್ಯಾಪ್ತಿಯಲ್ಲಿ ಸಂಚರಿಸಿದ ವಿದ್ಯಾರ್ಥಿಗಳು ಬೀದಿಬದಿಯ ವ್ಯಾಪಾರಿಗಳಿಗೆ ಪೇಪರ್ ಬ್ಯಾಗ್ಗಳನ್ನು ನೀಡಿ ಪ್ಲಾಸ್ಟಿಕ್ ಬ್ಯಾಗ್ಗಳನ್ನು ಬಳಸದಂತೆ ಕೋರಿದರು. ಈ ವೇಳೆ ಮಾತನಾಡಿದ ಸಂಸ್ಥೆಯ ಉಪ ಪ್ರಾಂಶುಪಾಲ ಜಗದೀಶ್, ವಿಶ್ವವನ್ನೇ ಕಾಡುತ್ತಿರುವ ಪ್ಲಾಸ್ಟಿಕ್ ಮಾಲಿನ್ಯದಿಂದ ಹೊರಬರಲು ನಾವೆಲ್ಲರೂ ಪೇಪರ್ ಬ್ಯಾಗ್ಗಳನ್ನು ಉಪಯೋಗಿಸುವ ಮೂಲಕ ಮೊದಲ ಹೆಜ್ಜೆ ಇಡಬೇಕಿದೆ. ಪ್ಲಾಸ್ಟಿಕ್ ಬ್ಯಾಗ್ಗಳ ಬಳಕೆಯಿಂದಾಗಿ ಜಾನುವಾರುಗಳು ಜೀವ ಕಳೆದುಕೊಳ್ಳುತ್ತಿದ್ದರೆ, ನಿಧಾನವಾಗಿ ವಿಷ ನಮ್ಮ ದೇಹದ ಒಡಲನ್ನು ಸೇರುತ್ತಿದೆ. ನೀರಿನಲ್ಲಿ ಜಲಚರಿಗಳು ಪ್ಲಾಸ್ಟಿಕ್ ತಿನ್ನುವ ಮೂಲಕ ಮರಣ ಹೊಂದುತ್ತಿವೆ. ಇದೆಲ್ಲಕ್ಕೂ ಪರಿಹಾರವೆಂದರೆ ಪರಿಸರ ಸ್ನೇಹಿ ಪೇಪರ್ ಬ್ಯಾಗ್ಗಳನ್ನು ಉಪಯೋಗಿಸುವುದಾಗಿದೆ ಮತ್ತು ಪ್ಲಾಸ್ಟಿಕ್ ಬಳಕೆಯನ್ನು ನಿಲ್ಲಿಸಬೇಕಿದೆ. 1852ರಲ್ಲಿ ಫ್ರಾನ್ಸಿಸ್ ವೋಲೇ ಪೇಪರ್ ಬ್ಯಾಗ್ಗಳ ತಯಾರಿಕಾ ಯಂತ್ರ ಕಂಡುಹಿಡಿದನು. ಆದರೆ, ಪ್ಲಾಸ್ಟಿಕ್ಬಳಕೆಯ ಅವಾಂತರಗಳ ಪರಿಣಾಮಗಳನ್ನು ನಾವು ಇದೀಗ ಅನುಭವಿಸುತಿದ್ದು, ಇನ್ನು ಮುಂದಾದರೂ ಪ್ಲಾಸ್ಟಿಕ್ ಬಳಕೆ ಸಂಪೂರ್ಣವಾಗಿ ನಿಲ್ಲಬೇಕಿದೆ ಎಂದರು.
