ಬೆಂಗಳೂರು ಮೈಸೂರು ಹೆದ್ದಾರಿಯಿಂದ 10 ಕಿಲೋ ಮೀಟರ್ ದೂರದಲ್ಲಿ ಕಣ್ವ ಜಲಾಶಯ ಹಾಗೂ ವಾಗಡಿ ಸಮೀಪವಿರುವ ಮಂಚನಬೆಲೆ ಜಲಾಶಯಗಳಲ್ಲಿ ಸೈಲ್ ಬೋಟ್ ರೈಡ್, ಸ್ಪೀಡ್ ಬೋಟ್, ರೈಡ್ ಆನ್ ಓವರ್ ಕ್ರಾಫ್ಟ್, ಬಂಪರ್ ಬೋಟ್ ರೈಡ್, ಬನಾನ ರೈಡ್ ಕ್ರಾಫ್ಟ್, ಜೆಟ್ ಸ್ಕೀ ರೈಡ್, ಸ್ಟಾಂಡ್ ಆಫ್ ಸರ್ಫಿಂಗ್ ರೈಡ್, ಕಯಾಕಿಂಗ್, ಪ್ಯಾರಾ ಮೋಟರಿಂಗ್, ಮುಂತಾದ ಜಲಸಾಹಸ ಚಟುಚಟಿಕೆಗಳು ಹಾಗೂ ಮನರಂಜನಾ ಚಟುವಟಿಕೆಗಳು ಆಯೋಜಿಸುವುದರಿಂದ ಜಿಲ್ಲೆಯ ಪ್ರ್ರವಾಸೋದ್ಯಮಕ್ಕೆ ಲಾಭದಾಯಕವಾಗುತ್ತದೆ. ಆದ್ದರಿಂದ ಜಲಸಾಹಸ ಚಟುವಟಿಕೆಗಳನ್ನು ಕೈಗೊಳ್ಳಲು ಕ್ರಮವಹಿಸುವಂತೆ ಪ್ರವಾಸೋದ್ಯಮ ಇಲಾಖೆಯ ಸಹಾಯಕ ನಿರ್ದೇಶಕರಿಗೆ ತಿಳಿಸಿದರು.
ರಾಮನಗರ ತಾಲೂಕಿನಲ್ಲಿ ಅಚ್ಚಲು ಬೆಟ್ಟದಲ್ಲಿ ಹ್ಯಾಂಡ್ ರೈಲಿಂಗ್, ಹಾರೋಹಳ್ಳಿ ಚಾಮುಂಡೇಶ್ವರಿ ಬೆಟ್ಟದ ಬಳಿ ಸೋಲಾರ್ ಲೈಟ್ ಡ್ರೈನೆಜ್ ರಂಗರಾಯನದೊಡ್ಡಿಕೆರೆಯ ಪರಿಮಿತಿಯಲ್ಲಿ ಹ್ಯಾಂಡ್ ರೈಲ್, ಸೋಲಾರ್ ಲೈಟ್ ಆರ್ನೋಮೆಂಟ್ಗ್ರೀಲ್ ವರ್ಕ್ ಬೋಟಿಂಗ್, ಶ್ರೀ ರೇವಣ ಸಿದ್ದೇಶ್ವರ ಬೆಟ್ಟದಲ್ಲಿ ಸೋಲಾರ್ ಲೈಟ್, ಲಿಫ್ಟ್ ಹಾಗೂ ಹ್ಯಾಂಡ್ ರೈಲ್, ರಸ್ತೆ ಅಭಿವೃದ್ಧಿ ಮತ್ತು ಮೂಲಭೂತ ಸೌಕರ್ಯಗಳಿಗೆ ಆಡಳಿತಾತ್ಮಕ ಮಂಜೂರಾತಿ ನೀಡಲಾಗಿದ್ದು, ಅನುದಾನ ಬಿಡುಗಡೆ ಆದ ನಂತರ ಕಾಮಗಾರಿಗಳನ್ನು ಪ್ರಾರಂಭಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಹೇಳಿದರು.
