ಸದಸ್ಯರ ಸಂಖ್ಯೆ ತಗ್ಗಿಸುವ ಹುನ್ನಾರ : ರಾಬಕೊವಿ ಒಕ್ಕೂಟದಲ್ಲಿ ಬಳ್ಳಾರಿಯಿಂದ ವಿಜಯನಗರ ಜಿಲ್ಲೆಯಾಗಿ ವಿಭಜನೆಯಾಗುವುದಕ್ಕಿಂತ ಮುನ್ನ ಬಳ್ಳಾರಿ, ಕೊಪ್ಪಳ, ರಾಯಚೂರು ಹಾಗೂ ನಾಮ ನಿರ್ದೇಶಿತ ಸೇರಿ ತಲಾ ನಾಲ್ವರು ಸೇರಿ ಒಟ್ಟು 16 ಜನ ನಿದೇಶಕರನ್ನು ಆಯ್ಕೆ ಮಾಡಲಾಗಿತ್ತು. ಆದರೆ, ವಿಜಯನಗರ ಜಿಲ್ಲೆಯಾದ ಬಳಿಕ ನಡೆದ ಕೊನೆಯ ಒಕ್ಕೂಟ ಸಭೆಯಲ್ಲಿ ವಿಜಯನಗರ ಆರು, ಕೊಪ್ಪಳ ಐದು, ರಾಯಚೂರು ಎರಡು, ಬಳ್ಳಾರಿ ಒಂದು ಹಾಗೂ ನಾಲ್ವರು ನಾಮನಿರ್ದೇಶಿತ ಸೇರಿ ಒಟ್ಟು 18 ನಿರ್ದೇಶಕರನ್ನು ಆಯ್ಕೆ ಮಾಡಿ ಒಕ್ಕೂಟದ ಜಂಟಿ ನಿಬಂಧಕರಿಗೆ ಪ್ರಸ್ತಾವನೆ ಸಲ್ಲಿಸಲಾಗಿತ್ತು. ಜಂಟಿ ನಿಬಂಧಕರನ್ನು ಈ ಪ್ರಸ್ತಾವನೆ ನಿರಾಕರಿಸಿ ಜಿಲ್ಲೆಯಿಂದ ಸಮನಾಗಿ ನಿರ್ದೇಶಕರನ್ನು ಆಯ್ಕೆ ಮಾಡಿ ಎಂಬುದಾಗಿ ಆದೇಶಿಸಿದ್ದರು. ಒಕ್ಕೂಟದ ನಿರ್ದೇಶಕ ಸಂಖ್ಯೆ ಗೊಂದಲದಿಂದ ಹೈಕೋರ್ಟ್ ನಲ್ಲಿ ತಡೆಯಾಜ್ಞೆ ತರಲಾಗಿದೆ. ಒಟ್ಟಾರೆ, ಜಿಲ್ಲೆಯಿಂದ ನಿರ್ದೇಶಕರ ಸಂಖ್ಯೆ ತಗ್ಗಿಸಿ ಮೆಗಾಡೈರಿಯನ್ನು ಬೇರೆಡೆ ಸ್ಥಳಾಂತರಿಸಲು ಹುನ್ನಾರ ನಡೆದಿದೆ ಎಂಬುದು ಮಾತ್ರ ಬಹಿರಂಗವಾಗಿದೆ.
