ಬಿಎಲ್ಡಿಇ ರಸ್ತೆಯ ಸುಮತಿ ನಗರದ ಉದ್ಯಮಿ ಮನೀಷ್ ಮಾನಿಕಚಂದ್ ಪಾರೇಖ್ ಎಂಬುವರು ಮಹಾಲ್ ಬಾಗಾಯತ್ ರಿಸನಂ.727/ಕ, ಪ್ಲಾಟ್ ನಂ. 37ರಲ್ಲಿ 1453 ಚದರ ಅಡಿ ಜಮೀನು ಹೊಂದಿದ್ದಾರೆ. ಆರೋಪಿತ ಹಮೀದಾ ಹಾಜಿಸಾಬ ಹೊಂಚಾಳ ಹಾಗೂ ಆರೋಪಿತರು ಕೂಡಿಕೊಂಡು ಮಹಾನಗರ ಪಾಲಿಕೆ ನೀಡುವ ನಮೂನೆ ನಂ. 2(ನಿಯಮ 20) ಪಡೆದು ಪ್ಲಾಟ್ಗೆ ಸಂಬಂಧಿಸಿದ ಪಿಐಡಿ: 110868 ನಂಬರ್ನ ಖೊಟ್ಟಿ ದಾಖಲೆ ಸೃಷ್ಠಿಸಿ, ಜಮೀನು ಮಾರಾಟ ಮಾಡಲು ಹೊಂಚು ಹಾಕಿ, ಉಪ ನೋಂದಣಿ ಇಲಾಖೆಗೆ ತೆರಳಿದ್ದಾರೆ. ಅಲ್ಲಿ ಝರಾಕ್ಸ್ ಪ್ರತಿ ನೀಡಿದ್ದು, ಅದನ್ನಾಧರಿಸಿ ಉಪ ನೋಂದಣಾಧಿಕಾರಿ ಸಂಬಂಧಿಸಿದವರಿಗೆ ಕರೆ ಮಾಡಿ ಪರಿಶೀಲಿಸಲಾಗಿ ಇದೊಂದು ಖೊಟ್ಟಿ ದಾಖಲೆ ಎಂಬುದು ಗಮನಕ್ಕೆ ಬಂದಿದೆ.
