ಪ್ರೀತಿ ಹೆಸರಲ್ಲಿ ಅಸ್ಸಾಂ ಮಹಿಳೆಗೆ ವಂಚನೆ

ಬಂಗಾರಪೇಟೆ: ಮೂರು ವರ್ಷಗಳ ಹಿಂದೆ ಆನ್​ಲೈನ್​ ಗೇಮ್​ನಿಂದ ಪರಿಚಯವಾದ ಅಸ್ಸಾಂ ಮೂಲದ ವಿವಾಹಿತ ಮಹಿಳೆ ಮತ್ತು ಬಂಗಾರಪೇಟೆಯ ಯುವಕನ ನಡುವಿನ ಪ್ರೇಮ ಪ್ರಕರಣವೀಗ ಠಾಣೆ ಮೆಟ್ಟಿಲೇರಿದೆ. ಪತಿ ಮತ್ತು ಪುತ್ರನನ್ನು ಬಿಟ್ಟು ಬಂಗಾರಪೇಟೆಗೆ ಬಂದ ಮಹಿಳೆ ಯುವಕನೊಂದಿಗೆ ಸಹಜೀವನ ನಡೆಸಿದ್ದರು. ಈ ವೇಳೆ 12 ಲಕ್ಷ ರೂ. ಪಡೆದು, ಮದುವೆ ಆಗದೆ, ಖಾಸಗಿ ಕ್ಷಣಗಳ ವಿಡಿಯೋ ಇಟ್ಟುಕೊಂಡು ಬೆದರಿಕೆ ಹಾಕುತ್ತಿರುವುದಾಗಿ ಪ್ರೇಮಿಯ ವಿರುದ್ಧ ಪ್ರೇಯಸಿ ಬುಧವಾರ ದೂರು ದಾಖಲಿಸಿದ್ದಾಳೆ.

ಅಸ್ಸಾಂನ ಸೋನಿಯಾಶರ್ಮ (32) ವಂಚನೆಗೊಳಗಾದ ಮಹಿಳೆ, ಆರೋಪಿ ಜಮೀರ್​ ಪಾಷಾ (26), ಇವನ ತಾಯಿ ಸಹಜಾನ್​ ಬೇಗಂ (55)ನನ್ನು ಬಂಧಿಸಲಾಗಿದೆ.

ಏನಿದು ಟನೆ:ಅಸ್ಸಾಂ ಮೂಲದ ಸೋನಿಯಾ ಶರ್ಮಾ ಶಿಕ್ಷಕಿಯಾಗಿದ್ದು, 2022ರಲ್ಲಿ ಆನ್​ಲೈನ್​ ಗೇಮ್​ ಆಡುವಾಗ ಬಂಗಾರಪೇಟೆಯ ಜಮೀರ್​ ಪಾಷಾ ಪರಿಚಯವಾಗಿದ್ದಾನೆ. ಮೊಬೈಲ್​ ಅಂಗಡಿ ಇಟ್ಟುಕೊಂಡು ತಾಯಿಯೊಂದಿಗೆ ಜೀವನ ನಡೆಸುತ್ತಿದ್ದ. ಯುವಕನ ಜತೆಗೆ ಚಾಟಿಂಗ್​ ನಡೆದು, ೋನ್​ ನಂಬರ್​ ಬದಲಾಯಿಸಿಕೊಂಡು, ಇಬ್ಬರು 3 ವರ್ಷಗಳಿಂದ ಇಷ್ಟಪಡುತ್ತಿದ್ದರು. ಇದೇ ಸಲುಗೆಯಿಂದ ಇಬ್ಬರೂ ಭೇಟಿ ಮಾಡುವುದನ್ನು ಆರಂಭಿಸಿದ್ದು, ಜುಲೈನಲ್ಲೇ ಬಂದ ಆಕೆ ಬಂಗಾರಪೇಟೆಯಲ್ಲಿ ಯುವಕನೊಂದಿಗೆ ಸಹಜೀವನ ನಡೆಸಿದ್ದರು. ಪ್ರಿಯಕರನಿಗೆ ಸುಮಾರು 12 ಲ ರೂ. ಸೋನಿಯಾ ನೀಡಿದ್ದು, ಮದುವೆಯಾಗುವುದಾಗಿ ಜಮೀರ್​ ಪಾಷಾ ಮಾತು ಕೊಟ್ಟಿದ್ದ. ಇದರ ಮಧ್ಯೆ ಇಬ್ಬರ ನಡುವಿನ ಖಾಸಗಿ ವಿಡಿಯೋಗಳನ್ನು ಜಮೀರ್​ ಪಾಷ ಮೊಬೈಲ್​ನಲ್ಲಿ ಸೆರೆ ಹಿಡಿದುಕೊಂಡಿದ್ದಾನೆ ಎನ್ನಲಾಗಿದೆ.

ಮಹಿಳೆಗೆ ಮದುವೆಯಾಗುತ್ತೇನೆಂದು ಹೇಳುತ್ತಲೇ ಅತ್ತ ಬೇರೊಬ್ಬಳ ಜತೆಗೂ ಮಾತಾಡ್ತಾ ಇದ್ದುದ್ದನ್ನು ಗಮನಿಸಿದ ಸೋನಿಯಾ ಶರ್ಮಾ, ನಿನ್ನ ಸಹವಾಸ ಬೇಡ ನನ್ನ 12 ಲ ರೂ. ಕೊಡು ಎಂದಾಗ ಇಬ್ಬರ ಮಧ್ಯೆ ಜಗಳ ಶುರುವಾಗಿ, ಹೊಡೆದಾಡಿದ್ದಾರೆ. ಕೊನೆಗೆ ದುಡ್ಡು ಸಹ ಬೇಡವೆಂದು ಜಮೀರ್​ ಪಾಷಾನನ್ನ ಬಿಟ್ಟು ಸೋನಿಯಾ ಶರ್ಮಾ ಬೆಂಗಳೂರಿಗೆ ಹೋಗಿದ್ದಾಳೆ. ಆದರೆ, ಮತ್ತೆ ಮನವೊಲಿಸಿ ಮನೆಗೆ ಕರೆತಂದ ಜಮೀರ್​ ಪಾಷಾ, ಮಹಿಳೆ ಮೇಲೆ ಹಲ್ಲೆ ನಡೆಸಿ ಕೂಡಿ ಹಾಕಿದ್ದಾನೆ.

ಇದರಿಂದ ರೋಸಿಹೋದ ಸೋನಿಯಾ ಶರ್ಮಾ ಬುಧವಾರ ಪ್ರಿಯಕರನ ಬಂಧನದಿಂದ ತಪ್ಪಿಸಿಕೊಂಡು ನೇರ ಬಂಗಾರಪೇಟೆ ಪೊಲೀಸ್​ ಠಾಣೆಗೆ ಬಂದು ಜಮೀರ್​ ಪಾಷಾ ಮತ್ತು ಅವನ ತಾಯಿಯ ವಿರುದ್ಧ ಪ್ರಕರಣ ದಾಖಲಿಸಿದ್ದಾಳೆ. ಜಮೀರ್​ಪಾಷಾ ವಿರುದ್ಧ ಅತ್ಯಾಚಾರ, ಅಕ್ರಮಕೂಟ, ಪ್ರಾಣಬೆದರಿಕೆ ಹಾಗೂ ವಂಚನೆ ಪ್ರಕರಣ ದಾಖಲಿಸಲಾಗಿದೆ. ಮಗನಿಗೆ ಸಹಕರಿಸಿದ ತಾಯಿ ವಿರುದ್ಧವೂ ದೂರು ದಾಖಲಿಸಿ ತಾಯಿ, ಮಗನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಲಾಗಿದೆ. ಇನ್ನು ಸೋನಿಯಾ ಶರ್ಮಾಗೆ ಈಗಾಗಲೇ ಮದುವೆಯಾಗಿದ್ದು, ಗಂಡನಿಂದ ದೂರವಿದ್ದು, 11 ವರ್ಷದ ಮಗಳಿದ್ದಾಳೆ.