ಕಲೆಗಳು ಸಂಸ್ಕಾರ ಬೋಧಿಸುವ ಮಾಧ್ಯಮ

ಭಾರತೀಯ ಪರಂಪರೆಯಲ್ಲಿ ಕಲೆಗಳು ಕೇವಲ ಮನೋರಂಜನೆಯ ಪ್ರತೀಕವಾಗಿರದೆ ಸಮಾಜಕ್ಕೆ ಸಂಸ್ಕಾರ ಬೋಧಿಸುವ ಮಾಧ್ಯಮವಾಗಿ ಬೆಳೆದುಬಂದಿದೆ ಎಂದು ಶೃಂಗೇರಿ ದಕ್ಷಿಣಾಮ್ನಾಯ ಶ್ರೀ ಶಾರದಾ ಪೀಠಾಧೀಶ ಶ್ರೀ ವಿಧುಶೇಖರ ಭಾರತಿ ಸ್ವಾಮೀಜಿ ಆಶೀರ್ವಚನ ನೀಡಿದರು.

ಸಿರಿಬಾಗಿಲು ವೆಂಕಪ್ಪಯ್ಯ ಸಾಂಸತಿಕ ಪ್ರತಿಷ್ಠಾನ ವತಿಯಿಂದ ಎನ್​.ಎಂ.ಪಿ.ಎ. ಮಂಗಳೂರು ನೀಡಿದ 15 ಲಕ್ಷ ರೂ.ಗಳ ಸಿಎಸ್​ಆರ್​ ಫಂಡ್​ ಮೂಲಕ ನಿರ್ಮಿಸಿದ ಬ್ರಹ್ಮೆಕ್ಯ ಶ್ರೀ ಕೇಶವಾನಂದ ಭಾರತೀ ಯಕ್ಷಗಾನ ಪರ್ಫಾರ್ಮೆನ್ಸ್​ ಹಾಲ್​ ಲೋಕಾರ್ಪಣೆಗೊಳಿಸಿ ಮಾತನಾಡಿದರು.

ಬ್ರಹ್ಮಶ್ರೀ ಇರುವೈಲು ಕೃಷ್ಣದಾಸ ತಂತ್ರಿ, ಯೋಗೀಶ ಅಡಿಗ ಮತ್ತು ಬಳಗ, ಮಂಗಳೂರು ಎನ್​ಎಂಪಿಐ ಸಿಬ್ಬಂದಿ ವಿನಯರಾಜ ಶೆಟ್ಟಿ, ಮಧೂರು ಗ್ರಾಪಂ ಅಧ್ಯಕ್ಷೆ ಸುಜ್ಞಾನಿ ಶಾನುಭಾಗ್​, ಎ.ಶ್ರೀನಾಥ ಕಾಸರಗೋಡು, ಶೀನ ಶೆಟ್ಟಿ ಕಜೆ, ಜಯಾನಂದ ಕುಮಾರ್​ ಹೊಸದುರ್ಗ, ರವೀಂದ್ರ ರೈ ಸಿರಿಬಾಗಿಲು, ಶ್ಯಾಮ್​ ಕುಂಚಿನಡ್ಕ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಕಾರ್ಯಕರ್ತರು, ವಿವಿಧ ಭಜನಾ ಸಂಘಗಳ ಪದಾಧಿಕಾರಿಗಳು, ದಿ.ಸಿರಿಬಾಗಿಲು ವೆಂಕಪ್ಪಯ್ಯನವರ ಮನೆಯ ಸದಸ್ಯರು ಊರ ಪರವೂರು ಗಣ್ಯರು ಉಪಸ್ಥಿತರಿದ್ದರು.

ರಾಮಕೃಷ್ಣ ಮಯ್ಯ ಸಿರಿಬಾಗಿಲು ಸ್ವಾಗತಿಸಿದರು. ರಾಜ ರಾಮರಾವ್​ ಮೀಯಪದವು ವಂದಿಸಿದರು. ದಾಮೋದರ್​ ಶರ್ಮ ಬಾರ್ಕೂರು ಕಾರ್ಯಕ್ರಮ ನಿರೂಪಿಸಿದರು.