21 ಅಡಿ ಎತ್ತರದ ಶ್ರೀರಾಮ ದೇವರ ವಿಗ್ರಹವೂ ಕ್ಷೇತ್ರಕ್ಕೆ ಬರಲಿದ್ದು, ಏ.3ರಿಂದ 7ರ ತನಕ ನಡೆಯುವ ಶ್ರೀರಾಮನವಮಿಯಂದು ಭಕ್ತರ ಸಹಕಾರದಿಂದ ಎರಡೂ ವಿಗ್ರಹ ಪ್ರತಿಷ್ಠಾಪಿಸಲಾಗುವುದು. ಬಾರ್ಕೂರು ಅರಮನೆ ದೇವರಾದ ಪದ್ಮಾವತಿ ಅಮ್ಮನವರು ಜೈನರ ಅಧೀನದ ಈ ಕ್ಷೇತ್ರದಲ್ಲಿ ನೆಲೆಸಿದ್ದು, ಪ್ರತಿದಿನ ನೂರಾರು ಸಂಖ್ಯೆಯ ಭಕ್ತರು ಇಲ್ಲಿ ಆಗಮಿಸುತ್ತಾರೆ. ಮಧ್ಯಾಹ್ನ ಅನ್ನಪ್ರಸಾದ ಸೇವೆ, ಮದುವೆ ಇತರೆ ಶುಭಕಾರ್ಯಕ್ಕೆ ಇಲ್ಲಿರುವ ಕಲ್ಯಾಣ ಮಂಟಪ ಹಾಗೂ ಯಾತ್ರಾರ್ಥಿಗಳಿಗೆ ವಸತಿಗೃಹ ಉಚಿತವಾಗಿದ್ದು, ಅನೇಕ ಸಮಾಜಮುಖಿ ಕಾರ್ಯ ದೇವಳ ವತಿಯಿಂದ ಮಾಡಲಾಗುತ್ತದೆ. ಕ್ಷೇತ್ರದ ವತಿಯಿಂದ ಬೆಳಕಿನ ಸೇವೆಯಾಗಿ ಯಕ್ಷಗಾನ ಬಯಲಾಟವೂ ನಡೆಯುತ್ತಿದೆ ಎಂದು ಕ್ಷೇತ್ರದ ಆಡಳಿತ ಧರ್ಮದರ್ಶಿ ಧರ್ಮರಾಜ್ ಜೈನ್ ಹೇಳಿದರು.
