ವಿಜಯವಾಣಿ ಸುದ್ದಿಜಾಲ ಧಾರವಾಡ
ಮಾದಕ ವಸ್ತುಗಳ ಮಾರಾಟ ಮಾಡುತ್ತಿದ್ದ 11 ಜನರನ್ನು ವಿದ್ಯಾಗಿರಿ ಠಾಣೆ ಪೊಲೀಸರು ಭಾನುವಾರ ಬಂಧಿಸಿದ್ದಾರೆ.
ಜನ್ನತನಗರ ಇರಾನಿ ಕಾಲನಿಯ ಮಹಮ್ಮದ ಫೈರೋಜ್ ಇರಾನಿ, ಜಾಫರ ರಾಜಾಹುಸೇನ ಇರಾನಿ, ಬಾಬಾಹುಸೇನ ರಾಜಾಹುಸೇನ ಇರಾನಿ, ಜನ್ನತನಗರದ ದಾದಾಪೀರ ಹಂಚಿನಮನಿ, ಬಾಬಾಜಾನ ಮೆಹೆಬೂಬಸಾಬ ಸಂಶಿ, ಪಂಚು ಜೀವನಸಾಬ ಅತ್ತಾರ, ಆಸೀಫ ಮಹಮ್ಮದಗೌಸ್ ಬೆಟಗೇರಿ, ಸಜ್ಜಾದ ಅಕ್ತರ ಸಯ್ಯದ, ಚಪ್ಪರಬಂದ ಕಾಲನಿಯ ಸಲ್ಮಾನ ಫೈರೋಜ್ ಕಾಕರ್, ಶಿವಾನಂದ ನಗರದ ಅಬುಜರ ಶೀರಾಜಿ ಬಾಗರ, ಇಟ್ಟಿಗಟ್ಟಿ ಗ್ರಾಮದ ಪರಮೇಶ್ವರ ರೇವಡಿಹಾಳ ಬಂಧಿತ ವ್ಯಕ್ತಿಗಳು.
ಬಂಧಿತರಿಂದ 1.39 ಕೆಜಿ ಗಾಂಜಾ, 4 ಮೋಬೈಲ್ ಸೇರಿ ಒಟ್ಟು 1.50 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
