ಚಿಂಕಾರ ವನ್ಯಜಿವಿಧಾಮ ವ್ಯಾಪ್ತಿಯ ಜಾನಕಲ್ ಗ್ರಾಮದಲ್ಲಿ ಕಾಡು ಹಂದಿ ಬೇಟೆಯಾಡಿ ಮಾಂಸ ಮಾರಾಟ ಮಾಡುತ್ತಿರುವ ಬಗ್ಗೆ ಅರಣ್ಯ ಇಲಾಖೆ ಮಾಹಿತಿ ಲಭ್ಯವಾಗಿತ್ತು. ಅಂತೆಯೇ, ಬುಧವಾರ ಹಂದಿ ಬೇಟೆಯಾಡಿರುವ ಮಾಹಿತಿ ಪಡೆದ ಇಲಾಖೆ ತಿಪಟೂರು ಉಪವಿಭಾಗದ ಸಹಾಯಕ ಅರಣ್ಯ ಸಂರಣಾಧಿಕಾರಿ ಭರತ್ ತಳವಾರ್ ಮಾರ್ಗದರ್ಶನದಲ್ಲಿ ಬುಕ್ಕಾಪಟ್ಟಣ ಅರಣ್ಯ ವಲಯದ ವಲಯ ಅಧಿಕಾರಿ ಆರ್.ಚಂದನ್ ನೇತೃತ್ವದಲ್ಲಿ ದಾಳಿ ಮಾಡಿ ಆರೋಪಿಗಳನ್ನು ಬಂಧಿಸಲಾಗಿದೆ. ಆರೋಪಿಗಳಿಂದ ವಿದ್ಯುತ್ ತಂತಿ, ಚೂರಿ, ಚಾಕು ಮೊಬೈಲ್, ಮರದ ತುಂಡು ಹಾಗೂ ಐದು ಬೈಕ್ ವಶಪಡಿಸಿಕೊಳ್ಳಲಾಗಿದೆ. ಅರಣ್ಯ ಪಾಲಕರಾದ ರೇವಣಸಿದ್ದಪ್ಪ ಎಸ್. ಕಾಳಗಿ, ಸುರೇಶ್, ಹರೀಶ್ ಹಾಗೂ ಸಿಬ್ಬಂದಿ ಹರೀಶ್, ಪ್ರಭಾಕರ್, ನಾಗರಾಜು, ರಾಮಣ್ಣ ಕಾರ್ಯಾಚರಣೆಯಲ್ಲಿ ಇದ್ದರು.
