ಅರಿಹಂತ ಸೌಹಾರ್ದ ಸಹಕಾರಿ ಮಾದರಿ

ಹುಕ್ಕೇರಿ: ತಾಲೂಕಿನ ಹುಲ್ಲೋಳಿ ಗ್ರಾಮದ ಅರಿಹಂತ ಸೌಹಾರ್ದ ಸಹಕಾರ ಸಂಘ ಹೆಮ್ಮರವಾಗಿ ಬೆಳೆದು ಸಮಾಜಮುಖಿಯಾಗಿ ಕಾರ್ಯ ನಿರ್ವಹಿಸುತ್ತಿರುವುದು ಶ್ಲಾಘನೀಯ ಎಂದು ಚಿಕ್ಕೋಡಿ ಚರಮೂರ್ತಿ ಮಠದ ಸಂಪಾದನಾ ಸ್ವಾಮೀಜಿ ಹೇಳಿದರು.

ಹುಲ್ಲೋಳಿ ಗ್ರಾಮದ ಪ್ರಧಾನ ಕಾರ್ಯಾಲಯದಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ೨೬ನೇ ವಾರ್ಷಿಕ ಸರ್ವ ಸಾಧಾರಣ ಸಭೆಯಲ್ಲಿ ಮಾತನಾಡಿ, ಗ್ರಾಮೀಣ ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣದ ಜತೆಗೆ ಹಳ್ಳಿಗರಿಗೆ ನೀರು ಕಡಿಮೆ ದರದಲ್ಲಿ ಶುದ್ಧ ಕುಡಿಯುವ ಪೂರೈಸುತ್ತಿರುವ ಸಂಘದ ಕಾರ್ಯ ಮಾದರಿ ಎಂದರು.

ಸಂಘದ ಅಧ್ಯಕ್ಷ ಭರಮಪ್ಪ ಚೌಗಲಾ, ಹಿರಿಯ ನಿರ್ದೇಶಕರಾದ ಜಿನಪ್ಪ ಸಪ್ತಸಾಗರ, ಪಿ.ಆರ್.ಚೌಗಲಾ ಮಾತನಾಡಿ, ಸಹಕಾರ ಸಂಘ ಇದೀಗ ೫.೭೨ ಕೋಟಿ ರೂ. ನಿವ್ವಳ ಲಾಭ ಗಳಿಸಿದ್ದು, ಸಾಧನೆಗೆ ಆಡಳಿತ ಮಂಡಳಿ ಮತ್ತು ಸಿಬ್ಬಂದಿ, ಸದಸ್ಯರು ಹಾಗೂ ಗ್ರಾಹಕರ ಕಾರಣ ಎಂದರು.

ಸಂಘದ ಪ್ರಧಾನ ವ್ಯವಸ್ಥಾಪಕ ಆನಂದ ಚೌಗಲಾ ಮತ್ತು ಆಂತರಿಕ ಲೆಕ್ಕಪರಿಶೋಧಕ ಮಹಾವೀರ ಚೌಗಲಾ ವಾರ್ಷಿಕ ವರದಿ ಓದಿ, ಸಂಘ ೧೮,೪೩೦ ಸದಸ್ಯರು, ೨೯೬.೬೩ ಕೋಟಿ ರೂ. ಠೇವಣಿ, ೩೨೭.೮೨ ಕೋಟಿ ರೂ. ದುಡಿಯುವ ಬಂಡವಾಳ ಹೊಂದಿ, ೨೧೪.೯ ಕೋಟಿ ರೂ. ಸಾಲ ವಿತರಿಸಿದೆ. ಸಂಘ ಪ್ರಧಾನ ಕಚೇರಿ ಸೇರಿ ೧೩ ಶಾಖೆಗಳಿದ್ದು, ಹೆಚ್ಚಿಸುವ ಚಿಂತನೆಯಿದೆ ಎಂದರು.

ದರೂರ ಶಾಖೆಯ ಸುರೇಶ ಮಾಯನ್ನವರ ಮಾತನಾಡಿದರು. ಪ್ರತಿಭಾವಂತ ಮಕ್ಕಳು, ಗಣ್ಯರನ್ನು ಸತ್ಕರಿಸಲಾಯಿತು.

ಉಪಾಧ್ಯಕ್ಷ ಬಾಹುಬಲಿ ನಾಗನೂರಿ, ನಿರ್ದೇಶಕರಾದ ರಾಮಪ್ಪ ಗೋಟೂರಿ, ಅಶೋಕ ಚೌಗಲಾ, ಬಾಬು ಅಕ್ಕಿವಾಟೆ, ಶ್ರುತಿ ಪಾಟೀಲ, ಸುಮತಿ ಚೌಗಲಾ, ಮಾಯಪ್ಪ ಹೊಳೆಪ್ಪಗೋಳ, ಬಸವರಾಜ ಪಾಟೀಲ, ಬಾಳಪ್ಪ ಸಂಕೇಶ್ವರಿ, ಅರುಣ ಚೌಗಲಾ, ಶಾಖಾ ವ್ಯವಸ್ಥಾಪಕ ಅಜಿತ ಚೌಗಲಾ, ಹಿರಿಯ ನಿರ್ದೇಶಕ ರವೀಂದ್ರ ಚೌಗಲಾ, ಜಯಪಾಲ ಚೌಗಲಾ, ಪ್ರಕಾಶ ಚೌಗಲಾ ಇತರರಿದ್ದರು.