ದಕ್ಷಿಣ ಕೊರಿಯಾ, ಸಿಂಗಾಪುರ, ಮಲೇಷ್ಯಾ, ಥಾಯ್ಲೆಂಡ್, ಕಾಂಬೋಡಿಯಾದ ಕಡಿಮೆ ಗುಣಮಟ್ಟದ ಕಾಡುತ್ಪತ್ತಿ ಸಹಿತ ಅಡಕೆ ಯಥೇಚ್ಛ ಪ್ರಮಾಣದಲ್ಲಿ ಮಯನ್ಮಾರ್, ಬಾಂಗ್ಲಾದೇಶ, ನೇಪಾಳ, ಶ್ರೀಲಂಕಾ ಮೂಲಕ ಭಾರತ ಪ್ರವೇಶಿಸುತ್ತಿರುವುದರಿಂದ ಇಲ್ಲಿನ ಗುಣಮಟ್ಟದ ಅಡಕೆ ಬೇಡಿಕೆ ಕಳೆದುಕೊಂಡಿತ್ತು. ಆಸಿಯಾನ್ ಸಹಿತ ವಿವಿಧ ಒಪ್ಪಂದಗಳನ್ನು ಮುಂದಿಟ್ಟು ಹಲವು ರಾಷ್ಟ್ರಗಳು ಭಾರತಕ್ಕೆ ಕಳಪೆ ವಸ್ತುಗಳನ್ನು ರಫ್ತು ಮಾಡುತ್ತಿದ್ದು, ಇದರಲ್ಲಿ ದೊಡ್ಡ ಪ್ರಮಾಣದಲ್ಲಿ ಅಡಕೆಯೂ ಸೇರಿದೆ. ಕಠಿಣ ನಿಯಮಗಳ ಮೂಲಕ ದೇಶೀಯ ಉತ್ಪನ್ನಗಳಿಗೆ ಹೆಚ್ಚಿನ ಬೇಡಿಕೆ, ಮಾರುಕಟ್ಟೆ ಹಾಗೂ ಉತ್ಪಾದನೆಗಾಗಿ ಆತ್ಮನಿರ್ಭರ ಸಂಕಲ್ಪದೊಂದಿಗೆ ಹೊಸ ನೀತಿ ಜಾರಿಗೆ ಕೇಂದ್ರ ಪಣತೊಟ್ಟಿದೆ.
