ಬೆಂಗಳೂರು ಗ್ರಾಮಾಂತರ ಜಿಲ್ಲೆ ರಾಜ್ಯ ರಾಜಧಾನಿ ಬೆಂಗಳೂರಿನ ಗಡಿ ಹಂಚಿಕೊಂಡಿರುವುದು ವರವೋ ಅಥವಾ ಶಾಪವೋ ಎಂಬಂಥ ಚರ್ಚೆಗಳಿಗೆ ಭೂಸ್ವಾಧೀನ ಪ್ರಕ್ರಿಯೆ ದಾರಿಮಾಡಿಕೊಟ್ಟಿದೆ. ನೆಲಮಂಗಲದಲ್ಲಿ ಏರ್ಪೋರ್ಟ್, ಹೊಸಕೋಟೆಯಲ್ಲಿ ಟೌನ್ಶ್ಿ ಹಾಗೂ ದೇವನಹಳ್ಳಿಯಲ್ಲಿ ಕೈಗಾರಿಕಾ ವಲಯದ ಕಾರಣ ಆರಂಭವಾಗಿರುವ ಭೂಸ್ವಾಧೀನ ಪ್ರಕ್ರಿಯೆ ರೈತಾಪಿ ಜನರ ಆಕ್ರೋಶಕ್ಕೆ ಕಾರಣವಾಗಿದ್ದು, ಈ ಮೂರು ಕ್ಷೇತ್ರಗಳನ್ನು ಪ್ರತಿನಿಧಿಸುತ್ತಿರುವ ಕಾಂಗ್ರೆಸ್ ಶಾಸಕರಿಗೆ ಬಿಸಿತುಪ್ಪವಾಗಿ ಪರಿಣಮಿಸಿದೆ. ತಮ್ಮದೇ ಸರ್ಕಾರದ ಆದೇಶವನ್ನು ಇತ್ತ ಪಾಲಿಸಲೂ ಆಗದೆ ಅತ್ತ ವಿರೋಧಿಸಲೂ ಆಗದೆ ರೈತರ ಕಣ್ಣೋರೆಸುವ ತಂತ್ರಕ್ಕಷ್ಟೇ ಸೀಮಿತವಾಗುವಂತ ಪರಿಸ್ಥಿತಿ ಎದುರಿಸುತ್ತಿದ್ದಾರೆ.
